Healthy Habits : భోజనం చేసిన వెంటనే ఇలా చేస్తే షుగర్ కంట్రోల్ అవుతుందట.. బరువు కూడా

Blood Sugar : భోజనం తిన్న తర్వాత నిద్రపోవడం లేదా కూర్చోవడం ప్రమాదకరమని.. దానివల్ల రక్తంలో షుగర్ లెవెల్స్ పెరుగుతాయని చెప్తున్నారు. మరి ఏమి చేస్తే మంచిందంటే..

భోజనం చేసిన తర్వాత చేయాల్సిన పని ఇదే

భోజనం చేసిన వెంటనే కూర్చోవడం లేదా పడుకోవడానికి బదులుగా కొంచెం నడిస్తే మంచిదంటున్నారు నిపుణులు. ఇది ఆహారాన్ని జీర్ణం చేసుకోవడానికి, రక్తంలో చక్కెరను నియంత్రించడానికి సహాయపడుతుందని చెప్తున్నారు.

కాళ్ల మడమలను పైకి లేపి కిందకి దించడం (calf raises) వల్ల గ్లూకోజ్ కండరాలలోకి వెళ్లడానికి సహాయపడుతుంది. ఇది రక్తంలో చక్కెర పెరగడాన్ని కంట్రోల్ చేస్తుంది.

పరిశోధనల ప్రకారం భోజనం చేసిన తర్వాత తేలికపాటి శారీరక శ్రమ చేయడం వల్ల రక్తంలోని గ్లూకోజ్ స్థాయిలు పెరగకుండా ఉంటాయట. కాబట్టి తేలికపాటి నడక లేదా, వ్యాయామం చేయడం మంచిదని చెప్తున్నారు.

తేలికపాటి వ్యాయామం రక్త ప్రసరణను పెంచుతుంది. ఇది పొట్ట, పేగులలో రక్త ప్రవాహాన్ని మెరుగుపరుస్తుంది. జీర్ణక్రియ సజావుగా ఉండేలా చేస్తుంది.

తేలికపాటి నడక లేదా ఒకే చోట మార్చ్ చేయడం వల్ల పొట్ట ఉబ్బరం, బరువు తగ్గడానికి సహాయపడుతుంది. జీర్ణకోశ అధ్యయనాలు కూడా దీనికి మద్దతు ఇస్తున్నాయి.

భోజనం చేసిన తర్వాత కొంచెం కదలండి. రక్తంలో చక్కెర నియంత్రణలో ఉంటుందని.. జీర్ణక్రియ మెరుగుపడుతుందని చెప్తున్నారు నిపుణులు. ఈ చిన్నపనులే.. దీర్ఘకాలిక ప్రయోజనాలు ఇస్తాయని చెప్తున్నారు.