Tokyo Olympics: స్వర్ణపతక విజేతకు షాకిచ్చిన అతానుదాస్... క్వార్టర్స్‌లో సింధు

Atanu Das

భారత స్టార్‌ షెట్లర్‌ పీవీ సింధు ప్రీక్వార్టర్స్‌లో జరిగిన మ్యాచ్‌లో విజయం సాధించారు. దీంతో ఆమె క్వార్టర్‌ ఫైనల్స్‌లో అడుగు పెట్టారు. ఆమె తన ప్రత్యర్థి 12వ ర్యాంక్‌ క్రీడాకారిణి బ్లింక్‌ ఫెల్ట్‌(డెన్మార్క్‌) పై 21-15, 21-13 తేడాతో విజయం సాధించారు.

టోక్యో ఒలింపిక్స్‌లో భారత బాక్సర్ సతీశ్ కుమార్ క్వార్టర్ ఫైనల్‌లోకి దూసుకెళ్లాడు. మెన్స్ సూపర్ హెవీవెయిట్ కేటగిరీలో (91 కేజీల విభాగంలో) జమైకా బాక్సర్ రిచర్డో బ్రౌన్‌తో జరిగిన మ్యాచ్‌లో 4-1 తేడాతో విజయం సాధించాడు.

భారత హాకీ జట్టు మరో విజయాన్ని సొంతం చేసుకుంది. పూల్‌- ఏ నాలుగో మ్యాచ్‌లో అర్జెంటీనాపై గెలుపొందింది.

పురుషుల ఆర్చరీలో భారత క్రీడాకారుడు అతాను దాస్‌ ప్రీక్వార్టర్స్‌కు చేరుకొన్నారు. పురుషుల వ్యక్తిగత విభాగంలో జరిగిన ఎలిమినేషన్‌ రౌండ్‌ పోరులో ఆయన చైనీస్‌ తైపీకి చెందిన యూ చెంగ్‌ డెంగ్‌పై 6-4 తేడాతో విజయం సాధించారు. ఆయన తర్వాతి రౌండ్‌లో కొరియా ఆర్చర్‌ జిన్‌హెక్‌పై 6-5 తేడాతో సంచలన విజయం సాధించారు. లండన్‌ ఒలిపింక్స్‌లో జిన్‌ హెక్‌ స్వర్ణపతక విజేత కావడం విశేషం.