Shock to Love professor : క్లాసులోనే విద్యార్థినికి లవ్ ప్రపోజ్ చేసిన లెక్చరర్ - ఆ తర్వాత ఏం జరగిందంటే.. అబ్బో బీటింగే !
Medical Students: బెంగళూరులోని ఒక ప్రైవేట్ మెడికల్ కాలేజీలో జరిగిన ఉదంతం సోషల్ మీడియాలో చర్చనీయాంశంగా మారింది. ఓ ప్రొఫెసర్ ను అక్కడి విద్యార్థులంతా చితక్కొట్టారు. దానికి కారణం లవ్ ప్రపోజల్.
Bengaluru students anger: బెంగళూరు శివార్లలోని నెలమంగళ తాలూకా టీ.బేగూరు వద్ద ఉన్న ఒక ప్రైవేట్ మెడికల్ కళాశాలలో ఈ విస్తుపోయే సంఘటన చోటుచేసుకుంది. పాఠాలు చెప్పి విద్యార్థులను సన్మార్గంలో నడిపించాల్సిన ఒక ప్రొఫెసర్, క్లాస్ రూమ్ లోనే తన పరిధిని మర్చిపోయి ప్రవర్తించడం అందరినీ ఆశ్చర్యానికి గురిచేసింది. సదరు ప్రొఫెసర్ తన వద్ద చదువుకుంటున్న ఒక విద్యార్థినికి అందరి ముందూ ప్రేమ పేరుతో ప్రపోజ్ చేయడంతో ఈ వివాదం మొదలైంది.
తరగతి గదిలోనే ప్రపోజల్
సాధారణంగా తరగతులు జరుగుతున్న సమయంలో సబ్జెక్టు గురించి చర్చించాల్సిన ప్రొఫెసర్, ఒక్కసారిగా సదరు విద్యార్థిని వద్దకు వెళ్లి తన మనసులోని మాటను బయటపెట్టారు. మోకాళ్లపై నిలబడి సినిమాల్లో చూపించినట్లుగా ఆమెకు ప్రపోజ్ చేయడంతో క్లాస్ రూమ్ లో ఉన్న మిగిలిన విద్యార్థులు షాక్‌కు గురయ్యారు. ఒక గురువు స్థానంలో ఉండి ఇలాంటి పనులు చేయడంపై ఆ విద్యార్థిని వెంటనే తీవ్ర అభ్యంతరం వ్యక్తం చేసింది.
Bizzare incident from Bengaluru. A teacher proposed a girl student in the classroom of a medical college. The girl took objection to the proposal while the teacher could be heard claiming the girl proposed first. The teacher was later assaulted with slipper. pic.twitter.com/kt6FYYGT7r
— Piyush Rai (@Benarasiyaa) March 26, 2026
విద్యార్థిని ఆగ్రహం - దేహశుద్ధి
ప్రొఫెసర్ చేసిన పనికి తీవ్ర అవమానంగా భావించిన ఆ విద్యార్థిని అక్కడితో ఆగలేదు. తనను వేధించడమే కాకుండా, పబ్లిక్ గా ఇలా ప్రవర్తించడంపై ఆగ్రహం వ్యక్తం చేస్తూ సదరు ప్రొఫెసర్‌పై తిరగబడింది. వెంటనే సహచర విద్యార్థులు కూడా ఆమెకు తోడవడంతో పరిస్థితి ఉద్రిక్తంగా మారింది. విద్యార్థులంతా కలిసి ఆ ప్రొఫెసర్‌ను చుట్టుముట్టి కాలేజీలోనే దేహశుద్ధి చేశారు. దీనికి సంబంధించిన దృశ్యాలు సోషల్ మీడియాలో వైరల్ అయ్యాయి.
Sri Siddhartha Institute of Medical Sciences & Research in Bengaluru where an alleged proposal triggered outrage and violence. Students could be seen assaulting the professor who proposed the girl in the classroom. https://t.co/JhZIe4yttX pic.twitter.com/epAk8fYPH6
— Piyush Rai (@Benarasiyaa) March 26, 2026
కళాశాల యాజమాన్యం స్పందన
ఈ ఘటనపై సమాచారం అందుకున్న కళాశాల యాజమాన్యం మరియు ప్రిన్సిపాల్ వెంటనే స్పందించారు. విద్యాసంస్థ యొక్క పరువు తీసేలా విద్యార్థినుల పట్ల అసభ్యంగా ప్రవర్తించినందుకు గాను సదరు ప్రొఫెసర్‌పై కఠిన చర్యలకు ఉపక్రమించారు. ప్రాథమిక విచారణ అనంతరం ఆయనను విధుల నుంచి తొలగిస్తున్నట్లు ప్రకటించారు. ఇలాంటి ఘటనలు పునరావృతం కాకుండా అంతర్గత కమిటీతో విచారణ జరిపిస్తామని హామీ ఇచ్చారు.
పోలీసుల జోక్యం
ఈ గొడవ పెద్దది కావడంతో సమాచారం అందుకున్న నెలమంగళ పోలీసులు ఘటనా స్థలానికి చేరుకుని పరిస్థితిని సమీక్షించారు. బాధితురాలైన విద్యార్థిని ఫిర్యాదు మేరకు ప్రొఫెసర్‌పై కేసు నమోదు చేసే ప్రక్రియను ప్రారంభించారు. విద్యాబుద్ధులు నేర్పాల్సిన వారు ఇలాంటి ఉన్మాద చర్యలకు పాల్పడటంపై సర్వత్రా విమర్శలు వ్యక్తమవుతున్నాయి. విద్యార్థులకు రక్షణ కల్పించాల్సిన బాధ్యత యాజమాన్యాలపై ఉందని స్థానికులు అభిప్రాయపడుతున్నారు.
టాప్ హెడ్ లైన్స్
ట్రెండింగ్ వార్తలు
