Donald Trump Buffalo Bangladesh: హెయిర్ స్టైల్ మ్యాచ్ అయిందని బర్రెకు ట్రంప్ పేరు పెట్టారు - బాగానే ఉంది కానీ బక్రీద్‌కు కోసుకు తినేస్తారట - బంగ్లాదేశ్‌ వాళ్లకు భయం లేదా?

Viral Albino Buffalo: బంగ్లాదేశ్‌లో డోనాల్డ్ ట్రంప్ హెయిర్ స్టైల్‌తో ఉన్న ఒక అరుదైన బర్రె వైరల్ అవుతోంది. బక్రీద్ సందర్భంగా బలి ఇవ్వడానికి దీన్ని రెడీ చేసేశారు.

హెయిర్ స్టైల్ మ్యాచ్ అయిందని బర్రెకు ట్రంప్ పేరు పెట్టారు - బాగానే ఉంది కానీ బక్రీద్‌కు కోసుకు తినేస్తారట - బంగ్లాదేశ్‌ వాళ్లకు భయం లేదా?

Source : x

Bangladesh Blond haired buffalo :    బంగ్లాదేశ్‌లో ఒక బర్రె ఇప్పుడు ఇంటర్నెట్ సెన్సేషన్‌గా మారింది. దానికి ఉన్న వింతైన జుట్టు, ఆ జుట్టు స్టైల్ అమెరికా మాజీ అధ్యక్షుడు డోనాల్డ్ ట్రంప్‌ను పోలి ఉండటంతో అందరూ దీనిని  డోనాల్డ్ ట్రంప్ బర్రె  అని పిలుస్తున్నారు. అంతవరకూ బాగానే ఉన్నా.. ఈ బక్రీద్ కు దాన్ని కోసుకు తినేయడానికి ప్లాన్ చేయడమే విచిత్రంగామారింది. 

 బంగ్లాదేశ్  డోనాల్డ్ ట్రంప్ .. బర్రె రూపంలో సెన్సేషన్   
 
బంగ్లాదేశ్‌లోని నారాయణ్‌గంజ్‌లో ఒక అరుదైన అల్బినో రకం బర్రె ఇప్పుడు టాక్ ఆఫ్ ది టౌన్‌గా మారింది. సుమారు 700 కిలోల బరువున్న ఈ బర్రె తలపై ఉన్న బంగారు వర్ణపు  జుట్టు అచ్చం అమెరికా అధ్యక్షుడు డోనాల్డ్ ట్రంప్ హెయిర్ స్టైల్‌ను పోలి ఉంటుంది. దీంతో ఈ బర్రెకు యజమాని  డోనాల్డ్ ట్రంప్  అని నామకరణం చేశాడు.
 
ఈ బర్రె ఫొటోలు సోషల్ మీడియాలో వైరల్ అవ్వడంతో, దానిని చూడటానికి జనం బారులు తీరుతున్నారు. వందలాది కిలోమీటర్ల దూరం నుంచి ప్రయాణించి మరీ ఈ వింత బర్రెతో సెల్ఫీలు దిగుతున్నారు.  దీని జుట్టు స్టైల్ చూడగానే మా తమ్ముడు దీనికి డోనాల్డ్ ట్రంప్ అని పేరు పెట్టాడు. అప్పటి నుంచి ఇది సెలబ్రిటీ అయిపోయింది అని యజమాని జియా ఉద్దీన్ మృధా సంతోషంగా చెబుతున్నారు.   

Move over celebrities... this buffalo is the real VIP😂

700kg, golden hair, and people can't stop taking selfies.

Internet, meet "Donald Trump" the buffalo pic.twitter.com/9ZCOgdgOD6

— shibya Sharma (@Shibyash_17) May 18, 2026

 
సాధారణ బర్రెల్లా కాకుండా, ఈ ట్రంప్ బర్రెకు చాలా ప్రోటోకాల్స్ ఉన్నాయి. ఎండ వేడిని తట్టుకోలేకపోయే ఈ అల్బినో బర్రెను రోజుకు నాలుగు సార్లు చల్లని నీటితో స్నానం చేయిస్తారు. దీని జుట్టును ప్రత్యేకమైన దువ్వెనతో దువ్వుతూ అందంగా తీర్చిదిద్దుతారు. అయితే, జనం తాకిడి పెరగడం, సెల్ఫీల గొడవతో ఈ బర్రె కాస్త ఒత్తిడికి గురై బరువు తగ్గిందని, అందుకే ఇప్పుడు సందర్శకులపై ఆంక్షలు విధించామని యజమాని తెలిపారు.  

A rare blonde buffalo has gone viral online after being nicknamed “Donald Trump” because of its unusual hair-like fur.

The animal’s unique appearance has sparked laughs and reactions across social media. pic.twitter.com/1ihgPIQKYl

— Roya News English (@RoyaNewsEnglish) May 21, 2026

 ఈద్ త్యాగానికి సిద్ధం 

ఎంత పాపులారిటీ ఉన్నా, ఈ బర్రెను ఈద్-అల్-అధా (బక్రీద్) సందర్భంగా బలి ఇవ్వడానికి సిద్ధం చేశారు. ఇప్పటికే ఒక కస్టమర్ దీనిని లైవ్ వెయిట్ ప్రాతిపదికన కిలో రూ. 550 చొప్పున  కొనుగోలు చేశారు.  నేను డోనాల్డ్ ట్రంప్‌ను చాలా మిస్ అవుతాను, కానీ త్యాగం చేయడమే ఈ పండుగ అసలు ఉద్దేశం  అని యజమాని భావోద్వేగంతో చెబుతున్నారు. 

అరుదైన జాతి 

సాధారణంగా బంగ్లాదేశ్‌లో నల్లటి బర్రెలు ఉంటాయి. కానీ, శరీరంలో మెలనిన్ లోపం వల్ల వచ్చే ఈ అల్బినో బర్రెలు తెల్లగా లేదా పింక్ రంగులో ఉంటాయి. ఇలాంటివి చాలా అరుదుగా పుడుతుంటాయి. ఈ 'ట్రంప్' బర్రెతో పాటు అదే ఫామ్ హౌస్‌లో నేమార్  అనే పేరు గల మరో ఎద్దు కూడా ఉండటం విశేషం. 

అమెరికా రాజకీయాల్లో ట్రంప్ ఒక సెన్సేషన్ అయితే, బంగ్లాదేశ్ పశువుల మార్కెట్‌లో ఈ బర్రె ఒక సంచలనం. తన వింతైన రూపంతో కొన్ని వారాల పాటు ఇంటర్నెట్‌ను ఊపేసిన ఈ 'దోనాల్డ్ ట్రంప్' బర్రె, ఈ పండుగ వేళ తన ప్రయాణాన్ని ముగించబోతోంది. 

మరిన్ని చదవండి

ఎంతకు తెగించార్రా ? - ఇవాంకా ట్రంప్ హత్యకు ప్లాన్ చేస్తారా?

ఆ మామిడి తోటకు జడ్ ప్లస్ సెక్యూరిటీ - వెండి కంటే ఎక్కువ రేటు - ఈ మ్యాంగోల గురించి తెలిస్తే షాక్ అవుతారు!