West Bengal: ఎన్నికల ముందు హీటెక్కిన బెంగాల్! మమత, ఈడీ మధ్య తీవ్రమైన వార్!
West Bengal: పశ్చిమ బెంగాల్లో రెండు రోజుల నుంచి సాగుతున్న ఈడీ దాడుల వ్యవహారం మరింత రచ్చకు దారి తీస్తోంది. ఈడీ అధికారిక వర్గాలు ముఖ్యమంత్రి మమతపై సంచలన ఆరోపణలు చేస్తోంది.
West Bengal: గురువారం (జనవరి 8) ఐ-ప్యాక్ ప్రాంగణంలో ED దాడులు జరిగినప్పుడు పశ్చిమ బెంగాల్ ముఖ్యమంత్రి మమతా బెనర్జీ జోక్యం చేసుకున్నట్లు సమాచారం. ఐ-ప్యాక్ చీఫ్ ప్రతీక్ జైన్ ఫోన్ను బెనర్జీ తీసుకొని తన వద్ద ఉంచుకున్నారని అధికారిక వర్గాలు చెబుతున్నాయి. దీనిపై కోర్టులో పిటిషన్ వేసింది. సీబీఐ విచారణకు డిమాండ్ చేస్తోంది.
ఐ-ప్యాక్ చైర్మన్ ఇల్లు, కార్యాలయంపై జరిగిన దాడుల చుట్టూ ఉన్న వివాదం మరింత తీవ్రమైంది. ఈసారి ఈ మొత్తం ఘటనపై సీబీఐ దర్యాప్తు చేయాలని ఈడీ డిమాండ్ చేసింది. హైకోర్టులో ఈడీ దాఖలు చేసిన పిటిషన్లో రాష్ట్ర ప్రభుత్వం, ముఖ్యమంత్రి, డీసీ సౌత్, పోలీస్ కమిషనర్, డీజీ, సీబీఐని పార్టీలుగా చేర్చారు. ఈ మొత్తం ఘటనలో మమతా బెనర్జీ, పోలీసుల పాత్రపై దర్యాప్తు చేయాలని ఈడీ డిమాండ్ చేసింది .
"ముఖ్యమంత్రి బలవంతంగా, చట్టవిరుద్ధంగా తీసుకెళ్లిన వస్తువులను ఈడీకి అప్పగించాలి. ఈడీ తన పనికి ఆటంకం కలిగించిన విధానం రాజ్యాంగ విరుద్ధం, చట్టవిరుద్ధం అని ప్రకటించాలి" అని ఈడీ హైకోర్టులో డిమాండ్ చేసింది. ఈ ఘటనకు సంబంధించిన సీసీటీవీ ఫుటేజీని భద్రపరచాలని కూడా ఈడీ హైకోర్టులో డిమాండ్ చేసింది.
ఇంతలో, కేంద్ర సంస్థ చేపట్టిన ఈ ఆపరేషన్కు వ్యతిరేకంగా మమతా బెనర్జీ నిరసనలు తెలియజేశారు. మధ్యాహ్నం జాదవ్పూర్ 8B వద్ద సమావేశం అయ్యారు. ఆ తర్వాత హజ్రాకు ఊరేగింపుగా వెళ్లారు. మరోవైపు , ఈడీ -తుల్కలం సోదాలకు సంబంధించి హైకోర్టులో రెండు పిటిషన్లు దాఖలయ్యాయి. సోదాలను అడ్డుకున్నారనే అభియోగంపై ఈడీ కలకత్తా హైకోర్టును ఆశ్రయించింది . ఈడీ చాలా చురుగ్గా వ్యవహరించడంపై తృణమూల్ కాంగ్రెస్ హైకోర్టులో కేసు దాఖలు చేసింది . ఈడీ చాలా దారుణంగా వ్యవహరించిందని తృణమూల్ కాంగ్రెస్ హైకోర్టులో కేసు దాఖలు చేసింది .
అటు బెంగాల్ ప్రభుత్వం నుంచి కూడా కౌంటర్ ఫిర్యాదులు వెల్లువెత్తాయి. ED, CRPF,అధికారులపై ముఖ్యమంత్రి ఫిర్యాదు చేశారు. ముఖ్యమంత్రి మమతా బెనర్జీ స్వయంగా షేక్స్పియర్ సరాని పోలీస్ స్టేషన్లో ఫిర్యాదు చేశారు. కొన్ని ముఖ్యమైన పత్రాలు కనిపించడం లేదని అవి చోరీ అయ్యాయని ఒక ఫిర్యాదు నమోదు అయ్యింది. పోలీసుల పనికి ఆటంకం కలిగిందని పోలీసుల సుమోటుగా కేసు రిజిస్ట్రర్ అయ్యింది. అంటే షేక్స్పియర్ సరాని పోలీస్ స్టేషన్లో రెండు ఎఫ్ఐఆర్లు ఉన్నాయి. బిధాన్నగర్ ఎలక్ట్రానిక్స్ కాంప్లెక్స్ పోలీస్ స్టేషన్లో కూడా అనేక ఫిర్యాదులు నమోదయ్యాయి.
బొగ్గు అక్రమ రవాణా కేసులో ఈడీ సోదాల ఆపరేషన్ చుట్టూ ఉద్రిక్త పరిస్థితులు నెలకొన్నాయి. ఉదయం 7 గంటలకు, ఈడీ దర్యాప్తు అధికారులు లౌడన్ స్ట్రీట్లోని ఐ-ప్యాక్ చైర్మన్ ఇంట్లో, సాల్ట్ లేక్లోని సెక్టార్ 5లోని ఆయన కార్యాలయంలో ఏకకాలంలో సోదాలు నిర్వహించారు. ఈ సోదాల సమయంలో, ముఖ్యమంత్రి మమతా బెనర్జీ రెండు ప్రదేశాలకు చేరుకున్నారు . కొన్ని పత్రాలతో ఆమె బయటకు వచ్చారు. ఈడీపై ఒకదాని తర్వాత ఒకటిగా తీవ్ర ఆరోపణలు చేశారు. జరుగుతున్న దాడులపై తీవ్ర విమర్శలు చేశారు. మొత్తం ఎన్నికల వ్యూహాలను లాక్కున్నారని అన్నారు.
టాప్ హెడ్ లైన్స్
ట్రెండింగ్ వార్తలు
