Actor Jayaram: గుడిలో సింపుల్‌గా 'అల వైకుంఠపురంలో' నటుడు జయరాం కూతురు పెళ్లి - ఫోటోలు వైరల్‌

Jayaram Daughter Marriage: అల వైకుంఠపురంలో నటుడు జయరాం కూతురు మాళవిక పెళ్లి పీటలు ఎక్కారు. గుడిలో సింపుల్‌గా నవనీత్‌ గిరిశ్‌తో ఆమె ఏడడుగులు వేశారు.

Image Credit: malavika.jayaram/Instagram

Actor Jayaram Daughter Marriage Photos: మలయాళ నటుడు జయరాం గురించి ప్రత్యేకంగా చెప్పనవసరం లేదు. మాలీవుడ్‌ స్టార్‌ హీరో అయిన ఆయన తెలుగు ఆడియన్స్‌కి కూడా సుపరిచితమే.

ఈ మధ్య తెలుగులో తండ్రి పాత్రలు చేస్తూ మెప్పిస్తున్నారు. అల్లు అర్జున్‌-త్రివిక్రమ్‌ 'అల వైకుంఠపురంలో' సినిమా తండ్రి పాత్ర పోషించిన ఆకట్టుకున్నారు.

ఇటీవల గుంటూరు కారంలోనూ మహేష్‌ తండ్రిగా నటించారు. అలా సౌత్‌లో స్టార్‌ నటుడైన జయరాం ఇంట పెళ్లి భాజాలు మోగాయి.

ఆయన కూతురు మాళవిక జయరాం నిన్న పెళ్లి పీటలు ఎక్కింది. నవనీత్‌ గిరిశ్‌తో ఆమె ఏడడుగులే వేశారు.అయితే గుడిలో సింపుల్‌గా జరిగిన ఈ పెళ్లికి ఇరుకుటుంబ సభ్యులు, కొద్ది మంది సన్నిహితులు మాత్రమే హాజరయ్యారు.

కేరళలోని గురువాయిర్‌లోని ప్రముఖ గుడిలో మాళవిక, నవనీత్‌ గిరిశ్‌లు మూడుమూళ్ల బంధంతో ఒక్కటయ్యారు.ఇందుకు సంబంధించిన ఫోటోలు ప్రస్తుతం సోషల్‌ మీడియాలో వైరల్‌ అవుతున్నాయి.

కేరళ సంప్రదాయ పద్దతిలో జరిగిన వీరి పెళ్లిపై నెటిజన్లు, ఫ్యాన్స్‌ హర్షం వ్యక్తం చేస్తున్నారు. అయితే స్టార్‌ నటుడైన జయరాం కూతురు వివాహం ఇలా గుడిలో సింపుల్‌గా చేయడంతో నెటిజన్లు ఆశ్చర్యం వ్యక్తం చేస్తున్నారు.

ఏదేమైన ఆయన సింప్లిసిటిపై ఫ్యాన్స ప్రశంసలు కురిపిస్తున్నారు. ఇక ఇండస్ట్రీ ప్రముఖుల కోసం నేడు మే 3న కేరళలో స్టార్‌ హోటల్లో గ్రాండ్‌ రిసెప్షన్‌ ఏర్పాటు చేస్తున్నారని సమాచారం.

నటుడు జయరాం కూతురు మాళవిక పెళ్లి ఫోటోలు వైరల్ Image Credit: malavika.jayaram/Instagram