LPG Connection: ఎల్పీజీ సిలిండర్ల వాడకందారులకు కేంద్రం డెడ్‌లైన్!మూడు నెలల్లో పీఎన్జీకి మారకుంటే కనెక్షన్ కట్!

LPG Connection:వినియోగదారులు మూడు నెలలలోపు పీఎన్జీకి మారకుంటే వారికి నోటీసులు జారీ చేసి అనంతరం ఎల్పీజీ సిలిండర్ల సరఫరాను నిలిపివేస్తారు.

ఎల్పీజీ సిలిండర్ల వాడకందారులకు కేంద్రం డెడ్‌లైన్!మూడు నెలల్లో పీఎన్జీకి మారకుంటే కనెక్షన్ కట్!

Source : PTI

Show Quick Read

Key points generated by AI, verified by newsroom

• పశ్చిమాసియా యుద్ధం కారణంగా ఎల్పీజీ సరఫరాకు ఆటంకాలు.
• పైప్డ్ నేచురల్ గ్యాస్ (PNG) వాడకాన్ని తప్పనిసరి చేస్తోంది ప్రభుత్వం.
• మూడు నెలల్లో PNG కనెక్షన్ తీసుకోకపోతే LPG సరఫరా నిలిపివేత.
• PNG వాడకంతో దిగుమతులపై ఆధారపడటం తగ్గుతుందని భావిస్తున్నారు.

LPG Connection: పశ్చిమాసియాలో నెలకున్న యుద్ధం వాతావరణ కారణంగా ఎల్పీజీ సరఫరాలో ఏర్పడుతున్న ఆటంకాలను అధిగమించేందుకు కేంద్ర ప్రభుత్వం సంచలన నిర్ణయం తీసుకుంది. గ్యాస్ పైప్‌లైన్ నెట్‌వర్క్‌ను వేగవంతం చేయడంలో భాగంగా పైపుడ్‌ నేచురల్ గ్యాస్‌(PNG) సౌకర్యం అందుబాటులో ఉన్న ప్రాంతాల్లోని గృహ వినియోగదారులు మూడు నెలల్లోగా ఆ కనెక్షన్‌కు మారాలని ఆదేశించింది. నిర్ణీత గడువులోపల పీఎన్జీకి మారని పక్షంలో ఎల్పీజీ సిలిండర్ సరఫరా పూర్తిగా నిలిపివేస్తామని హెచ్చరించింది. 

గ్యాస్ సరఫరాలో మార్పులు

దేశవ్యాప్తంగా వంట గ్యాస్ సరఫరా వ్యవస్థలో పెను మార్పులు తీసుకురావాలని కేంద్రం నిర్ణయించింది. ఇప్పటి వరకు సిలిండర్లు రూపంలో అందుతున్న ఎల్పీజీ స్థానంలో పైపుల ద్వారా నేరుగా వంటింట్లోకి వచ్చే పీఎన్జీ వాడకాన్ని ప్రోత్సహించడమే కాకుండా, దీన్ని తప్పనిసరి చేసే దిశగా అడుగులు వేస్తోంది. పైప్‌లైన్‌గ్యాస్ నెట్‌వర్క్ ఇప్పటికే అందుబాటులో ఉన్న ప్రాంతాల్లో వినియోగదారులు తప్పనిసరిగా మూడు నెలల గడువులోగా పీఎన్జీ కనెక్షన‌కు మారాల్సి ఉంటుంది. 

అధికారులు సమాచారం అందించిన తర్వాత కూడా వినియోగదారులు మూడు నెలలలోపు ఈ సదుపాయాన్ని ఎంచుకోకపోతే, వారికి నోటీసులు జారీ చేసి అనంతరం ఎల్పీజీ సిలిండర్ల సరఫరాను నిలిపివేస్తారు. దీని వల్ల భవిష్యత్‌లో నగర ప్రాంతాల్లో సిలిండర్ల వినియోగం గణనీయంగా తగ్గి, పైప్‌లై్ వ్యవస్థ ప్రధాన వనరుగా మారనుంది. 

ఎందుకు ఈ నిర్ణయం తీసుకున్నారు?

ఈ ఆకస్మిక నిర్ణయానికి ప్రధాన కారణం అంతర్జాతీయ భౌగోళిక రాజకీయ పరిస్థితులు, పశ్చిమాసియాలో జరుగుతున్న యుద్ధం కారణంగా ఎల్పీజీ సరఫరా గొలుసులో తీవ్ర ఆటంకాలు ఏర్పడుతున్నాయి. ఎల్పీజీపీ అవసరాల కోసం దిగుమతులపై భారత్‌ ఆధారపడుతుండటంతో సరఫరాలో అంతరాయం కలగకుండా చూసేందుకు కేంద్రం పీఎన్జీ నెట్‌వర్క్‌ను వేగవంతం చేయాలని భావించింది. స్థానికంగా అందుబాటులో ఉండే నేచురల్ గ్యాస్‌ను పైప్‌లైన్ల ద్వారా పంపిణఈ చేయడం వల్ల విదేశీ దిగుమతులపై ఒత్తిడి తగ్గుతుందని ప్రభుత్వం భావిస్తోంది.  

అమలు ఎప్పటి నుంచి? రూల్స్ ఏంటీ?

ఈ కొత్త రూల్ తక్షణమే అమలులోకి వచ్చింది. పీఎన్జీ అందుబాటులో ఉన్న ప్రతి చోటా మరో మూడు నెలల గడువు వర్తిస్తుంది. అయితే కొన్ని ప్రత్యేక సందర్భాల్లో మినహాయింపులు కూడా ఉన్నాయి. పైప్‌లైన్ కనెక్షన్ ఇవ్వడంలో ఏమైనా సాంకేతిక లోపాలు ఉన్నప్పుడు మాత్రమే ఎల్పీజీ సిలిండర్లు సరఫరా కొనసాగిస్తారు. దీని కోసం అధికారుల నుంచి ఎన్వోసీ తీసుకోవాల్సి ఉంటుంది. 

పీఎన్జీ అనుమతులను వేగవంతం చేసేందుకు ప్రభుత్వం నిత్యావసర వస్తువుల చట్టం కింద ఆదేశాలు జారీ చేసింది. దీని ప్రకారం, అధికారులు నిర్ణీత కాలపరిమితిలోగా అన్ని అనుమతులు ఇవ్వాలి. ఒక వేళ వారు విఫలమైతే అనుమతులు ఇచ్చినట్టుగానే భావించి పనులు కొనసాగించవచ్చు. హౌసింగ్ సొసైటీలకు పీఎన్జీ సౌకర్యాన్ని నియంత్రించే సంస్థలు కేవలం మూడు రోజుల్లోనే అనుమతులు మంజూరు చేయాలి. అన్ని ప్రక్రియలు పూర్తి అయిన తర్వాత ఫైనల్ కనెక్షన్ కేవలం రెండు రోజుల్లో వినియోగదారుడికి అందించాలని కేంద్రం ఆదేశించింది. 

వినియోగదారులకు కలిగే ప్రయోజనం ఏంటీ?

పీఎన్జీ అనేది ఎల్పీజీతో పోలిస్తే సేఫ్‌. నిరంతరాయంగా సరఫరా అయ్యే ఇంధనం. సిలిండర్ల కోసం ఎదురు చూడాల్సిన పని లేదు. నేరుగా పైపుల ద్వారా గ్యాస్ అందుతుంది. ప్రభుత్వం  ప్రక్రియను పారదర్శకంగా ఉంచేందుకు స్థిరమైన ఛార్జీలు వసూలు చేస్తుంది. 

మరిన్ని చదవండి

గ్యాస్ సిలిండర్ బుకింగ్ రూల్స్ మారలేదు.. క్లారిటీ ఇచ్చిన పెట్రోలియం మంత్రిత్వ శాఖ

తెలంగాణలో పెట్రోల్, LPG కొరత లేదు.. ప్రజలు ఆందోళన చెందవద్దు: పౌరసరఫరాల శాఖ