Sudigali Sudheer Adivi Sesh: 'సుడిగాలి' సుధీర్‌ కంటే ముందు అడివి శేష్‌కు ఈ కథ చెప్పా - దర్శకుడు అరుణ్ విక్కిరాల

Calling Sahasra director Arun Vikkirala Interview: 'సుడిగాలి' సుధీర్ కంటే ముందు 'కాలింగ్ సహస్ర' కథను అడివి శేష్‌కు చెప్పానని అరుణ్ విక్కిరాల చెప్పారు. సినిమా విడుదల సందర్భంగా ఆయన ఇచ్చిన ఇంటర్వ్యూ...

'కాలింగ్ సహస్ర' దర్శకుడు అరుణ్ విక్కిరాల

'సుడిగాలి' సుధీర్‌ హీరోగా షాడో మీడియా ప్రొడక్ష‌న్స్‌, రాధా ఆర్ట్స్ ప‌తాకాల‌పై విజేష్ త‌యాల్‌, చిరంజీవి ప‌మిడి, వెంక‌టేశ్వ‌ర్లు కాటూరి నిర్మించిన సినిమా 'కాలింగ్ సహస్ర'. డాలీ షా హీరోయిన్. డిసెంబ‌ర్ 1న సినిమా విడుదల అవుతోంది. ఈ సందర్భంగా దర్శకుడిగా పరిచయం అవుతున్న అరుణ్ విక్కిరాలా మీడియాతో ముచ్చటించారు.

'కాలింగ్ సహస్ర' టైటిల్ ఎందుకు పెట్టామంటే... సినిమాలో మొబైల్ నెట్వర్క్ కంపెనీ పేరు కాలింగ్. డాలీ షా కాకుండా మరో హీరోయిన్ పేరు సహస్త్ర. ఆమె కోసం హీరోకి ఫోన్స్ వస్తాయి. అందుకని, 'కాలింగ్ సహస్ర' అని పెట్టాం. సహస్ర రోల్ ఎవరు చేశారో? సినిమాలో చూడాలి.