Tamil Nadu Assembly Elections: పెరంబూర్ నుంచి విజయ్ పోటీ - డీఎంకే కంచుకోటలో దళపతి సాహసం!
TVK Vijay: విజయ్ తన రాజకీయ అరంగేట్రం కోసం ఎంచుకోబోయే నియోజకవర్గంపై సర్వత్రా ఉత్కంఠ నెలకొంది. చెన్నైలోని పెరంబూర్ నియోజకవర్గం నుంచి ఆయన బరిలోకి దిగే అవకాశాలు కనిపిస్తున్నాయి. అయితే అది డీఎంకే కంచుకోట.
Vijay to contest from Perambur: తమిళ రాజకీయాల్లో 2026 అసెంబ్లీ ఎన్నికల వేడి అప్పుడే మొదలైంది. ముఖ్యంగా తమిళగ వెట్రి కళగం అధినేత, సూపర్ స్టార్ విజయ్ తన రాజకీయ అరంగేట్రం కోసం ఎంచుకోబోయే నియోజకవర్గంపై సర్వత్రా ఉత్కంఠ నెలకొంది. చెన్నైలోని పెరంబూర్ నియోజకవర్గం నుంచి ఆయన బరిలోకి దిగే అవకాశాలు మెండుగా ఉన్నాయని ఆ పార్టీ వర్గాలు చెబుతున్నాయి. ఈ నిర్ణయం విజయ్ రాజకీయ భవిష్యత్తుకు మాస్టర్ స్ట్రోక్ అవుతుందా లేక వ్యూహాత్మక తప్పిదం గా మిగిలిపోతుందా అన్నదానిపై భిన్నాభిప్రాయాలుఉన్నాయి.
డీఎంకే కంచుకోటలో సవాల్
పెరంబూర్ నియోజకవర్గం దశాబ్దాలుగా డీఎంకే పార్టీకి పెట్టని కోట. 2021 ఎన్నికల్లో ఇక్కడ డీఎంకే అభ్యర్థి ఆర్.డి. శేఖర్ సుమారు 55 వేల ఓట్ల భారీ మెజారిటీతో విజయం సాధించారు. మొత్తం పోలైన ఓట్లలో 52% పైగా డీఎంకే ఖాతాలోకే వెళ్లాయి. ఇంతటి బలమైన పట్టున్న నియోజకవర్గాన్ని విజయ్ ఎంచుకోవడం కచ్చితంగా ఒక సాహసమే. ఇక్కడ గెలుపు ద్వారా తాను డీఎంకేకు అసలైన ప్రత్యామ్నాయం అని నిరూపించుకోవాలన్నది విజయ్ వ్యూహం కావచ్చు, కానీ క్షేత్రస్థాయిలో డీఎంకే క్యాడర్ను ఢీకొట్టడం అంత సులభం కాదు.
నగర ఓటర్లు vs సినిమా క్రేజ్
సాధారణంగా నగరాల్లోని విద్యావంతులు, మధ్యతరగతి ఓటర్లు కేవలం సినిమా గ్లామర్ను చూసి ఓట్లు వేయరనే వాదన ఉంది. విజయ్కు గ్రామీణ ప్రాంతాల్లో ఉన్నంత మాస్ ఫాలోయింగ్ చెన్నై వంటి మెట్రో సిటీల్లో ఓట్లుగా మారుతుందా అన్నది సందేహమే. గతంలో కమల్ హాసన్ వంటి వారు కూడా నగరాల్లో పోటీ చేసి చేదు అనుభవాలను చవిచూశారు. విజయ్ తన బలాన్ని గ్రామీణ లేదా సెమీ-అర్బన్ నియోజకవర్గాల్లో మధురాంతకం లేదా తిరుచ్చి వంటి చోట్ల పరీక్షించుకుంటే రిస్క్ తక్కువగా ఉండేదని విశ్లేషకులు అభిప్రాయపడుతున్నారు.
ప్రభుత్వ వ్యతిరేకతను ఒడిసిపట్టగలరా?
పెరంబూర్ నియోజకవర్గంలో కార్మిక వర్గం, మురికివాడల ప్రజలు ఎక్కువగా ఉంటారు. డీఎంకే ప్రభుత్వంపై ఉన్న వ్యతిరేకతను, ముఖ్యంగా నిరుద్యోగం , ధరల పెరుగుదల వంటి అంశాలను విజయ్ తన వైపు తిప్పుకోగలిగితేనే ఫలితం అనుకూలంగా ఉంటుంది. ఇప్పటికే అక్కడ టీవీకే సభ్యత్వ నమోదు జోరుగా సాగుతున్నా, అది ఓట్లుగా మారుతుందా లేదా అన్నది మిలియన్ డాలర్ల ప్రశ్న. ఒకవేళ ఇక్కడ ఫలితం తేడా వస్తే, కొత్తగా పెట్టిన పార్టీ ఉనికికే ప్రమాదం ఏర్పడే అవకాశం ఉంది.
డీఎంకే వ్యూహం - విజయ్కు గండం
విజయ్ రాజకీయాల్లోకి రావడం డీఎంకేకు అస్సలు ఇష్టం లేదు. అందుకే ఆయన ఎక్కడ పోటీ చేసినా అక్కడ సర్వశక్తులు ఒడ్డి ఓడించాలని అధికార పార్టీ కంకణం కట్టుకుంది. డీఎంకే తన ఓటు బ్యాంకును కాపాడుకోవడమే కాకుండా, విజయ్ ఫ్యాన్ బేస్లో చీలిక తెచ్చేందుకు కూడా ప్రయత్నిస్తోంది. ముఖ్యంగా యువత ఓట్లు రెండుగా చీలితే అది పరోక్షంగా డీఎంకేకే లాభిస్తుంది. విజయ్ కేవలం తన అభిమాన సంఘాలపైనే ఆధారపడకుండా, పక్కా రాజకీయ వ్యూహంతో ముందుకు వెళ్లాల్సి ఉంటుంది.
పెరంబూర్ వంటి కఠినమైన స్థానాన్ని ఎంచుకోవడం ద్వారా విజయ్ తన ధైర్యాన్ని చాటుకుంటున్నారు. అయితే, రాజకీయాల్లో ధైర్యం కంటే వ్యూహం ముఖ్యం. ఆయన కేవలం సినిమా స్టార్ గానే మిగిలిపోతారా లేక రాజకీయ శక్తి గా ఎదుగుతారా అనేది పెరంబూర్ తీర్పుపైనే ఆధారపడి ఉంటుంది. ఏప్రిల్ 23, 2026న జరగబోయే ఈ పోరు తమిళనాడు రాజకీయ చరిత్రలో ఒక మైలురాయిగా నిలవనుంది.
Before You Go
Telangana Politics: మరో స్థాయికి వెళ్లిన బూతుల పంచాయతీ.. కంట్రోల్ తప్పిన పొలిటీషియన్స్
టాప్ హెడ్ లైన్స్
ట్రెండింగ్ వార్తలు
