Refined Oil : రిఫైండ్ ఆయిల్ ఉపయోగించడం వల్ల కలిగే నష్టాలు ఇవే.. ఈ అవయవాలు దెబ్బతింటాయట, జాగ్రత్త

Refined Oil Dangers : రిఫైండ్ చేసిన ఆయిల్ తయారు చేసే విధానమే ప్రమాదకరమని అంటున్నారు నిపుణులు. ఇది శరీర భాగాలకు హాని కలిగిస్తుందని.. తీవ్రమైన వ్యాధులకు కారణమవుతుందని అంటున్నారు.

రిఫైండ్ ఆయిల్ వల్ల కలిగే నష్టాలివే

రిఫైండ్ ఆయిల్​ను తయారు చేసే విధానమే దానిని ప్రమాదకరంగా మారుస్తుందని అంటున్నారు. ఇది శరీరంలోని అనేక అవయవాలకు నెమ్మదిగా హాని కలిగిస్తుందని.. తీవ్రమైన కారణమవుతుందని చెప్తున్నారు. మరి ఇది ఎందుకు అంత ప్రమాదకరమో.. ఇది శరీరంలోని ఏ భాగాలకు హాని చేస్తుందో తెలుసుకుందాం.

ఈ నూనెను ఆవాలు, సోయా, పొద్దుతిరుగుడు, మొక్కజొన్న లేదా పామ్ వంటి సహజ వనరుల నుంచి తయారు చేస్తారు. కానీ తీసిన తర్వాత.. రంగు, వాసన, రుచిని తొలగించడానికి తరచుగా రసాయనాలు కలుపుతారు. హెక్సేన్, అధిక ఉష్ణోగ్రతలలో ప్రాసెస్ చేస్తారు. ఈ ప్రాసెసింగ్ నూనెలోని అన్ని సహజ పోషకాలు, విటమిన్లను తొలగిపోతాయి. పోషకాలు తక్కువగా, నష్టం ఎక్కువగా ఉండే నూనెను తయారు అవుతుంది.

శుద్ధి చేసిన నూనెలో ట్రాన్స్ ఫ్యాట్, ఒమేగా-6 ఫ్యాటీ ఆమ్లాల పరిమాణం చాలా ఎక్కువగా ఉంటుంది. ఈ అంశాలు మన శరీరంలో చెడు కొలెస్ట్రాల్​ను పెంచుతాయి. మంచి కొలెస్ట్రాల్ ను తగ్గిస్తాయి. దీనివల్ల గుండె రక్తనాళాలలో బ్లాకేజ్ ఏర్పడుతుంది. నెమ్మదిగా గుండెపోటు లేదా స్ట్రోక్ ప్రమాదం పెరుగుతుంది. ఈ నూనెను ఎక్కువగా తీసుకోవడం అంటే సిగరెట్ తాగడం అంత ప్రమాదకరమని చెబుతున్నారు.

ఇందులో ఉండే హానికరమైన రసాయనాలు, అనారోగ్యకరమైన కొవ్వులు మెదడు కణాల పొరలకు హాని కలిగిస్తాయి. ఇది మెదడు పనితీరును తగ్గిస్తుంది. డిప్రెషన్, ఒత్తిడి, జ్ఞాపకశక్తి కోల్పోవడం వంటి సమస్యలు పెరుగుతాయి. పిల్లలు లేదా వృద్ధులు ఎక్కువ కాలం పాటు దీనిని తీసుకుంటే వారి మానసిక సామర్థ్యం, ఏకాగ్రతపై కూడా ప్రభావం చూపుతుంది.

శుద్ధి చేసిన నూనెలో కేలరీలు, ట్రైగ్లిజరైడ్లు చాలా ఎక్కువగా ఉంటాయి. ఇవి శరీరంలో ఇన్సులిన్ నిరోధకతను పెంచుతాయి. దీని వలన రక్తంలో చక్కెర నియంత్రణలో ఉండదు. దీర్ఘకాలంలో ఇదే ఊబకాయం, టైప్-2 మధుమేహం, కొవ్వు కాలేయం వంటి తీవ్రమైన వ్యాధులకు కారణమవుతుంది. వేయించిన ఆహారం లేదా జంక్ ఫుడ్ ఎక్కువగా తినేవారిలో ఈ ప్రమాదం మరింత పెరుగుతుంది.

ఈ నూనెలో ఉండే ఫ్రీ రాడికల్స్, రసాయనాలు కాలేయ కణాలకు హాని కలిగిస్తాయి. కాలేయం నూనెను ప్రాసెస్ చేయడానికి చాలా కష్టపడాలి. దీనివల్ల కొవ్వు కాలేయం, కాలేయపు వాపు వంటి సమస్యలు వస్తాయి. అలాగే ఈ టాక్సిన్స్ మూత్రపిండాలను కూడా ప్రభావితం చేస్తాయి. శరీరంలో టాక్సిన్స్ పేరుకుపోవడానికి కారణమవుతాయి.

రిఫైన్డ్ నూనెను పదేపదే వేడి చేసినప్పుడు.. అందులో ఫ్రీ రాడికల్స్ ఏర్పడతాయి. ఈ ఫ్రీ రాడికల్స్ శరీరంలో ఆక్సీకరణ ఒత్తిడిని కలిగిస్తాయి. ఇది కణాలకు హాని కలిగిస్తుంది. అందుకే ఎక్కువ వేయించిన ఆహారం తీసుకోవడం వల్ల రొమ్ము, పెద్దపేగు, చర్మ క్యాన్సర్ వచ్చే ప్రమాదం పెరుగుతుంది.