US-Iran Ceasefire:హర్మూల్‌ జలసంధిలో టోల్ వసూళ్లు! వ్యాపారం మొదలెట్టిన ట్రంప్‌!

US-Iran Ceasefire:అమెరికా, ఇరాన్ మధ్య రెండు వారాల కాల్పుల విరమణ ఒప్పందం కుదిరిన వేళ హర్మూజ్‌ జలసంధి గుండా ప్రయాణించే నౌకలపై ఉమ్మడి టోల్ వసూలు చేయాలని ట్రంప్ ప్రతిపాదించారు. 

హర్మూల్‌ జలసంధిలో టోల్ వసూళ్లు! వ్యాపారం మొదలెట్టిన ట్రంప్‌!

Source : Social Media

Show Quick Read

Key points generated by AI, verified by newsroom

• హర్మూజ్ జలసంధిలో టోల్ వసూళ్లకు అమెరికా-ఇరాన్ ఉమ్మడి ప్రణాళిక.
• ఇరు దేశాల మధ్య తాత్కాలిక కాల్పుల విరమణ ఒప్పందం తర్వాత ప్రతిపాదన.
• ప్రపంచ చమురు సరఫరాలో కీలకమైన ఈ మార్గంలో ఆదాయం అధికం.
• పాకిస్థాన్ మధ్యవర్తిత్వంతో ఇరాన్ నాయకుడు కుమారుడు కీలక పాత్ర.

US-Iran Ceasefire:అమెరికా అధ్యక్షుడు డొనాల్ట్ ట్రంప్‌ అంతర్జాతీయ వాణిజ్య మార్గాల్లో అత్యంత కీలకమైన హర్మూజ్ జలసంధిపై ఒక సంచలన ప్రతిపాదన ముందుకు తెచ్చారు. వాషింగ్టన్‌, టెహ్రాన్ మధ్య రెండు వారాల యుద్ధంలో తాత్కాలిక కాల్పుల విరమణ ఒప్పందం కుదిరిన తర్వాత ఈ జలసంధి గుండా ప్రయాణించే నౌకల నుంచి టోల్ వసూలు చేసేందుకు ఇరాన్‌తో కలిసి ఒక జాయింట్ వెంచర్‌ ఏర్పాటు చేయాలని ఆలోచిస్తున్నట్టు ఆయన ప్రకటించారు. దీనిని ఆయన ఒకక అద్భుతమైన విషయంగా అభివర్ణించారు. 

బుధవారం నాడు జర్నలిస్ట్‌లు అడిగిన ప్రశ్నకు సమాధానంగా ట్రంప్ ఈ వివరాలను వెల్లడించారు. హర్మూజ్‌ జలసంధి గుండా వెళ్లే నౌకలపై ఇరాన్ టోల్ వసూలు చేయడాన్ని మీరు అంగీకరిస్తారా? అని ప్రశ్నించగా" మేం దీనిని జాయింట్ వెంచర్‌గా చేయాలని ఆలోచిస్తున్నాం. ఇది మా మార్గాన్ని సురక్షితం చేయడానికి, ఇతర వ్యక్తుల నుంచి దీనిని కాపాడటానికి ఒక మార్గం" అని ట్రంప్ సమాధానం ఇచ్చారు. 

ఈ ప్రణాళిక అమలులోకి వస్తే పర్షియన్ గల్ఫ్‌ , హిందూ మహాసముద్రాన్ని కలిపే ఈ వ్యూహాత్మక జలసంధిపై అమెరికా నేరుగా సైనిక నియంత్రణ సాధించాల్సి ఉంటుంది. ఈ మార్గం ప్రధానంగా ఒమన్, ఇరాన్ ప్రాదేశిక జలాల్లో ఉన్నందున, అమెరికా సైనిక ఉనికి అక్కడ అనివార్యమవుతుంది. 

హర్మూజ్ జలసంధి ప్రపంచ చమురు సరఫరాలో అత్యంత కీలకమైంది. షిప్పింగ్ పరిశ్రమ నివేదికల ప్రకారం ఈ మార్గం గుండా ప్రతి రోజూ సుమారు 120 నౌకలు ప్రయాణిస్తాయి. కొన్ని నివేదికల ప్రకారం ఇరాన్ ఇప్పటికే కొన్ని నౌకల నుంచి ఒక్కో ప్రయాణానికి రెండు మిలియన్ డాలర్ల వరకు టోల్ వసూలు చేస్తోందని సమాచారం. ఒక వేళ ట్రంప్ ప్రతిపాదించినట్టు  అమెరికా కూడా అదే స్థాయిలో ఫీజు వసూలు చేస్తే రోజుకు సగటున 240 మిలియన్ డాలర్ల ఆదాయం సమకూరుతుందని అంచనా. 

ఈ ప్రతిపాదన వెనుక ఉన్న రాజకీయ బ్యాక్‌గ్రౌండ్ చాలా క్లిష్టమైంది. ఇరాన్ ఇప్పటికే మధ్య ప్రాచ్యంలో డ్రోన్‌, క్షిపణి దాడులు కొనసాగిస్తున్నప్పటికీ ఆ దేశం సైనికంగా ఓడిపోయిందని ట్రంప్ ప్రకటించారు. " మేమే విజేతలం, వారు సైనికంగా ఓడిపోయారు. కేవలం నీటిలో కొన్ని మైన్లు వేస్తామనే మానసిక యుద్ధం మాత్రం వారి వద్ద మిగిలి ఉంది" అని ఆయన వ్యాఖ్యానించారు. 

మరోవైపు కాల్పుల విరమణ ఒప్పందం కుదిరినప్పటికీ క్షేత్రస్థాయిలో ఉద్రిక్తతలు తగ్గలేదు. ఇరాన్‌లోని చమురు శుద్ధి కర్మాగారాలపై దాడులు జరిగాయని, అలాగే కువైట్‌, యూఏఈలపై ఇరాన్ దాడులు చేసినట్టు నివేదికలు వస్తున్నాయి. ఈ సంక్లిష్ట పరిస్థితుల మధ్య పాకిస్థాన్ మధ్యవర్తిత్వం వహించడం, ఇరాన్ నాయకుడు అయతుల్లా ఖమేనీ కుమారుడు ముజ్తాబా ఖమేనీ ఈ ఒప్పందంలో కీలక పాత్ర పోషించడం ప్రాధాన్యత సంతరించుకుంది. 

మరిన్ని చదవండి

అమెరికా- ఇరాన్ కాల్పుల విరమణ ఒప్పందం మధ్య ఉద్రిక్తత!ఇరాన్ ఆయిల్ రిఫైనరీపై దాడి!

సీజ్ ఫైర్ ప్రకటించాక ఏం జరుగుతుంది? రూల్స్ ఉల్లంఘించిన వారికి జరిమానా విధించవచ్చా?