Pakistan: పాకిస్తాన్ ఆర్మీలో అంతర్గత కుట్రలు - మునీర్కు వ్యతిరేకమని మాజీ చీఫ్ పై దాడి జరిగినట్లుగా అనుమానాలు
Military Bajwa injury: పాకిస్థాన్ మాజీ ఆర్మీ చీఫ్ జనరల్ కమర్ జావేద్ బాజ్వా పరిస్థితి విషమంగా ఉంది.రిటైరైనా ఆయన మునీర్ కు వ్యతిరేకంగా ఓ గ్రూపును నడుపుతున్నారు
Pakistan internal military clash: పాకిస్థాన్ మాజీ ఆర్మీ చీఫ్ జనరల్ కమర్ జావేద్ బాజ్వా ఆసుపత్రిలో చేరడం ఇప్పుడు అంతర్జాతీయ స్థాయిలో పెద్ద మిస్టరీగా మారింది. అధికారికంగా ఇది ఒక సాధారణ ప్రమాదమని చెబుతున్నప్పటికీ, దీని వెనుక పాక్ సైన్యంలోని అంతర్గత కుట్రలు ఉండవచ్చనే అనుమానాలు బలపడుతున్నాయి.
బాత్రూమ్లో ప్రమాదం.. ఐసీయూలో బాజ్వా
పాకిస్థాన్ మిలిటరీ మీడియా వింగ్ వెల్లడించిన వివరాల ప్రకారం, రావల్పిండిలోని తన నివాసంలో జనరల్ బాజ్వా తెల్లవారుజామున 4:30 గంటల సమయంలో బాత్రూమ్లో జారిపడ్డారు. ఈ ప్రమాదంలో ఆయన తలకు తీవ్ర గాయాలయ్యాయని, ప్రస్తుతం ఆయన కంబైన్డ్ మిలిటరీ హాస్పిటల్ లోని ఐసీయూలో చికిత్స పొందుతున్నారని ప్రకటించారు. ఆయనకు అనేక రకాల పరీక్షలు నిర్వహించినట్లు, ప్రస్తుతం ఆయన పరిస్థితి నిలకడగానే ఉందని ఆయన బంధువులు సోషల్ మీడియా ద్వారా తెలిపారు.
ప్రమాదమా? కుట్రనా? - ఇంటెలిజెన్స్ అనుమానాలు
అయితే, ఇంటెలిజెన్స్ వర్గాలు , సోషల్ మీడియాలో ఈ ఘటనపై భిన్నమైన వాదనలు వినిపిస్తున్నాయి. ఒక మాజీ ఆర్మీ చీఫ్, అత్యంత భద్రత ఉండే నివాసంలో ఇలాంటి ప్రమాదానికి గురవ్వడం వెనుక ఏదో మిస్టరీ ఉందనే చర్చ నడుస్తోంది. పాకిస్థాన్ సైన్యంలోని ప్రస్తుత నాయకత్వానికి, బాజ్వా వర్గానికి మధ్య నెలకొన్న అంతర్గత విభేదాల కారణంగానే ఇది జరిగి ఉండవచ్చని కొన్ని వర్గాలు అనుమానిస్తున్నాయి. బాజ్వాను రాజకీయంగా లేదా భౌతికంగా పక్కన పెట్టే ప్రయత్నంలో భాగంగానే ఈ ప్రమాదం జరిగిందా? అన్న కోణంలో చర్చ సాగుతోంది.
Gen Bajwa “fell in his bathroom” — three head injuries & internal bleeding, acc to military controlled Geo News
— The Inside Story (@TheInsideStory7) February 12, 2026
That’s the official version
But what really happened? Was there something going on between Bajwa & Asim Munir?@TRobinsonNewEra @ZahackTanvir @zeshmohmand @MDUmairKh pic.twitter.com/9MOQVIF8me
సైనిక వర్గాల్లో చీలిక
రిటైర్మెంట్ తర్వాత కూడా బాజ్వా పాక్ రాజకీయాల్లో, సైనిక నిర్ణయాల్లో తెరవెనుక చక్రం తిప్పుతున్నారనే ఆరోపణలు ఉన్నాయి. ప్రస్తుత ఆర్మీ చీఫ్ అసిమ్ మునీర్ వర్గానికి, బాజ్వా అనుకూల వర్గానికి మధ్య కోల్డ్ వార్ నడుస్తోందని పాకిస్థాన్ రాజకీయ విశ్లేషకులు చెబుతుంటారు. గతంలో ఇమ్రాన్ ఖాన్ అరెస్ట్ సమయంలో సైన్యంలో వచ్చిన చీలికలు ఇంకా కొనసాగుతున్నాయని, బాజ్వాపై జరిగిన ఈ దాడి ఆ అంతర్గత పోరుకు పరాకాష్ట అని కొందరు వాదిస్తున్నారు. పాకిస్థాన్ సైన్యం తన అంతర్గత విషయాలను ఎప్పుడూ అత్యంత రహస్యంగా ఉంచుతుంది. గతంలో కూడా పలువురు ఉన్నతాధికారుల మరణాలు ప్రమాదాలుగానే రికార్డు అయ్యాయి. బాజ్వా విషయంలో కూడా ప్రభుత్వం , సైన్యం ఇది సాధారణ ప్రమాదం అని నొక్కి చెబుతున్నాయి. కానీ, బాజ్వా వంటి కీలక వ్యక్తి విషయంలో బయటకు చెప్పని నిజాలు ఏవైనా ఉన్నాయా అనేది ఇప్పట్లో తేలే అవకాశం కనిపించడం లేదు.
టాప్ హెడ్ లైన్స్
ట్రెండింగ్ వార్తలు
