Ivanka Trump Assassination Plot: ఎంతకు తెగించార్రా ? - ఇవాంకా ట్రంప్ హత్యకు ప్లాన్ చేస్తారా?

Iran IRGC Revenge: ఇవాంకా ట్రంప్ హత్యకు ఇరాన్ మద్దతు ఉన్న ఉగ్రవాది పన్నిన భయంకరమైన కుట్రను అమెరికా ఛేదించింది. ఫ్లోరిడా ఇంటి మ్యాప్‌లతో దొరికిన నిందితుడ్ని ప్రశ్నిస్తున్నారు.

ఎంతకు తెగించార్రా ? - ఇవాంకా ట్రంప్ హత్యకు ప్లాన్ చేస్తారా?

Source : Facebook

Donald Trump Daughter Safety: అమెరికా అధ్యక్షుడి కుమార్తె ఇవాంకా ట్రంప్‌ను లక్ష్యంగా చేసుకుని సాగిన ఒక భయంకరమైన హత్య కుట్ర వెలుగులోకి రావడం ఇప్పుడు అంతర్జాతీయంగా సంచలనం సృష్టిస్తోంది. ఇరాన్ మద్దతు ఉన్న ఒక ఉగ్రవాది ఈ దారుణానికి ఒడిగట్టేందుకు పక్కా ప్లాన్ వేశారని అమెరికన్ ఇంటెలిజెన్స్ వర్గాలు వెల్లడించాయి. కేవలం మాటలకే పరిమితం కాకుండా, ఇవాంకా నివాసముంటున్న ఫ్లోరిడా ఇంటి బ్లూప్రింట్లు  కూడా నిందితుడి వద్ద లభించడం పరిస్థితి తీవ్రతను సూచిస్తోంది.  

 రివేంజ్ ప్లాన్ - ఎందుకీ కుట్ర? 

ఈ కుట్ర వెనుక మహమ్మద్ బాకర్ సాద్ దావూద్ అల్-సాదీ  అనే 32 ఏళ్ల ఇరాకీ జాతీయుడు ఉన్నట్లు నిర్ధారించారు. ఇతడు ఇరాన్   శక్తివంతమైన ఇస్లామిక్ రివల్యూషనరీ గార్డ్ కార్ప్స్   తో సంబంధాలు కలిగి ఉన్నాడని సమాచారం. 2020లో ట్రంప్ ఆదేశాల మేరకు అమెరికా జరిపిన డ్రోన్  దాడిలో ఇరాన్ సైన్యాధ్యక్షుడు ఖాసీం సులేమానీ మరణించిన సంగతి తెలిసిందే. తన గురువు సులేమానీ మరణానికి ప్రతీకారంగా,  ట్రంప్ ఇంటిని తగలబెట్టాలంటే ఇవాంకాను చంపాలి  అని అల్-సాదీ ప్రతిజ్ఞ చేసినట్లు నిఘా వర్గాలు గుర్తించాయి. 

🚨 HOLY CRAP! President Trump's daughter Ivanka Trump was targeted in an ASSASSINATION plot by an Iranian IRGC-trained terrorist — NYP

Mohammad Al-Saadi, an Iraq national who was recently caught by federal law enforcement, "pledged" to take out Ivanka and had a BLUEPRINT of her… pic.twitter.com/sX2CY2i1n6

— Eric Daugherty (@EricLDaugh) May 23, 2026

 అమెరికా నిఘా వలయం - నిందితుడి అరెస్ట్ 

అదృష్టవశాత్తూ ఈ కుట్రను అమెరికన్ భద్రతా సంస్థలు ఆదిలోనే పసిగట్టాయి. నిందితుడు అల్-సాదీ మే 15న టర్కీలో పట్టుబడగా, అతడిని తాజాగా అమెరికాకు అప్పగించారు. అతడి సోషల్ మీడియా ఖాతాలను పరిశీలించగా,  మీ రాజభవనాలు కానీ, సీక్రెట్ సర్వీస్ కానీ మిమ్మల్ని రక్షించలేవు.. ప్రతీకారం తీర్చుకునే సమయం ఆసన్నమైంది అంటూ అరబిక్‌లో హెచ్చరికలు చేసినట్లు తేలింది. ప్రస్తుతం అతడిని న్యూయార్క్‌లోని ఒక జైలులో ఉంచి విచారిస్తున్నారు. 

Lets pray together🙏

Heavenly Father, cover Ivanka with Your peace that surpasses all understanding. Guard her heart, her mind, her home, and her family. Send Your angels before her, behind her, and beside her. Let her walk in safety, strength, and courage, knowing that You are… pic.twitter.com/yNNoHwGF0s

— ⁿᵉʷˢ Barron Trump 🇺🇸 (@BarronTNews_) May 23, 2026

 ట్రంప్ కుటుంబంపై పెరుగుతున్న ముప్పు 

కేవలం ఇవాంకా మాత్రమే కాకుండా, అధ్యక్షుడు ట్రంప్ , ఆయన కుటుంబ సభ్యులందరిపై గత కొన్నాళ్లుగా భద్రతాపరమైన ముప్పు పెరుగుతోంది. ముఖ్యంగా ఇరాన్‌తో సంబంధాలు దెబ్బతిన్నందున, ఈ దాడుల హెచ్చరికలు వాషింగ్టన్ వర్గాలను ఆందోళనకు గురిచేస్తున్నాయి. ఇప్పటికే సీక్రెట్ సర్వీస్ విభాగం ట్రంప్ కుటుంబానికి భద్రతను అత్యంత కట్టుదిట్టం చేసింది. ఏప్రిల్ 2026లో కూడా వాషింగ్టన్‌లో ట్రంప్ పాల్గొన్న ఒక ఈవెంట్ వద్ద భద్రతా లోపాలు బయటపడటంతో అధికారులు ఇప్పుడు మరింత అప్రమత్తమయ్యారు. ప్రస్తుతం ఇవాంకా క్షేమంగానే ఉన్నప్పటికీ, ఈ అంతర్జాతీయ ఉగ్రవాద కుట్ర వెలుగుచూడటంతో అమెరికా రక్షణ వ్యవస్థలు హై-అలర్ట్ ప్రకటించాయి. "చీకటి శక్తులు విజయం సాధించవు" అన్న నమ్మకంతో ట్రంప్ యంత్రాంగం ముందడుగు వేస్తోంది. 

మరిన్ని చదవండి

ట్రంప్ కేబినెట్‌లో భారీ కుదుపు: డైరెక్టర్ ఆఫ్ నేషనల్ ఇంటెలిజెన్స్ పదవికి తులసీ గబ్బార్డ్ రాజీనామా!