Tea Side Effects : టీ ఎక్కువ తాగితే ఆ లోపం తప్పదట.. ఆ లక్షణాలు ఉంటే వెంటనే తగ్గించేయండి

Drinking Too Much Tea : రోజుకు ఎక్కువ కప్పుల టీ తాగడం వల్ల శరీరంలో ఓ లోపం వస్తుందని.. దానివల్ల అలసట, బలహీనత పెరుగుతుందని చెప్తున్నారు నిపుణులు.

టీ ఎక్కువగా తాగితే ఈ సమస్యలు తప్పవు

అధికంగా టీ తాగడం వల్ల శరీరంలో విటమిన్ B12 తగ్గుతుంది. టీలో ఉండే టానిన్లు శరీరంలో విటమిన్ B12ని తగ్గిస్తాయి. అందుకే ఎక్కువగా టీ తాగేవారిలో తరచుగా ఈ లోపం కనిపిస్తుందట.

విటమిన్ B12 లోపం ఉంటే శక్తి తగ్గిపోతుంది. త్వరగా అలసిపోతారు. పని చేయాలన్నా ఓపిక ఉండదు. పని చేసినా, చేయకున్నా నీరసంగా ఉంటుంది.

B12 లోపం మెదడు, నాడీ వ్యవస్థను కూడా ప్రభావితం చేస్తుంది. నిరంతరం టీ తాగడం వల్ల జ్ఞాపకశక్తి బలహీనపడుతుంది. పనిపై ఫోకస్ చేయలేరు.

విటమిన్ B12 లోపం వల్ల శరీరంలో ఎర్ర రక్త కణాల ఉత్పత్తి ప్రభావితమవుతుంది. దీనివల్ల రక్తహీనత సమస్య వస్తుంది. బలహీనత, తల తిరగడం, ముఖం పసుపు రంగులోకి మారడం జరుగుతుంది.

ఎక్కువ టీ తాగడం వల్ల B12 లోపం ఏర్పడి ఎముకలు, కండరాలు బలహీనపడతాయి. నెమ్మదిగా కీళ్ల నొప్పులు, శరీర నొప్పులు పెరుగుతాయి.

B12 లోపం జీర్ణ వ్యవస్థను కూడా ప్రభావితం చేస్తుంది. ఎక్కువ టీ తాగడం వల్ల కడుపులో గ్యాస్, ఎసిడిటీ, మలబద్ధకం సమస్యలు పెరగవచ్చు.

మీకు టీ అలవాటు ఉంటే.. రోజుకు 1 నుంచి 2 కప్పుల కంటే ఎక్కువ టీ తాగవద్దు. అలాగే పాలు, గుడ్లు, పనీర్, పెరుగు, ఆకుకూరలు ఎక్కువగా తినాలి. తద్వారా B12 లోపం తగ్గుతుంది.