Top Headlines Today: విజయవాడలో పీసీసీ చీఫ్ షర్మిల నిరసన! 15 రోజుల్లో BRS ఆఫీస్ కూల్చేయాలని హైకోర్టు ఆదేశం - నేటి టాప్ న్యూస్
Telagnana News Today | బీఆర్ఎస్ ఆఫీస్ కూల్చేయాలని తెలంగాణ హైకోర్టు ఆదేశించింది. ఏపీ కేబినెట్ సమావేశమై కొన్ని కీలక నిర్ణయాలు తీసుకుంది. ఏపీ, తెలంగాణలో నేటి టాప్ 5 హెడ్ లైన్స్ ఇవీ.
రాహుల్ గాంధీపై బీజేపీ వ్యాఖ్యల రచ్చ! విజయవాడలో వైఎస్ షర్మిల నిరసన
రాహుల్ గాంధీ పార్లమెంట్ ప్రతిపక్ష నేత అని, అలాంటి వ్యక్తిని చంపాలని బీజేపీ నాయకులు కామెంట్స్ చేస్తుంటే ఆ పార్టీ అధిష్ఠానం అస్సలు స్పందించడం లేదని ఏపీసీపీ చీఫ్ వైఎస్ షర్మిల అన్నారు. బీజేపీ నేతలు ఇంత దారుణంగా కామెంట్స్ చేస్తున్నా మోదీ, షా లు పట్టించుకోవడం లేదని ఆగ్రహం వ్యక్తం చేశారు. ఇదంతా వారి డైరెక్షన్ లోనే జరుగుతుందని షర్మిల అన్నారు. ఈ దుర్మార్గాన్ని కాంగ్రెస్ పార్టీ తీవ్రంగా ఖండిస్తోందని.. వారి ద్వేష పూరిత మాటలపై వెంటనే చర్యలు తీసుకోవాలని డిమాండ్ చేశారు. పూర్తి వివరాలకు క్లిక్ చేయండి
15 రోజుల్లో బీఆర్ఎస్ ఆఫీస్ కూల్చేయండి- అధికారులకు హైకోర్టు ఆదేశం
అనుమతి లేకుండా నిర్మించిన బీఆర్ఎస్ ఆఫీస్ను కూల్చేయాలని తెలంగాణ హైకోర్టు అధికారులను ఆదేశించింది. నల్గొండలోని ఆఫీస్ను పదిహేను రోజుల్లో నేల మట్టం చేయాలని స్పష్టం చేసింది. నల్గొండలో ఉన్న బీఆర్ఎస్ ఆఫీస్ను రెగ్యులరైజ్ చేసేలా అధికారులను ఆదేశించాలన్న పిటిషన్పై హైకోర్టు విచారణ చేపట్టింది. అనుమతి తీసుకోకుండా ఆఫీస్ కట్టి... ఇప్పుడు రెగ్యులరైజ్ చేయాలని అడగడం ఏంటని ప్రశ్నించింది. అనుమతులు లేకుండా అక్రమంగా కట్టిన ఆఫీస్ను 15 రోజుల్లో కూల్చేయాలని స్పష్టం చేసింది. పూర్తి వివరాలకు క్లిక్ చేయండి
ఎస్సీ, ఎస్టీలకు పరిశ్రమల స్థాపనలో ప్రోత్సాహం - తెలంగాణ MSME పాలసీలో కీలక విషయాలు
సొంత ఉపాధి కేంద్రం పెట్టుకోవాలనేది యువతకు కల. సాంకేతిక ప్రపంచంలో స్టార్టప్ లు పెట్టుకోవడం ఎలాగో.. తయారీ రంగంలో సూక్ష్మ, చిన్నతరహా పరిశ్రమలు అలా పెట్టుకుని సొంత కాళ్లపై నిలబడి.. మరో పది మందికి ఉపాధి కల్పించాలని పట్టుదలతో శ్రమించేవారు ఉంటారు. ఇలాంటి వారికి ప్రోత్సాహం ఇవ్వాలని తెలంగాణ ప్రభుత్వం నిర్ణయించింది. ప్రత్యేకంగా ఈ సూక్ష్మ, చిన్న తరహా పరిశ్రమలను ప్రోత్సహించేందుకు ప్రత్యేకంగా ఎంఎస్ఎంఈ పాలసీని ప్రకటించింది. పూర్తి వివరాలకు క్లిక్ చేయండి
ఆంధ్రప్రదేశ్ మంత్రిమండలి తీసుకున్న నిర్ణయాలు ఇవే!
అమరావతిలోని సచివాలయంలో సమావేశమైన ఆంధ్రప్రదేశ్ మంత్రిమండలి కీలక నిర్ణయాలు తీసుకుంది. వాటిలో నూతన మద్యం పాలసీపై సుదీర్ఘంగా చర్చించింది. వివిధ రాష్ట్రాల్లో అధ్యయనం చేసి తీసుకొచ్చిన మద్యం పాలసీకి మంత్రిమండలి ఆమోదం తెలిపింది. ఆపరేషన్ బుడమేరు అంశం పై కూడా కేబినెట్ చర్చించింది. ఇలాంటి విపత్తులు మరోసారి ఎదురుకాకుండా చేపట్టాల్సిన చర్యలపై మంత్రులు చర్చించారు. దీని కోసం కార్యచరణ సిద్ధం చేయాలని నిర్ణయించారు. పూర్తి వివరాలకు క్లిక్ చేయండి
వంటనూనెలపై గుడ్ న్యూస్ రానుందా! కేంద్రం తాజా నిర్ణయం ఏంటీ?
మన దేశంలో పండుగ సీజన్ ప్రారంభమైంది. అక్టోబర్ నెలలో దసరా, దీపావళి పర్వదినాలు ఉన్నాయి. పిండివంటలు లేకుండా పండుగ పూర్తి కాదు. అయితే, మూడు రోజుల క్రితం, వంట నూనెలపై దిగుమతి సుంకం పెంచుతూ కేంద్ర ప్రభుత్వం ప్రకటించగానే, కొన్ని కంపెనీల నూనెల రేట్లు పెరిగాయి. లీటరు నూనె రేటు రూ.15 నుంచి రూ.20 వరకు ప్రియమైంది. గత శనివారం పొద్దున, లీటరు సన్ఫ్లవర్ ఆయిల్ రూ.115గా ఉంటే, సాయంత్రానికల్లా అది రూ.130+కు చేరింది. మరికొన్ని కంపెనీలు కూడా రేట్లు పెంచడానికి సిద్ధంగా ఉన్నారు. పూర్తి వివరాలకు క్లిక్ చేయండి
టాప్ హెడ్ లైన్స్
ట్రెండింగ్ వార్తలు
