Horoscope Today 13th January 2022: వైకుంఠ ఏకాదశి రోజు ఆ భగవంతుడి అనుగ్రహం ఏ రాశుల వారిపై ఉందో చూసుకోండి...

ఆయా రాశిలో ఫలితాలు మొత్తం ఒకే వ్యక్తికి వర్తిస్తాయని భావించరాదు. మీ జాతకం, గ్రహస్థితి ఆధారంగా కూడా చాలా మార్పులుంటాయి. పూర్తి వ్యక్తిగత వివరాల కోసం అనుభవజ్ఞులైన జ్యోతిష్య పండితులను సంప్రదించగలరు.

2022 జనవరి 13 గురువారం రాశిఫలాలు

జనవరి 13 గురువారం రాశిఫలాలు

మేషం
ఈ రోజు మీరు ఆర్థిక పరిస్థితి గురించి కొంచెం ఆందోళన చెందుతారు. ప్రభుత్వ పనుల్లో పురోగతి ఉండదు.  గొంతు నొప్పితో ఇబ్బంది పడతారు. వ్యసనాల జోలికి పోవద్దు. విలువైన వస్తువలు భద్రతపై శ్రద్ధ వహించాలి. ఈ రోజు ఏదో విచారంగా ఉంటారు. ఎదుటివారికి సలహాలు ఇవ్వకండి. 

వృషభం
చాలా కాలంగా నిలిచిపోయిన పనులు ఈరోజు ప్రారంభమవుతాయి. వ్యాపారంలో వచ్చే సమస్యలను తొలగించుకోవడంలో విజయం సాధిస్తారు. సాంకేతికత వినియోగం వల్ల మేలు జరుగుతుంది. మీ నైపుణ్యంతో వేరేవాళ్ల పని పూర్తిచేస్తారు. ఉద్యోగస్తులు అధికారుల సలహాల వల్ల లాభపడతారు. నిరుద్యోగులు కొత్త ఆఫర్లు వచ్చే అవకాశం ఉంది. 

మిథునం
ఈరోజు సాధారణంగా ఉంటుంది.  అతి విశ్వాసం తప్పులకు దారి తీస్తుంది. ఇంట్లో అసమ్మతి కారణంగా మీరు ఇబ్బందిపడతారు.  స్నేహితులతో మీ సంబంధాలు బావుంటాయి.  ఉద్యోగంలో చాలా సమస్యలను ఎదుర్కోవలసి వస్తుంది. కడుపు నొప్పితో ఇబ్బంది పడతారు. మనసులో ఏదో అభద్రతా భావం వెంటాడుతుంది. 

కర్కాటకం
ఈరోజు మీరు జాగ్రత్తగా ఉండాలి. జీవిత భాగస్వామి ఆరోగ్యం గురించి ఆందోళన చెందుతారు. కొత్త షేర్ల నుంచి లాభం ఉంటుంది. మీ కుటుంబం పట్ల మంచి ప్రవర్తన కలిగి ఉండండి. వ్యాపారస్తులు కొత్త పనులు ప్రారంభించగలరు. స్వార్థపరులెవరో తెలుసుకుని  దూరంగా ఉండండి.

సింహం
మానసిక ఒత్తిడి ఎక్కువగా ఉంటుంది. ఈ రోజు చాలా మందిని కలుస్తారు. మీ ఆలోచనలకు ప్రాముఖ్యత లభిస్తుంది. మీరు ఇల్లు లేదా వాహనం కొనుగోలు చేయవచ్చు.ఇంట్లో పని  ఒత్తిడి పెరుగుతుంది. మీరు మీ వ్యక్తిత్వంలో కొన్ని మార్పులను చూస్తారు. ఎవరితోనూ వివాదాలు పెట్టుకోవద్దు. తెలియని వ్యక్తుల నుంచి సహాయం పొందవచ్చు.

కన్య
ఈ రోజు మీకు అదృష్టం కలిసొస్తుంది.  ఒత్తిడి నుంచి ఉపశమనం పొందుతారు. స్నేహితుడిని కలుస్తారు. సంసార జీవితం బావుంటుంది. మతపరమైన కార్యక్రమాలపై ఆసక్తి చూపుతారు.  పాత అనుభవాల నుంచి ప్రయోజనాన్ని పొందుతారు. సామాజిక జీవితంలో చురుకుగా ఉంటారు. అప్పుగా ఇచ్చిన డబ్బు మీకు తిరిగి వస్తుంది. మీరు పిల్లల గురించి ఆందోళన చెందుతారు.

తుల
ఈ రోజంతా జాగ్రత్తగా ఉండాలి.  కొత్త ఉద్యోగాన్ని ప్రారంభించవద్దు. మీరు కార్యాలయంలో నిర్వహణ గురించి చాలా ఆందోళన చెందుతారు.  గుండె జబ్బులతో బాధపడేవారికి సమస్యలు ఎదుర్కొంటారు. ఆధ్యాత్మికతపై ఆసక్తి పెరుగుతుంది. పాత స్నేహితుడిని కలుస్తారు.

వృశ్చికం
ఈరోజు మంచి రోజు అవుతుంది. కార్యాలయంలో మీ పనితీరు అద్భుతంగా ఉంటుంది. వ్యాపారంలో మార్పు తీసుకువస్తారు. సన్నిహితుల మాటలతో మీకు ఇబ్బంది కలగవచ్చు.మీరు మానసికంగా ఒత్తిడికి గురికావచ్చు. 

ధనుస్సు 
అపరిచితుల పట్ల జాగ్రత్త వహించండి. ఎవరైనా మీకు హాని చేయవచ్చు. ఒంటరిగా ఉన్నవారు వివాహం గురించి ఆందోళన చెందుతారు. విద్యార్థులకు చదువుల పట్ల ఆసక్తి పెరుగుతుంది. ఈరోజు చాలా బాధ్యత ఉంటుంది. మతపరమైన ప్రయాణాలు లాభిస్తాయి. ఎవరికీ డబ్బు అప్పుగా ఇవ్వకండి. ప్రభుత్వ పనులను పూర్తి చేయగలుగుతారు. సమయానికి మిత్రులను కలుస్తారు.

మకరం
ఈరోజు చాలా సంతోషంగా ఉంటుంది. వ్యాపారంలో వచ్చిన అడ్డంకులు తొలగిపోతాయి. కార్యాలయ వాతావరణంలో ప్రశాంతత ఉంటుంది. మీరు సామాజిక కార్యక్రమాల్లో చురుకుగా పాల్గొంటారు.  ప్రేమ వ్యవహారాల పట్ల మక్కువ చూపుతారు. విద్యార్థులకు చదువులో కొంత ఇబ్బంది ఉంటుంది. స్నేహితుడితో కలిసి విహారయాత్రకు వెళ్లవచ్చు. టెన్షన్ పోతుంది.

కుంభం
మీ కోపాన్ని అదుపులో పెట్టుకోండి. కోపం కారణంగా పరస్పర సంబంధాలలో చీలికలు ఏర్పడవచ్చు.ఆరోగ్యం విషయంలో ఆందోళన ఉంటుంది.  పాత జబ్బులు తిరగబెట్టే అవకాశం ఉంది. ఎవరి విషయాల్లోనూ జోక్యం చేసుకోకండి. గృహాల క్రయ, విక్రయాలలో నిమగ్నమైన వారికి ఈ రోజు శుభప్రదం కాదు. 

మీనం
ఈ రోజు మంచి రోజు అవుతుంది. మీ పెండింగ్ పనులు పూర్తవుతాయి. మీరు ఏదైనా పథకంలో పెట్టుబడి పెట్టొచ్చు. కుటుంబ జీవితం ఆహ్లాదకరంగా ఉంటుంది. ఆఫీసులో మీపై ఎవరైనా కుట్ర చేయొచ్చు జాగ్రత్త. యువత పోటీ పరీక్షల్లో విజయం సాధిస్తారు. ఏ పని ప్రారంభించాలన్నా కుటుంబసభ్యుల నుంచి సహకారం ఉంటుంది. 


Also Read: భోగి పళ్లుగా రేగు పళ్లు ఎందుకు పోస్తారు… వీటికి-దిష్టికి ఏంటి సంబంధం…
Also Read:  ముక్కోటి ఏకాదశి రోజు మాత్రమే ఉత్తర ద్వార దర్శనం ఎందుకు చేసుకోవాలి..
Also Read: 11 ఇంద్రియాలపై నియంత్రణే వైకుంఠ ఏకాదశి దీక్షలో ఆంతర్యం
Also Read:  సంక్రాంతికి శ్రీశైలం మల్లన్న కల్యాణం, భక్తులకు ఈ నిబంధనలు తప్పనిసరి...
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి