Telugu Indian Idol 3: తెలుగు ఇండియన్ ఐడల్ 3లో ఊహించని ట్విస్ట్ - పోటీ నుంచి కేశవ్ రామ్ అవుట్

ఆహా ఓటీటీలో స్ట్రీమింగ్ అవుతున్న 'తెలుగు ఇండియన్ ఐడల్ 3'లో ఊహించని ట్విస్ట్ ఎదురైంది. షో మొదలైనప్పటి నుంచి అవుట్ స్టాండింగ్ పెర్ఫార్మన్స్ ఇస్తున్న కేశవ్ రామ్ ఎలిమినేట్ అయ్యాడు.

'తెలుగు ఇండియన్ ఐడల్ 3'లో ఎలిమినేట్ అయిన కేశవ్ రామ్

ఆహా వీడియో ఓటీటీలో స్ట్రీమింగ్ అవుతున్న సింగింగ్ రియాలిటీ షో 'తెలుగు ఇండియన్ ఐడల్ 3'. ఇప్పటి వరకు ఆరుగురు ఎలిమినేట్ అయ్యారు. షో మొదలైన తర్వాత కుశల్ శర్మ, హరి ప్రియా, రంజీ శ్రీ పూర్ణిమ, శ్రీ ధృతి, అభిజ్ఞ, సాయి వల్లభ బయటకు వెళ్లారు. అయితే... రీసెంట్ ఎలిమినేషన్ మాత్రం అందరికీ షాక్ ఇచ్చింది.

తెలుగు ఇండియన్ ఐడల్ 3 మొదలైనప్పటి నుంచి అవుట్ స్టాండింగ్ పెర్ఫార్మన్స్ ఇస్తూ అందరినీ ఆకట్టుకున్న కేశవ్ రామ్, తాజాగా ఎలిమినేట్ అయ్యాడు. ఈసారి ఎలిమినేషన్ ప్రాసెస్ వచ్చేసరికి శ్రీ కీర్తీ, స్కందతో పాటు కేశవ్ రామ్ కూడా డేంజర్ జోన్ లో ఉన్నాడు. అయితే... మిగతా ఇద్దరూ సేవ్ కాగా, అతడు ఎలిమినేట్ అయ్యాడు. 

కేశవ్ రామ్ ఎలిమినేషన్ పట్ల షో హోస్ట్ చేస్తున్న సింగర్ శ్రీరామ చంద్ర సైతం షాక్ అయ్యాడు. అయితే... సెప్టెంబర్ 28న తిరుపతిలో, నవంబర్ 9 హైదరాబాద్ సిటీలో జరగనున్న తన షోలో పెర్ఫార్మన్స్ ఇవ్వవలసిందిగా జడ్జ్ కార్తీక్ నుంచి కేశవ్ రామ్ కి ఆహ్వానం వచ్చింది. 

కేశవ్ రామ్ ఎలిమినేషన్ తర్వాత తన హిందీలో ఓ యాక్టింగ్ షోలో తన ఎలిమినేషన్ గుర్తు చేసుకున్నారు హీరో నవీన్ పోలిశెట్టి. అప్పట్లో ఆ షో విన్నర్ ను ఒక ఫేమస్ బాలీవుడ్ ప్రొడక్షన్ ప్రొడ్యూస్ చేసే సినిమా ద్వారా ఇంట్రడ్యూస్ చేస్తామని చెప్పారని, ఆ షో నుంచి నాలుగో రౌండ్ లో తాను ఎలిమినేట్ అయ్యానని, ఇప్పుడు కేశవ్ రామ్ ఎలిమినేషన్ చూస్తే తన ఓన్ ఎక్స్‌పీరియన్స్ గుర్తుకు వచ్చిందని నవీన్ పోలిశెట్టి చెప్పారు. ప్రతి శుక్ర, శనివారాల్లో 'తెలుగు ఇండియన్ ఐడల్ 3' ఆహా ఓటీటీలో స్ట్రీమింగ్ అవుతుంది.