Waqf Bill 2024: వక్ఫ్ బోర్డుల పరిధిలో లక్షల ఎకరాలు, రైల్వే డిఫెన్స్ తరవాత వాటా వీటిదే - మోదీ సర్కార్ టార్గెట్ అదే!

Waqf Amendment Bill: వక్ఫ్ బిల్లుని కేంద్రం లోక్‌సభలో ప్రవేశపెట్టినప్పటి నుంచి పెద్ద ఎత్తున రాజకీయ దుమారం రేగుతోంది. ఈ బిల్లులోని అంశాలపై పెద్ద ఎత్తు చర్చ జరుగుతోంది.

వక్ఫ్ బిల్లుని కేంద్రం లోక్‌సభలో ప్రవేశపెట్టినప్పటి నుంచి పెద్ద ఎత్తున రాజకీయ దుమారం రేగుతోంది. ఈ బిల్లులోని అంశాలపై పెద్ద ఎత్తు చర్చ జరుగుతోంది.

Source : ABPLIVE AI

What is Waqf Amendment Bill: కేంద్రం వక్ఫ్ బిల్లుని తీసుకొచ్చింది. మోదీ 3.0 సర్కార్‌ తీసుకొచ్చిన మొట్టమొదటి కీలక బిల్లు ఇదే కావడం వల్ల ఇంకాస్త ఫోకస్ పెరిగింది. పైగా ముస్లిం సంఘాలు తీవ్రంగా అభ్యతరం వ్యక్తం చేస్తున్న క్రమంలోనే కేంద్రం ఈ బిల్లు ప్రవేశపెట్టింది. వక్ఫ్ ఆస్తులను పూర్తిగా ప్రభుత్వం అధీనంలోకి తీసుకురావాలనే లక్ష్యంతో ఈ బిల్ రూపొందించింది మోదీ సర్కార్. సెంట్రల్ పోర్టల్ ద్వారా వీటిని రిజిస్ట్రేషన్ చేయాలనీ తేల్చి చెప్పింది. వక్ఫ్ బోర్డ్‌ని ఓ మాఫియాలాగా మార్చేశారని కేంద్రం ఇప్పటికే లోక్‌సభలో తీవ్ర విమర్శలు చేసింది. అందుకే కట్టడి చేసేందుకు ఈ బిల్ తీసుకొచ్చినట్టు క్లారిటీ ఇచ్చింది. అయితే..ప్రతిపక్షాలు మాత్రం ఇది రాజ్యాంగ విరుద్ధమని తేల్చిచెబుతున్నాయి. పైగా ఓ మతాన్ని లక్ష్యంగా చేసుకుంటున్నారనీ మండి పడుతున్నాయి. Waqf Act, 1995లో మార్పులు చేర్పులు చేసి  Waqf (Amendment) Bill తీసుకొచ్చారు. 

వక్ఫ్ అంటే ఏంటి..? ఈ బిల్లులో అసలు ఏముంది..?
 
ఇస్లామిక్ చట్టం ప్రకారం ఏదైనా ఓ ఆస్తిని పూర్తిగా విరాళం ఇవ్వడమే ఈ వక్ఫ్. ఒక్కసారి ఇది వక్ఫ్ పరిధిలోకి వెళ్లిందంటే మళ్లీ విడిపించుకోలేరు. ఈ నిబంధన వల్లే కేంద్రం ఈ చట్టాన్ని సవరించాలని భావించింది. దేశవ్యాప్తంగా దాదాపు 30 వక్ఫ్ బోర్డులున్నాయి. ఈ బోర్డుల పరిధిలో రూ.1.2 లక్షల కోట్ల విలువైన 9 లక్షల ఎకరాల భూములున్నట్టు అంచనా. రైల్వే, డిఫెన్స్ తరవాత ఈ స్థాయిలో భూములున్నది వక్ఫ్ బోర్డుల వద్దే. అయితే...ఇదంతా ఓ మాఫియాలా తయారవుతోందని చెబుతున్న కేంద్రం పూర్తి స్థాయిలో వీటిపై నియంత్రణ అవసరమని తేల్చి చెప్పింది. ఈ మేరకు పాత చట్టంలో మార్పులు తీసుకొచ్చింది. అందులో భాగంగా సెంట్రల్ వక్ఫ్ కౌన్సిల్‌, స్టేట్ వక్ఫ్ బోర్డులు ఏర్పాటు చేయనుంది. ఇందులో ముస్లిం మహిళలతో పాటు ముస్లిమేతరులనూ సభ్యులుగా చేర్చనుంది. ఈ బిల్లు ప్రకారం రాష్ట్రాల్లో ఏర్పాటయ్యే వక్ఫ్ బోర్డులలో ఇద్దరు మహిళలుంటారు. సెంట్రల్ కౌన్సిల్‌లోనూ మహిళలకు ప్రాధాన్యత ఉంటుంది. 

ఆ అధికారం కలెక్టర్‌దే..

వక్ఫ్ భూములకు సంబంధించి ఎలాంటి వివాదం తలెత్తినా ఆ జిల్లా కలెక్టర్ కలగజేసుకుని పరిష్కరించాలి. ప్రభుత్వ భూములను స్వాధీనం చేసుకునే అధికారం కలెక్టర్‌కి ఉంటుంది. 1995 నాటి చట్టంలో ఈ అధికారాలన్నీ వక్ఫ్ ట్రిబ్యునల్ పరిధిలోనే ఉన్నాయి. అయితే..ఈ అధికారాన్ని దుర్వినియోగం చేస్తున్నారన్న ఆరోపణలు వచ్చాయి. అందుకే పూర్తిగా ఈ బాధ్యతని కలెక్టర్‌కి అప్పగించాలని ప్రతిపాదించింది కొత్త బిల్లు. ముస్లింలలోని అగాఖానీలు, బొహరాలకు వర్గాలకు ప్రత్యేకంగా బోర్డులు ఏర్పాటు చేయాలనీ ప్రతిపాదించింది. వక్ఫ్‌కి సంబంధించిన ఏ ఆస్తినైనా ఆడిట్ చేసే అధికారం కేంద్ర ప్రభుత్వానికి కల్పించింది ఈ కొత్త బిల్లు. ఓ వ్యక్తి వక్ఫ్‌కి విరాళం ఇచ్చినప్పుడు waqfnama పేరిట ఓ డాక్యుమెంట్‌ తయారు చేస్తారు. ఇది ఉంటే తప్ప అది విరాళంగా పరిగణించరు. వక్ఫ్ ఆస్తి అని అనడానికి ఈ డాక్యుమెంట్స్ తప్పనిసరిగా చూపించాలని ఈ కొత్త బిల్లు తేల్చి చెబుతోంది.