9 Sim Cards : మీ పేరు మీద 9కంటే ఎక్కువ సిమ్ కార్డులుంటే కష్టమే ! ఎన్ని ఉన్నాయో ఇలా తెలుసుకోండి !

దేశంలో ఎవరికైనా 9 సిమ్‌ల వరకే అనుమతి ఉంటుంది. అంత కంటే ఎక్కువ ఉంటే డిస్‌కనెక్ట్ చేస్తారు. విచారణ చేస్తారు.

9 సిమ్ కార్డుల వరకే అనుమతి ! మీ పేరు ఎన్ని ఉన్నాయి ?

సెల్ ఫోన్లు మార్చేసినట్లుగా సిమ్‌కార్డులను కూడా మార్చేసేవాళ్లు ఉంటారు. అలా సిమ్‌లు తీసుకుని ఆ తర్వాత వాడకుండా పక్కన పడేయడమో.. లేకపోతే ఎవరికైనా ఇవ్వడమో చేసిన వాళ్లు చాలా మంది ఉంటారు. ఇంకా వారి ఐడీ కార్డులను దుర్వినియోగం చేసి సిమ్ కార్డులు తీసుకునేవాళ్లు కూడా ఉంటారు. అందుకే కేంద్రం ఒక్కో వ్యక్తికి 9 సిమ్ కార్డుల పరిమితి తీసుకు వచ్చింది.  ఒక వేళ తొమ్మిది కంటే ఎక్కువ సిమ్ కార్డ్స్ ఉంటే వారి సిమ్ కార్డులను రీవెరిఫికేషన్ చేయాలని నిర్ణయించింది. 

9 కంటే ఎక్కువ సిమ్ కార్డులు ఉన్న వారి వివరాలన్నింటినీ పరిశీలిస్తారు.  ఒకవేళ ఆ సిమ్‌ల్లో ఏ ఒక్కటి వెరిఫై చేయకపోయిన మిగిలిన నెంబర్లను కూడా డియాక్టివేట్ చేస్తారు. అయితే కొన్ని సున్నితమైన రాష్ట్రాల్లో ఈ నిబంధన మరింత కఠినంగా అమలు చేస్తారు. జమ్మూ కశ్మీర్, అస్సాం, ఈశాన్య రాష్ట్రాల్లోని వినియోగదారులు ఆరు సిమ్‌ల కంటే ఎక్కువ కలిగి ఉంటే వాటిని పరిశీలించాలని తెలిపింది. 6 కంటే ఎక్కువ సిమ్ కార్డ్స్ ఉన్నట్లయితే కనెక్షన్ కట్ చేస్తారు. 

ఉన్న సిమ్ కార్డుల్లో తమకు నచ్చింది యాక్టివ్‌లో ఉంచుకుని మిగిలిన వాటిని స్విచ్ ఆఫ్ చేసుకునే వెసులుబాటు కల్పించింది. టెలికాం ఆపరేటర్‌లను 9 కంటే ఎక్కువ సిమ్ కార్డ్‌లు కలిగి ఉన్న వినియోగదాను కేంద్రం కల్పించింది.  క్రిమినల్ కేసులు, ఆర్థిక నేరాల విచారణలో నేరస్థులను పట్టుకోవడానికి ఇది ఎంతగానో ఉపయోగపడుతుందని భావిస్తున్నారు. 

మీ పేరు మీద ఎన్ని సిమ్ కార్డులు ఉన్నాయో తెలుసుకోవడం సులువే.   https://tafcop.dgtelecom.gov.in/ వెబ్‌సైట్‌లోకి వెళ్లి మీ మొబైల్‌ నంబర్‌ను ఎంటర్ చేయాలి. మొబైల్‌కు ఓటీపీ వచ్చాక దాన్ని ఎంటర్ చేయాలి. ఓటీపీ నమోదు చేశాక.. మీ పేరుపై ఎన్ని సిమ్ కార్డులు ఉన్నాయో అక్కడ కనిపిస్తుంది. మొబైల్‌ నంబర్‌ కింద ఆప్షన్లు కనిపిస్తాయి. ఒకవేళ ఆ నంబర్‌ మీది కాకపోయినా.. ఆ నంబర్‌ ఇక మీకు అవసరం లేకపోయినా అక్కడ ఉన్న ఆప్షన్లను ఎంచుకొని ఫిర్యాదు చేసే అవకాశం కూడా ఉంటుంది.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి