Srinidhi Shetty Latest Photos: చాలా రోజుల తర్వాత శ్రీనిధి శెట్టి సందడి - హోయలు పోతూ సెల్ఫీలకు ఫోజులు

Srinidhi Shetty: చాలా రోజుల తర్వాత 'కేజీయఫ్‌' బ్యూటీ శ్రీనిధి శెట్టి సోషల్‌ మీడియాలో మెరిసింది. రెడ్‌ డ్రెస్‌లో హోయలు పోతూ సెల్ఫీలకు ఫోజులు ఇచ్చింది. ప్రస్తుతం ఆమె ఫోటోలు బాగా ఆకట్టుకుంటున్నాయి

Image Credit: srinidhi_shetty/Instagram

Srinidhi Shetty Latest Photos: 'కేజీఎఫ్' ఛాప్టర్1 సినిమా విడుదలైనప్పుడు హీరోయిన్ శ్రీనిధి శెట్టిపై పెద్దగా ఫోకస్ చేయలేదు జనాలు. కెజీఎఫ్‌ హీరోయిన్‌ పెద్దగా గుర్తుపట్టేవారు కాదు.

ఎందుకంటే చాప్టర్‌ వన్‌ ఆమె కనిపించింది కాసేపే. కానీ, చాప్టర్‌ 2తో ఈ బ్యూటీ ఒక్కసారిగా సెన్సేషన్‌ అయ్యింది. ఈ మూవీ రిలీజ్‌ తర్వాత అంతా శ్రీనిధి జపమే చేశారు. అంతగా పార్ట్‌ 2లో ఆకట్టుకుంది.

మొదటి పార్ట్ తో పోలిస్తే సెకండ్ పార్ట్ లో శ్రీనిధి శెట్టి పాత్రకు స్క్రీన్ స్పేస్ బాగానే ఇచ్చారు. ఆమె పాత్రకు న్యాయం చేసింది. మండే గుండెల్లో పాటలో హీరోగా సరసన రొమాన్స్‌ చేసి యూత్‌ని ఆకట్టుకుంది.

కేజీయఫ్‌ తర్వాత శ్రీనిధి సౌత్‌లో బిజీ అయిపోతుందనుకున్నారు అంతా. అంతేకాదు ఈ సినిమా రిలీజ్‌ తర్వాత మన తెలుగు దర్శక-నిర్మాతలు ఆమె దగ్గరికి క్యూ కడుతున్నారనే టాక్‌ కూడా అప్పట్లో బాగా వినిపించింది.

కానీ, అదేది నిజం కాదనీ తేలిపోయింది. కేజీయఫ్‌ తర్వాత తమిళంలో చియాన్‌ విక్రమ్‌ సరసన కోబ్రాలో నటించింది. ఈ మూవీ ఆశించిన విజయం సాధించలేదు. యావరేజ్‌ టాక్‌కే సొంతమైంది.

దీంతో శ్రీనిధి క్రేజ్‌ కూడా పడిపోయింది. ప్రస్తుతం ఆమెకు పెద్ద అవకాశాలు రావడం లేదు. కానీ సోషల్‌ మీడియాలో మాత్రం ఈ బ్యూటీ సందడి మామూలుగా లేదు. అప్పుడప్పుడు తన ఫోటోలు షేర్‌ చేస్తూ ఫ్యాన్స్‌ని అలరిస్తుంది.

తాజాగా ఈ బ్యూటీ రెడ్‌ ఫ్రాక్‌లో మెరిసింది. రెడ్‌ డ్రెస్‌ సెల్ఫీలు తీసుకుంటూ హోయలు పోయింది. ప్రస్తుతం ఆమె ఫోటోలు నెట్టింట తెగ సందడి చేస్తున్నాయి. చాలా రోజుల తర్వాత శ్రీనిధి ఇలా చూసి ఫ్యాన్స్‌ అంతా తెగ సంబరపడుతున్నారు.

అంతేకాదు ఈ లుక్‌ అచ్చం యానిమల్‌ సెన్సేషన్‌ త్రిప్తి డిమ్రిలా ఉందంటూ నెటిజన్లు కామెంట్స్‌ చేస్తున్నారు. ఇక శ్రీనిధి కూడా ఆమెలా కనిపించేట్టు తయారై ఫ్యాన్స్‌, ఫాలోవర్స్‌ని ఆకట్టుకుంది. మొత్తానికి చాలా రోజుల తర్వాత శ్రీనిధి చూసి ఆమె ఫ్యాన్స్‌ మాత్రం తెగ మురిసిపోతున్నారు.