US Man Killed: 'థాంక్యూ' చెప్పలేదని కత్తితో పొడిచి చంపేశాడు!

US Man Killed: అమెరికాలో దారుణ ఘటన జరిగింది. థాంక్యూ చెప్పలేదనే కారణంతో ఓ వ్యక్తిని పొడిచి చంపాడు దుండగుడు.

'థాంక్యూ' చెప్పలేదని కత్తితో పొడిచి చంపేశాడు!

US Man Killed: థాంక్యూ చెప్పలేదనే కారణంతో ఓ వ్యక్తిని దారుణంగా కత్తితో పొడిచి చంపాడు మరో వ్యక్తి. అమెరికాలో జరిగిన ఈ ఘటన కలకలం రేపుతోంది.

ఇదీ జరిగింది

అమెరికాలోని బ్రూక్లిన్‌లో ఈ ఘటన జరిగింది. 'థాంక్యూ' చెప్పలేదని మొదలైన వాగ్వాదం చిలికి చిలికి గాలివానగా మారి ఓ వ్యక్తి ప్రాణాలు కోల్పోయేలా చేసింది. 37 ఏళ్ల వ్యక్తిని మరో వ్యక్తి కత్తితో పొడవటంతో తీవ‍్ర గాయాలై మృతి చెందాడు. 

#UPDATE: Dispute over not saying 'thank you' led to killing at NYC smoke shop, witness says | Video, new details https://t.co/ckecMNRmBe pic.twitter.com/64hwy9GgUN

— Eyewitness News (@ABC7NY) September 21, 2022

పార్క్‌ స్లోప్‌లోని 4వ అవెన్యూ భవనం స్మోకింగ్‌ దుకాణం వద్ద ఈ గొడవ జరిగింది. ఈ సంఘటన స్థానిక సీసీటీవీ కెమెరాలో నమోదైంది.

తెల్ల రంగు టీషర్ట్‌ ధరించిన బాధితుడు లోపలికి రాగా.. మరో వ్యక్తి డోర్‌ తెరిచాడు. అయితే, డోర్‌ తెరిచినందుకు కృతజ్ఞతలు తెలపకపోవటంపై లోపలి వ్యక్తి ప్రశ్నించాడు. దీంతో తాను తెరవాలని కోరలేదని, థాంక్యూ చెప్పనని తేల్చి చెప్పాడు. దీంతో ఇరువురి మధ్య మాటామాటా పెరిగి కొట్టుకునే వరకు వెళ్లింది.

బయటకు వెళ్లిన నిందితుడు తన సైకిల్‌ పై ఉన్న కత్తిని తీసుకొచ్చి బెదిరించాడు. బాధితుడు వెనక్కి తగ్గకుండా రెచ్చగొట‍్టగా.. పొట్ట, మెడ భాగంలో కత్తితో దాడి చేశాడు నిందితుడు. దీంతో తీవ్రంగా రక్తస్రావమైంది. అనంతరం ఆసుపత్రికి తరలించినప్పటికీ అప్పటికే మృతి చెందినట్లు వైద్యులు తెలిపారు. ఈ ఘటన సోషల్ మీడియాలో వైరల్‌ అవుతోంది.