Astrology: మీరు డిసెంబరులో జన్మించారా, అయితే మీరు పుట్టుకతోనే టీచర్లు, నిత్య విద్యార్థులు

Astrology: ఒకరి వ్యక్తిత్వం…వారు పుట్టిన తేదీ, సమయం, రాశి, తిథి, గ్రహస్థితి ఆధారంగా మాత్రమే కాదు...పుట్టిన నెల ఆధారంగా కూడా చెప్పొచ్చంటారు జ్యోతిష్యులు. మరి డిసెంబరులోో పుట్టినవారెలా ఉంటారంటే...

Astrology

డిసెంబరులో పుట్టినవారు పుట్టుకతోనే టీచర్లు అన్నట్టుంటారు. తమ జ్ఞానాన్ని పంచుకుంటారు. ఎదుటివారు తప్పుగా ప్రవర్తించినప్పుడు వారిని వారు ఎలా మెరుగు పర్చుకోవాలో లేదా ఆ తప్పులను సరిదిద్దుకోవడానికి ఏం చేయాలో సూచిస్తారు. ఇదంతా యాజమాన్య ధోరణితో కాకుండా స్నేహభావంతో చెబుతారు. ఇంకా డిసెంబరులో పుట్టిన వారి లక్షణాలు ఎలా ఉంటాయంటే...

• ఈ నెలలో జన్మించిన వ్యక్తులు చాలా నిజాయితీగా ఉంటారు. ఎప్పుడూ న్యాయంగా, విశ్వసనీయంగా ఉండటానికి ప్రయత్నిస్తారు
• వీరిపై ఏదీ, ఎవరూ కూడా ఎలాంటి ప్రభావం చూపించలేరు. ఒకవేళ వారు ఏదైనా తప్పు చేసినా అది ఉద్దేశపూర్వకంగా జరిగినది కాదై ఉంటుంది
• డిసెంబరులో జన్మించిన వ్యక్తులు చాలా శక్తివంతంగా ఉంటారు, పనిపట్ల అంకిత భావంతో వ్యవహరిస్తారు. వీరికి మంచి నాయకత్వ లక్షణాలుంటాయి
• వీరు చాలా తెలివైనవారు,  ఏ విషయాన్ని అయినా లోతుగా అధ్యయనం చేసేందుకు ఇష్టపడతారు
• కొత్త వ్యక్తులను కలుస్తారు, వివిధ సంస్కృతులను తెలుసుకుంటారు. బోధించేందుకు ఎంత ఉత్సాహంగా ఉంటారో..నేర్చుకోవడంలోనూ అంతకుమించి అనిపిస్తారు
• కష్టాలు, సమస్యలను ఎదుర్కొంటారు కానీ ఎట్టి పరిస్థితుల్లోనూ వాటినుంచి దూరంగా పారిపోరు
• జీవితం నుంచి ఏం కోరుకుంటున్నారో, ప్రాధాన్యతలేంటో తెలుసు. వీరికి ప్రత్యేకమైన కోరికలంటూ ఉండవు. సంతోషం అంటే కుటుంబం, సన్నిహితులు, ప్రేమించినవారు..వీరి సామ్రాజ్యం ఇంతే. 
  డిసెంబరులో జన్మించిన వ్యక్తులు ఇతరులకు సహాయం చేయడానికి ఎలాంటి త్యాగం చేయడానికైనా సిద్ధంగా ఉంటారు
• వీరు కొన్ని నియమాలకు,నమ్మకాలకు కట్టుబడి ఉండడం వల్ల దాన్నుచి వీరిని బయటకు తీసుకురావడం చాలా కష్టం. అందుకే అందరి దృష్టిలో మెండివాళ్లుగా పేరుపడతారు. కానీ ఆ మొండితనంలో కూడా ఎలాంటి స్వార్థ్యం ఉండదు
• డిసెంబరులో జన్మించినవారు నిజాయితీగా, న్యాయంగా,  విధేయులుగా ఉంటారు
• డిసెంబరులో పుట్టినవారు మంచి విద్యావంతులు, దయగలవారు, బుద్ధిబలము, దైవభక్తి కలిగి ఉంటారు
• వీరి ప్రవర్తన చాలా బావుంటుంది. బాగా చదువుకుంటారు, మంచి ఉద్యోగాలు చేస్తారు, బాగా సంపాదిస్తారు, మంచి పేరు సంపాదించుకుంటారు, నలుగురిలో గౌరవంగా బతుకుతారు. 
  పట్టుదల ,కార్యదీక్ష కలిగి ఉంటారు, తలపెట్టిన పని పూర్తిచేస్తారు
• వీరికి అదృష్టంతో పాటూ దైవసహాయం కూడా తోడుంటుంది, భక్తిమార్గాన్ని అవలంభిస్తారు, ధర్మకార్యాలు చేస్తారు, ప్రయాణాలమీద ఆసక్తి ఉంటుంది
• ఈ నెలలో పుట్టినవారు మంచి ఉద్యోగాలు చేస్తారు, రాజకీయాల్లో రాణిస్తారు, వీరిలో కొందరు పండితులు, విద్యావంతులుగా ఉంటారు
• చేసే పనిలో పూర్తిగా నిమగ్నమై ఉంటారు. పనిపై భక్తి, శ్రద్ధ రెండూ ఉంటాయి..ఆ పని పూర్తయ్యేవరకూ మరో పని గురించి ఆలోచించరు
• ఏకాగ్రత ఎక్కువ, బుద్ధి చాలా చురుకుగా పనిచేస్తుంది, ఎలాంటి విషయాన్ని అయినా సులభంగా గ్రహించగలరు , అనుకున్న పని అనుకున్నట్టు పూర్తిచేస్తారు
• వీరికి సహనం చాలా తక్కువ, నీతి నిజాయితీ, మాటపట్టింపు చాలా ఎక్కువ
• కానీ కొన్ని పరిస్థితులకు తలవంచాలంటే బాధపడతారు
• వ్యాపారాలు బాగా నిర్వహిస్తారు, స్వయంకృషిని సొంత తెలివితేటల్ని నమ్ముకుంటారు
• వారి పనిని వారే స్వయంగా చేస్తారు, ఇతరులు చేస్తే వారికి నచ్చదు