Taliban Crisis: తాలిబన్లా.. నరరూప రాక్షసులా! వాలీబాల్ క్రీడాకారిణి తలనరికి..

అఫ్గాన్​లో తాలిబన్లు మరింతగా రెచ్చిపోతున్నారు. అండర్‌-19 జాతీయ వాలీబాల్‌ క్రీడాకారిణిని దారుణంగా హత్య చేశారు.

అఫ్గాన్‌లో తాలిబన్ల హింసాకాండ

అఫ్గానిస్థాన్‌లో ఎప్పుడేం జరుగుతుందో అర్థం కావడం లేదు. ఏ సమయంలో ఎలాంటి వార్త వినాల్సి వస్తుందోనని అఫ్గాన్ వాసులు ప్రాణాలు అరచేతిలో పెట్టుకుని బతుకుతున్నారు. అఫ్గాన్‌ను చేజిక్కించుకున్న తర్వాత తాలిబన్ల మారణహోమం కొనసాగుతూనే ఉంది. 

ఇప్పటికే ప్రజలు నిరసనలు చేస్తున్నా పట్టించుకోకుండా తమ దారి తమదే అన్నట్లు తాలిబన్లు చెలరేగిపోతున్నారు. తాజాగా అఫ్గాన్‌ జూనియర్ మహిళల జాతీయ వాలీబాల్ క్రీడాకారిణి తల నరికి తాలిబన్లు అమానుషంగా చంపేసినట్లు వార్తలు వస్తున్నాయి. ఈ మేరకు ఆ జట్టు కోచ్ ఓ ప్రముఖ ఛానెల్‌కి ఇచ్చిన ఇంటర్యూలో తెలిపారు. అయితే ఈ దారుణానికి గల కారణాన్ని ఆమె వెల్లడించలేదు. 

ఏం జరిగింది?

అక్టోబర్‌లో మహబజిన్ హకీమి అనే మహిళా క్రీడాకారిణిని తాలిబాన్లు చంపడేమే కాకుండా కిరాతకంగా ఆమె తలను నరికేశారని కోచ్ తెలిపారు. అయితే ఈ విషయం గురించి బయట ప్రపంచానికి తెలియకూడదని తాలిబన్లు ఆమె కుటుంబాన్ని బెదిరించారన్నారు. ఆ భయంతో తాను ఇప్పటి వరకు ఈ విషయం చెప్పలేకపోయినట్లు పేర్కొన్నారు.

Mahjabin Hakimi, a member of the Afghan women's national volleyball team who played in the youth age group, was slaughtered by the Taliban in Kabul. She was beheaded.

⁦@EUinAfghanistan⁩ ⁦@unwomenafghan⁩ https://t.co/wit0XFoUaQ

— Sahraa Karimi/ صحرا كريمي (@sahraakarimi) October 19, 2021

కాబూల్ మునిసిపాలిటీ వాలీబాల్ క్లబ్ తరపున హకీమి ఆడేదని పైగా  క్లబ్ స్టార్ ఆటగాళ్లలో ఆమె ఒకరని కోచ్ చెప్పారు. ఆగస్టులో తాలిబన్లు అఫ్గానస్థాన్‌ను పూర్తి నియంత్రణలోకి తీసుకోవడానికి ముందు జట్టులోని ఇద్దరు క్రీడాకారులు మాత్రమే దేశం నుంచి తప్పించుకోగలిగారని కోచ్ తెలిపారు.

భయంభయం..

ప్రస్తుతం వాలీబాల్ జట్టులోని ఆటగాళ్లు ఏ క్షణాన ఏం జరుగుతోందో అనే భయంతో బతుకుతున్నారని అఫ్జలీ వెల్లడించారు. ఈ క్రమంలో చాలా మంది క్రీడాకారులు ఎవరికీ కనిపించకుండా జీవిస్తున్నట్లు చెప్పుకొచ్చారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి