White vs Pink Guava : మధుమేహం ఉంటే తెల్ల జామకాయ తినాలా? లేక పింక్? షుగర్ లెవెల్స్ తగ్గించేది ఏదంటే

Guvava to Control Blood Sugar : జామకాయ ఆరోగ్యానికి మంచిది. మధుమేహ రోగులకు కూడా మంచి ఫలితాలు ఇస్తుంది. అయితే షుగర్ ఉండేవారు తెల్లజామ తింటే మంచిదా? లేక పింక్ పండునా?

బ్లడ్ షుగర్ ఉన్నవారికి ఏ జామ కాయ మంచిదం

జామ మధుమేహానికి అనుకూలమైన పండు. దీనిలో డైటరీ ఫైబర్స్, విటమిన్ సి, యాంటీఆక్సిడెంట్లు పుష్కలంగా ఉంటాయి. అంతేకాకుండా గ్లైసెమిక్ మోతాదు చాలా తక్కువగా ఉంటుంది. అందుకే దీనిని మధుమేహం ఉన్నవారు కూడా తినవచ్చని చెప్తారు.

అయితే మార్కెట్లో రెండు రకాల జామకాయలు అమ్ముతారు. ఒకటి తెల్ల జామ. రెండవది పింక్ జామ. రెండూ ఆరోగ్యానికి మంచివే అయినప్పటికీ.. ఏ జామ మధుమేహానికి ఎక్కువ ఉపయోగపడుతుందో చూసేద్దాం.

గులాబీ జామలో లైకోపీన్ అనే యాంటీఆక్సిడెంట్లు పుష్కలంగా ఉంటాయి. ఈ లైకోపీన్ గుండెను రక్షించడంలో, క్యాన్సర్ ప్రమాదాన్ని తగ్గించడంలో సహాయపడుతుంది. శరీరాన్ని ఆరోగ్యంగా ఉంచుతుంది.

తెల్లని జామలో డైటరీ ఫైబర్స్ చాలా ఎక్కువ మొత్తంలో ఉంటాయి. ఈ ఫైబర్స్ గ్లూకోజ్ శోషణను తగ్గించి శరీరం నుంచి వ్యర్థాలను బయటకు పంపడంలో హెల్ప్ చేస్తాయి. వీటిని తినడం వల్ల జీర్ణక్రియ కూడా బాగుంటుంది.

అలాగే గులాబీ జామలో ఉండే లైకోపీన్, విటమిన్ సి కలిసి ప్యాంక్రియాస్, వాస్కులర్ కణజాలాలను దెబ్బతీసే ఫ్రీ రాడికల్స్ చంపి.. ఇన్సులిన్ సరిగ్గా పనిచేయడానికి సహాయపడుతుంది.

ఈ ఫైబర్స్ ప్రేగు కదలికలను నియంత్రిస్తాయి. చెడు కొలెస్ట్రాల్ తగ్గించడంలో సహాయపడతాయి. ఇది డయాబెటిస్ రోగులకు చాలా అవసరం.

కాబట్టి అలా చూస్తే పింక్ జామ మధుమేహానికి మంచిదని తెలుస్తుంది. వీటిలో ఎక్కువ ఫైబర్ ఉండటం వల్ల శరీరంలో చక్కెర తక్కువగా గ్రహించబడుతుంది. రక్తంలో చక్కెర నియంత్రణలో ఉంటుంది. కాబట్టి రోజుకు ఒకటి లేదా రెండు జామకాయలు తప్పనిసరిగా తినాలి.