Priyanka Gandhi Detained: నేను రాష్ట్రంలో తిరగకూడదా? రెస్టారెంట్లో కూర్చోవాలా?: ప్రియాంక గాంధీ

ప్రియంక గాంధీని యూపీ పోలీసులు నిర్బంధించారు. ఓ బాధిత కుటుంబాన్ని కలిసేందుకు ఆగ్రా వెళ్తోన్న ప్రిాయంకను మార్గ మధ్యంలో పోలీసులు అడ్డుకున్నారు.

ప్రియాంక గాంధీని నిర్బంధించిన యూపీ పోలీసులు

కాంగ్రెస్ ప్రధాన కార్యదర్శి ప్రియాంక గాంధీని.. ఉత్తర్‌ప్రదేశ్ పోలీసులు మరోసారి అదుపులోకి తీసుకున్నారు. ఇటీవల ఆగ్రాలో పోలీస్ కస్టడీలో మృతి చెందిన పారిశుద్ధ్య కార్మికుడి కుటుంబాన్ని కలవడానికి వెళ్తున్న ప్రియాంకను మార్గ మధ్యంలో పోలీసులు నిలిపివేశారు.  

#WATCH | Lucknow: Congress' Priyanka Gandhi Vadra & her convoy stopped by Police on their way to Agra. Police say, "You don't have permission, we can't allow you"

She was going to meet family of a sanitation worker who was nabbed in connection with a theft&died in Police custody pic.twitter.com/N3s0QAU8n6

— ANI UP (@ANINewsUP) October 20, 2021

" లఖ్‌నవూలో సెక్షన్ 144 అమల్లో ఉంది. కనుక ఆమెను ఆగ్రా వెళ్లేందుకు అనుమతించం. అయినప్పటికీ ఆమె వెళ్లేందుకు ప్రయత్నించారు. కనుక అదుపులోకి తీసుకున్నాం.                                         "

- యూపీ పోలీసులు

అంతకుముందు ప్రియాంక గాంధీని లఖ్‌నవూ-ఆగ్రా ఎక్స్‌ప్రెస్‌వే వద్ద ఉన్న మొదటి టోల్ ప్లాజా వద్ద పోలీసులు అడ్డుకున్నారు. అయితే ప్రియాంక గాంధీని అడ్డుకోవడంపై కాంగ్రెస్ కార్యకర్తలు పోలీసులతో ఘర్షణ పడినట్లు సమాచారం. అయితే తనను అదుపులోకి తీసుకోవడంపై ప్రియాంక గాంధీ.. యూపీ ప్రభుత్వాన్ని విమర్శించారు. 

" బాధిత కుటుంబాన్ని కలిసేందుకు నేను ఆగ్రా వెళ్లాలనుకుంటున్నాను. కానీ ప్రతిపక్ష నేతలు ఎక్కడికైనా వెళ్తుంటే ఈ ప్రభుత్వం ఎందుకు భయపడుతోంది. నేను ఎక్కడికైనా వెళ్లాలనుకుంటే చాలు.. నన్ను అడ్డుకుంటున్నారు. దీని వల్ల ప్రజలు కూడా ఇబ్బంది పడుతున్నారు. "

- ప్రియాంక గాంధీ, కాంగ్రెస్ ప్రధాన కార్యదర్శి

అనంతరం తనని అడ్డుకోవడంపై ప్రియాంక ట్వీట్ చేశారు. బాధిత కుటుంబానికి న్యాయం చేయాలని డిమాండ్ చేశారు.

किसी को पुलिस कस्टडी में पीट-पीटकर मार देना कहां का न्याय है?

आगरा पुलिस कस्टडी में अरुण वाल्मीकि की मौत की घटना निंदनीय है। भगवान वाल्मीकि जयंती के दिन उप्र सरकार ने उनके संदेशों के खिलाफ काम किया है

उच्चस्तरीय जांच व पुलिस वालों पर कार्रवाई हो व पीड़ित परिवार को मुआवजा मिले

— Priyanka Gandhi Vadra (@priyankagandhi) October 20, 2021

" అరుణ్ వాల్మీకి పోలీసుల కస్టడీలో చనిపోయాడు. నేను బాధిత కుటుంబాన్ని కలవాలనుకుంటున్నాను. దీనికి ఎందుకు యూపీ సర్కార్ భయపడటం? నన్ను ఎందుకు అడ్డుకుంటున్నారు? ఈరోజు వాల్మీకి జయంతి. మోదీ.. బుద్ధుడి గురించి చాలా గొప్పగా చెప్పారు. కానీ ఇది ఆయన మాటపై జరుగుతోన్న దాడి కాదా? నేను లఖ్‌నవూ వచ్చిన ప్రతిసారి ఎవరి అనుమతైనా తీసుకోవాలా? నన్ను ఆగ్రా వెళ్లకుండా అడ్డుకోవడానికి కారణమేంటి? శాంతి భద్రతల సమస్య ఏమైనా ఉందా? నేను రెస్టారెంట్‌లలోనే కూర్చోవాలా? రాజకీయాలు చేయకూడదా?                                                       "

- ప్రియాంక గాంధీ, కాంగ్రెస్ ప్రధాన కార్యదర్శి

దొంగతనం ఆరోపణలు..

ఆగ్రాలో పనిచేసే ఓ పారిశుద్ధ్య కార్మికుడు రూ.25 లక్షలు దొంగతనం చేసినట్లు అభియోగాలు వచ్చాయి. అతడ్ని పోలీసులు అరెస్ట్ చేసి, తన ఇంటి వద్ద తనిఖీ చేశారు. ఆ సమయంలో నిందితుడి హఠాత్తుగా కింద పడిపోయాడని.. ఆసుపత్రికి తీసుకువెళ్లగా అప్పటికే మృతి చెందినట్లు వైద్యులు ధ్రువీకరించినట్లు ఆగ్రా ఎస్పీ తెలిపారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి