VS Achuthanandan Hospitalized: ఆ రాష్ట్ర మాజీ ముఖ్యమంత్రికి అస్వస్థత.. ఐసీయూలో చికిత్స

కేరళ మాజీ ముఖ్యమంత్రి అచుత్యానందన్ ఆసుపత్రిలో చేరారు.

కేరళ మాజీ సీఎంకు అస్వస్థత

కేరళ మాజీ ముఖ్యమంత్రి వీఎస్ అచ్యుతానందన్ (98) ఆసుపత్రిలో చేరారు. ఎక్యూట్ గ్యాస్టోఎంటరిటిస్‌తో బాధపడుతోన్న ఆయనను ఆదివారం తిరువనంతపురంలోని ఆసుపత్రిలో చేర్చారు. ప్రస్తుతం ఆయనకు ఐసీయూలో చికిత్స అందిస్తున్నారు.

ఆయన త్వరగా కోలుకోవాలని సీపీఐ (ఎం) పార్టీ ఆకాంక్షించింది. ఈ మేరకు ట్వీట్ చేసింది.

Wishing a Speedy recovery to Comrade V. S. Achuthanandan who has been hospitalised pic.twitter.com/NWb1DNVYXl

— CPI (M) (@cpimspeak) November 2, 2021

Former #Kerala CM VS Achuthanandan under treatment in ICU of a private hospital for acute gastroenteritis @IndianExpress pic.twitter.com/Wc6lXpPftW

— Vishnu Varma (@VishKVarma) November 1, 2021

రెండు ఏళ్ల క్రితం అచ్యుతానందన్‌కు హార్ట్ స్ట్రోక్ వచ్చింది. అప్పటి నుంచి ఆయన క్రియాశీలక రాజకీయాలకు దూరంగా ఉంటున్నారు. ఆ తర్వాత అల్లప్పుజలోని తన సొంత ఊరికి ఆయన వెళ్లిపోయారు.

1938లో రాజకీయాల్లోకి వచ్చిన అచ్యుతానందన్ రాష్ట్ర రాజకీయాల్లో తనదైన మార్క్ చూపించారు. 83 ఏళ్ల వయసులో ఆయన కేరళ ముఖ్యమంత్రిగా బాధ్యతలు చేపట్టారు. 2006-2011 వరకు ఆయన ముఖ్యమంత్రిగా ఉన్నారు. గత ఏడాది వరకు ప్రభుత్వ సంస్కరణల కమిటీకి ఛైర్మన్‌గా కొనసాగారు. ఆయన మూడు సార్లు కేరళ అసెంబ్లీలో ప్రతిపక్షనేతగా ఉన్నారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి