Dalip Singh Rana Joins BJP: భాజపాలో చేరిన 'ద గ్రేట్ ఖలీ'- స్టార్ రెజ్లర్ గురించి ఆసక్తికర విషయాలివే!

ద గ్రేట్ ఖలీ.. భాజపాలో చేరారు. భాజపా జాతీయ విధానం నచ్చి పార్టీలో చేరినట్లు తెలిపారు.

భాజపాలో చేరిన ఖలీ

డబ్ల్యూడబ్ల్యూఈ సూపర్ స్టార్, ద గ్రేట్ ఖలీ (దలీప్ సింగ్ రాణా).. భారతీయ జనతా పార్టీలో చేరారు. దిల్లీలోని భాజపా ప్రధాన కార్యాలయంలో ఆయన పార్టీ తీర్థం తీసుకున్నారు. 

#WATCH Professional wrestler Dalip Singh Rana, also known as The Great Khali, joins BJP in Delhi pic.twitter.com/BmB7WbpZzx

— ANI (@ANI) February 10, 2022

I'm glad to have joined BJP... I feel that PM Modi's work for the nation makes him the right Prime Minister. So, I thought why not be a part of his governance for the nation's development. I joined BJP after being influenced by BJP's national policy: Wrestler The Great Khali pic.twitter.com/RjwU4XIw16

— ANI (@ANI) February 10, 2022

" భాజపాలో చేరినందుకు సంతోషంగా ఉంది. దేశానికి ఆయన చేస్తోన్న సేవలు చూస్తుంటే ప్రధానిగా ఆయనే సరైన వ్యక్తి అనిపిస్తోంది. అందుకే దేశాభివృద్ధి కోసం ఆయనతో కలిసి నడవాలని నిర్ణయించుకున్నాను. భాజపా జాతీయ విధానం నన్ను ప్రభావితం చేసింది. "

-                                             ద గ్రేట్ ఖలీ

ఎన్నో రికార్డులు..

• ది గ్రేట్ ఖలీ అసలు పేరు దలీప్ సింగ్ రాణా. ఆయన 1972 ఆగస్టు 27న హిమాచల్ ప్రదేశ్‌లో జన్మించారు.
• ఖలీ ఓ ప్రొఫెషనల్ రెజ్లర్ మాత్రమే కాదు నటుడు, పవర్‌లిఫ్టర్.
• 1995,1996 సంవత్సరాల్లో 'మిస్టర్ ఇండియా' టైటిల్ గెలుచుకున్నారు.
• వరల్డ్ రెజ్లింగ్ ఎంటర్‌టైన్‌మెంట్ (డబ్ల్యూడబ్ల్యూఈ) లోకి వెళ్లిన తర్వాత ఖలీ.. బాగా ఫేమస్ అయ్యారు.
• అంతకుముందు పంజాబ్ రాష్ట్ర పోలీసు అధికారిగా ఆయన పనిచేశారు.
• ఖలీ.. పొడవు 7 అడుగుల మూడు అంగుళాలు. బరువు సుమారు 200 కిలోలు.

డబ్ల్యూడబ్ల్యూఈలో..

గ్రేట్ ఖలీ వరల్డ్ రెజ్లింగ్ ఎంటర్టైన్మెంట్ (WWE) సూపర్ స్టార్లతో పోరాడాడు. జాన్ సెనా, బటిస్టా, అండర్ టేకర్.. ఇలా ఎంతోమంది స్టార్ రెజ్లర్లతో ఆడాడు.