Throat Pain : చలికాలంలో గొంతునొప్పి ఇబ్బందిపెడుతుందా? ఉపశమనం ఇచ్చే 7 ఇంటి చిట్కాలు ఇవే

Home Remedies for Sore Throat : చలికాలంలో చాలామంది గొంతు నొప్పి వల్ల ఇబ్బంది పడుతూ ఉంటారు. అయితే ఈ సమస్యకు ఇంట్లోనే ఉపశమనం ఇచ్చే చిట్కాలు ఉన్నాయి. అవేంటంటే..

గొంతునొప్పిని దూరం చేసే ఇంటి చిట్కాలు

గోరువెచ్చని ఉప్పు నీటితో రోజుకు 2 నుంచి 3 సార్లు పుక్కిలించడం వల్ల గొంతు వాపు తగ్గుతుంది. ఇది బ్యాక్టీరియాను తొలగించడంలో సహాయపడుతుంది. గొంతు నొప్పి నుంచి ఉపశమనం ఇస్తుంది. నీరు మరీ వేడిగా లేకుండా చూసుకోండి.

రోజుకు కనీసం రెండుసార్లు ఆవిరి పట్టడం వల్ల గొంతు, ముక్కు మార్గం శుభ్రం అవుతుంది. ఆవిరిలో యూకలిప్టస్ నూనె చుక్కలు వేయడం వల్ల మూసుకుపోయిన గొంతు తెరుచుకుంటుంది. మంట తగ్గుతుంది.

అల్లం, తులసి, మిరియాలు, దాల్చిన చెక్కతో చేసిన కషాయం గొంతుకు చాలా ఉపయోగకరంగా ఉంటుంది. ఈ పాత ఇంటి నివారణ గొంతు నొప్పి, వాపు, ఇన్ఫెక్షన్ నుంచి ఉపశమనం ఇస్తుంది.

రోజుంతా గోరువెచ్చని నీరు తాగడం వల్ల గొంతు తేమగా ఉంటుంది. పొడిబారదు. అయితే ఎక్కువ వేడిగా ఉండే నీరు తాగకూడదు. ఎందుకంటే ఇది గొంతులో మంటను పెంచుతుంది.

మీకు లాక్టోజ్ సమస్య లేకపోతే.. నిద్రపోయే ముందు పసుపు పాలు తాగండి. ఇందులో ఉండే యాంటీ ఇన్ఫ్లమేటరీ గుణాలు గొంతు నొప్పిని తగ్గించడంలో సహాయపడతాయి.

ఉదయం, సాయంత్రం తేలికపాటి హెర్బల్ టీలో కొంచెం తేనె కలిపి తాగడం వల్ల ప్రయోజనం ఉంటుంది. ఇది గొంతుకు ఉపశమనం కలిగిస్తుంది. వాపును తగ్గిస్తుంది.

రాత్రి సమయంలో నిద్రించేటప్పుడు గదిలో కూల్ లేదా వార్మ్ మిస్ట్ హ్యూమిడిఫైయర్ని ఉపయోగించండి. ఇది గాలిలో తేమను ఉంచుతుంది. గొంతు ఎండిపోకుండా కాపాడుతుంది.