Pregnancy Mantra: గర్భరక్షక శ్రీవాసుదేవ మంత్రం గురించి తెలుసా? గర్భిణులు దీన్ని పఠిస్తే కలిగే ప్రయోజనాలు ఇవే
మ‌హాభార‌తంలో ఉత్తర గర్భంలో ఉన్న బిడ్డను రక్షించడానికి శ్రీకృష్ణుడు సృష్టించిన కవచం గర్భరక్షక శ్రీవాసుదేవ మంత్రం. గర్భిణులు గర్భరక్షక శ్రీవాసుదేవ మంత్రం ఎందుకు పఠించాలి..?
Pregnancy Mantra: గర్భరక్షక శ్రీవాసుదేవ మంత్రం గర్భస్రావాన్ని నిరోధించడానికి ఉపయోగిస్తారు. శ్రీమద్భాగవతంలో, వ్యాసుడు శ్రీవాసుదేవునిచే ఉత్తర గర్భాన్ని రక్షించడం గురించి చెప్పాడు. వ్యాసుడు చెప్పిన సూత్రాలు మంత్రాల రూపంలో ఉపయోగిస్తారు. గర్భిణులు ఆ గర్భరక్షక శ్రీవాసుదేవ మంత్రాన్ని ప‌ఠించ‌డం ద్వారా ప్రయోజనాలను పొందవచ్చు. అర్జునుడి కోడలు, అభిమన్యుడి భార్య ఉత్తర తన కడుపులో పెరుగుతున్న బిడ్డపై అశ్వత్థామ బ్రహ్మాస్త్రం ప్ర‌యోగించ‌డం.. గర్భరక్షక శ్రీవాసుదేవ మంత్రాన్ని రూపొందించడానికి దారితీసింది.
దుర్యోధనుడి సోదరులందరూ మహాభారత యుద్ధంలో మరణించారు మరియు అతను తుది శ్వాస విడిచే సమయం వచ్చింది. అదే సమయంలో గురువు ద్రోణాచార్యుని కుమారుడు అశ్వత్థామ పాండవులపై ప్రతీకారం తీర్చుకోవాలని ఆలోచిస్తున్నాడు. ఆ సమయంలో అర్జునుడి కోడలు ఉత్తర గర్భవతిగా ఉంది. పాండవ వంశాన్ని పూర్తిగా నాశనం చేసేందుకు అశ్వత్థామ దోషరహిత బ్రహ్మాస్త్రాన్ని ఉత్తర గర్భంపై ప్రయోగించాడు. అశ్వత్థామకు కూడా ఆ బ్రహ్మాస్త్రం శక్తి గురించి సరైన జ్ఞానం లేక‌పోయినా కోపంతో ప్రయోగిస్తాడు.
Also Read : శ్రీకృష్ణుడు అంటే దైవం మాత్రమే కాదు - స్నేహితుడు, గురువు, ప్రేమికుడు - ఇదే కృష్ణతత్వం
అశ్వత్థామ దురుసు ప్ర‌వ‌ర్త‌న, బ్ర‌హ్మాస్త్ర ప్ర‌యోగం శ్రీ‌కృష్ణుడి ఆగ్రహానికి కారణమైందని చెబుతారు. బ్రహ్మాస్త్రం దాడికి ప్రకృతి అంతా వణికిపోయింది. మరోవైపు, శ్రీకృష్ణుడు తన రథాన్ని అధిరోహిస్తూ ఉండగా, ఉత్తర స్వరం వినిపించింది. వెంటనే ఆయ‌న తన మంత్ర కవచంతో ఉత్తర గర్భాన్ని ర‌క్షించాడు. వాసుదేవుడు ఉత్తర గర్భానికి రక్షకుడిగా మార‌డంతో బ్రహ్మాస్త్రం విఫ‌ల‌మైంది.
శ్రీకృష్ణుడు ఉత్తర గర్భానికి రక్షకుడని వ్యాసుడు శ్రీమద్భాగవతంలో పేర్కొన్నాడు. భక్తుల రక్షణ కోసం శ్రీకృష్ణుడు తన రక్తాన్ని చిందించాడు..! శ్రీకృష్ణుని ప్రేమ ఎంతో తెలుసా? సమస్త జీవరాశులలో ఆత్మ రూపంలో నివసించే యోగేశ్వరుడు శ్రీ హరి.. కురువంశ వికాసానికి తన మంత్ర కవచంతో ఉత్తర గర్భాన్ని కప్పాడు. గ‌ర్భంతో ఉన్న ప్ర‌తి మ‌హిళ మీరు ఈ మంత్రాన్ని జపించాలి.
గర్భ రక్షక శ్రీవాసుదేవ మంత్రం
ఓం అన్తహస్తః సర్వభూతానమాత్మా యోగేశ్వరో హరిః
స్వమయ్యవృణోద్ గర్భ వైరత్యః కురుతంత్వే స్వాహా||
గర్భరక్షక శ్రీవాసుదేవ మంత్రం ప‌ఠించ‌డం ద్వారా కృష్ణుడే గ‌ర్భంలోని బిడ్డ రక్షణ బాధ్య‌త తీసుకుంటాడ‌ని చెబుతారు. ఈ మంత్రాన్ని ప‌ఠిస్తూ దారాన్ని ముడివేసి ఆ తర్వాత దానిని గర్భిణీకి ధరించడానికి ఇస్తారు. ఇది ఆమె గర్భాన్ని కాపాడుతుందని మత విశ్వాసం. గర్భ రక్షక శ్రీవాసుదేవ మంత్రం ద్వారా రక్షణ సూత్రంగా రూపొందించిన దారం ధరించడం వల్ల పుట్టబోయే బిడ్డ క్షేమంగా ఉంటుందని న‌మ్ముతారు.
Also Read : తీర్థయాత్రలు ఎందుకు చేయాలి, శ్రీకృష్ణుడు ఏం చెప్పాడు
Disclaimer: ఇక్కడ అందించిన సమాచారం కేవలం మత విశ్వాసాల మీద ఆధారపడి సేకరించింది మాత్రమే. దీనికి సంబంధించిన శాస్త్రీయ ఆధారాలకు సంబంధించి ‘ఏబీపీ దేశం’ ఎలాంటి భాధ్యత తీసుకోదు. ఈ సమాచారాన్ని పరిగణనలోకి తీసుకునే ముందు పండితులను సంప్రదించి పూర్తి వివరాలు తెలుసుకోగలరు. ‘ఏబీపీ దేశం’, ‘ఏబీపీ నెట్‌వర్క్’ ఈ విషయాలను ధృవీకరించడం లేదని గమనించగలరు.
టాప్ హెడ్ లైన్స్
ట్రెండింగ్ వార్తలు
