Ravindra Jadeja: విజేత‌గా వీడ్కోలు పలికిన ఆల్‌రౌండర్‌

Ravindra Jadeja: అవసరానికి అక్కరకు వచ్చే స్పిన్నర్‌, సరైన స్ట్రోక్‌ప్లేతో చితక్కోట్టే బ్యాటర్ , మైదానంలో చురుకుగా కదిలే ఫీల్డర్‌, అన్ని విభాగాల్లో తనదైన ముద్ర వేసుకున్న ఆల్ రౌండర్ రవీంద్ర జడేజా.

టీ 20 ప్రపంచ కప్ ట్రోఫీ తో ఆల్​రౌండర్​ రవీంద్ర జడేజా (Photo Source: Twitter/@ICC )

భారతీయుల 17 ఏళ్ల కల సాకార్యమైంది. ఐసీసీ టీ20 వరల్డ్ కప్ టోర్నీలో భారత క్రికెట్ జట్టు విజేతగా అవతరించింది. తమ కల నెరవేరడంతో టీమిండియా సీనియర్ క్రికెటర్లు ఒక్కొక్కరుగా రిటైర్మెంట్ ప్రకటనలు చేశారు. వారిలో ఆల్ రౌండర్ రవీంద్ర జడేజా కూడా ఉన్నాడు.

తన రిటైర్మెంట్ ను సోషల్ మీడియా లో ప్రకటించిన జడేజా మనస్ఫూర్తిగా అంతర్జాతీయ టీ20లకు వీడ్కోలు పలుకుతున్నానన్నాడు. దేశం కోసం తాను ఎల్లప్పుడూ అత్యుత్తమ సేవలు అందించానని తెలిపాడు.