Sperm Problems in Men : మగవారిలో స్పెర్మ్ సమస్యలు పెరగడానికి ప్రధాన కారణాలు ఇవే.. ఇలానే ఉంటే పిల్లలు పుట్టడం కష్టమే

Sperm Issues : ఈ మధ్యకాలంలో మగవారిలో స్పెర్మ్ కౌంట్, క్వాలిటీ తగ్గడం ఎక్కువగా కనిపిస్తోంది. దీనికి లైఫ్‌స్టైల్, ఆహారం, పర్యావరణ కారణాలు ఉన్నాయి. వాటివల్ల ఎలా డ్యామేజ్ జరుగుతుందో చూసేద్దాం.

మగవారిలో స్పెర్మ్ సమస్యలకు కారణాలు

ఫాస్ట్ ఫుడ్స్, ప్రాసెస్డ్ ఫుడ్స్ ఎక్కువగా తీసుకోవడం వల్ల స్పెర్మ్ క్వాలిటీ తగ్గుతుందని పోషకాహార పరిశోధనలు చెబుతున్నాయి. జంక్ ఫుడ్ ఎక్కువగా తినేవారిలో స్పెర్మ్ కౌంట్ తక్కువగా ఉంటుంది.

ఒత్తిడి వల్ల టెస్టోస్టెరాన్ హార్మోన్ తగ్గి స్పెర్మ్ ప్రొడక్షన్‌పై ప్రభావం పడుతుంది. హార్మోన్ స్టడీస్ ప్రకారం ఒత్తిడి పెరిగితే ఫెర్టిలిటీ తగ్గే అవకాశం ఉంది.

పొగ తాగడం, మద్యం ఎక్కువగా తీసుకోవడం స్పెర్మ్ DNAని డ్యామేజ్ చేస్తాయి. అనేక క్లినికల్ స్టడీస్‌లో స్మోకర్స్‌లో స్పెర్మ్ కౌంట్ తక్కువగా ఉందని తేలింది.

ల్యాప్‌టాప్‌ను ఒడిలో పెట్టుకుని వాడటం లేదా ఫోన్‌ను ప్యాంట్ జేబులో ఉంచుకోవడం వల్ల హీట్ పెరిగి ప్రభావం పడుతుంది. రీసెర్చ్ ప్రకారం అధిక హీట్ టెస్టిస్‌పై ప్రభావం చూపి స్పెర్మ్ ప్రొడక్షన్ తగ్గిస్తుంది.

బరువు ఎక్కువగా ఉండటం వల్ల హార్మోన్ అసమతుల్యత వస్తుంది. ఒబేసిటీ ఉన్నవారిలో స్పెర్మ్ కౌంట్ తగ్గే అవకాశం ఎక్కువగా ఉందని మెడికల్ రిపోర్ట్స్ చెబుతున్నాయి.

సరైన నిద్ర లేకపోతే టెస్టోస్టెరాన్ స్థాయిలు తగ్గుతాయి. స్లీప్ స్టడీస్ ప్రకారం 6 గంటల కంటే తక్కువ నిద్ర తీసుకునే వారిలో స్పెర్మ్ క్వాలిటీ తగ్గుతుంది.

హెల్తీ డైట్ తీసుకుంటూ.. రెగ్యులర్గా వ్యాయామం చేస్తే మంచిది. అలాగే ఒత్తిడి తగ్గించుకోవాలి. స్మోకింగ్, ఆల్కహాల్ తగ్గించి.. మంచి నిద్రపోతే స్పెర్మ్ సమస్యలు దూరమవుతాయి.

స్పెర్మ్ సమస్యలు ఒక్క కారణంతో రావని.. అది పూర్తి లైఫ్ స్టైల్ మీద ప్రభావం చూపుతుందని అంటున్నారు. కాబ్టటి చిన్న మార్పులతో పెద్ద సమస్యను దూరం చేసుకోవచ్చు.