Cracked Heels : కాళ్లు పగుళ్లు వస్తున్నాయా? అందమైన పాదాలకోసం ఈ టిప్స్ ఫాలో అయిపోండి

Winter Foot Care : చలికాలంలో వాతావరణం పొడిగా ఉంటుంది. దానివల్ల సరిగ్గా చూసుకోకపోతే.. చర్మ సమస్యలతో పాటు.. పాదాల్లో పగుళ్లు ఏర్పడతాయి. ఎలాంటి జాగ్రత్తలు తీసుకుంటే మంచిదంటే..

పాదాల పగుళ్లను తగ్గించే టిప్స్

చలికాలంలో మడమల సంరక్షణలో మొదటి మెట్టు శుభ్రత. దీని కోసం ఒక బకెట్ గోరువెచ్చని నీటిలో కొంచెం ఉప్పు వేయాలి. మీ పాదాలను 10 నుంచి 15 నిమిషాల వరకు దానిలో ఉంచాలి. ఇది మడమలపై ఉన్న చనిపోయిన, గట్టి చర్మాన్ని మృదువుగా చేస్తుంది. తరువాత ప్యూమిక్ స్టోన్ లేదా బ్రష్తో రుద్దండి. ఈ పద్ధతి పొడిబారడాన్ని తగ్గిస్తుంది. పాదాలకు ఉపశమనం కలుగుతుంది.

కొబ్బరి నూనె ఒక అద్భుతమైన సహజ మాయిశ్చరైజర్. రాత్రి పడుకునే ముందు పాదాలను శుభ్రంగా కడిగండి. ఆరిన తర్వాత మడమల మీద కొబ్బరి నూనెతో 5 నిమిషాలు మసాజ్ చేయండి. ఇది చర్మం లోపలి పొరల వెళ్లి తేమను నిలుపుతుంది. పగుళ్లను నింపడానికి సహాయపడుతుంది. రోజూ చేస్తే మడమలు త్వరగా నయం అవుతాయి.