In Pics: ఐదుగురు రాజులు నిర్మించిన ఈ కోట చరిత్ర తెలుసా?

Karimnagar News: హైదరాబాద్ రాష్ట్రంలో నిజాంల పరిపాలన ఉన్న సమయంలో ఈ కరీంనగర్ కోట ఆ ప్రాంతానికే ప్రధాన కార్యాలయంగా ఉండేది. దాదాపు రాజులు వారి వారి హాయాంలలో ఈ కోటను నిర్మించారు.

కరీంనగర్ ఎలగందుల కోట

తెలంగాణ రాష్ట్రంలో ఎందరో చక్రవర్తులు, రాజులు, నైజాం నవాబులు పరిపాలించినటువంటి ప్రదేశాలు ఎన్నో ఉన్నాయి.

హైదరాబాదులో గోల్కొండ కోట వరంగల్లో కాకతీయుల సామ్రాజ్యంలో నిర్మించబడిన కాకతీయుల కోట.. ఇలా చెప్పుకుంటూ పోతే తెలంగాణ రాష్ట్రంలో అనేక పర్యటక ప్రాంతాలు నెలకున్నాయి.

అలాంటి ప్రాంతాల్లో ఒక్కటే కరీంనగర్ జిల్లాలో ఎలగందుల కోట...

కరీంనగర్ జిల్లాలోని ఎల్గందుల్ కోట కాకతీయ రాజవంశం, బహమనీలు, కుతుబ్ షాహీలు, మొఘల్, అసఫ్ జాహీలతో సహా వివిధ రాజవంశాల అధికార కేంద్రంగా ఉండేది.

హైదరాబాద్ నిజాంల పాలనలో ఈ కోట కరీంనగర్ ప్రధాన కార్యాలయంగా నియమించబడింది.

పూర్వ కాలంలో ఎల్‌గందల్‌ను బహుధాన్యపురం, తెల్లకందుల, వెలిగందుల అని కూడా పిలిచేవారు కాలక్రమంలో ఆ పేరు ఎల్‌గండల్‌గా మారిందని చరిత్రకారులు తెలిపారు.

ఎల్గండల్ కోట తెలంగాణలోని ప్రధాన కోటలలో ఒకటి. కోట ఒక కొండపై సుమారు 1000 మీటర్ల పైన ఉంటుంది.

కోటలోకి ప్రవేశించడానికి 300 మెట్లు ఉన్నాయి. కోట తూర్పు ద్వారం, బృందావన్ చెరువు, మసీదులు, కోటలోని సమాధులు పర్యాటకులను ఆకర్షిస్తాయి.

కోట ప్రాంగణంలో వివిధ ముస్లిం సాధువుల సమాధులు ఉన్నాయి. మొఘల్ చక్రవర్తి ఔరంగజేబు నిర్మించిన అలంగీర్ మసీదు ప్రధాన ఆకర్షణ.

ప్రతి మసీదులో కనిపించే సాధారణ నాలుగు మినార్లకు భిన్నంగా ఇది మూడు మినార్లతో కిరీటంలా చేయబడింది.

కోట తూర్పు ద్వారం వెలుపల ఉన్న బృందావన్ ట్యాంక్ 1754లో జఫర్-ఉద్-దౌలాచే నిర్మించబడింది.

ఈ కోట లోపల నీలకంఠ స్వామి, నరసింహ స్వామి ఆలయాలు కూడా ఉన్నాయి.

ఈ కోట దేశం వైపు, లోయర్ మానేర్ డ్యామ్ నీటి నిల్వ, చుట్టూ ఉన్న చిన్న కొండలను చూడవచ్చు.