Bandipura Blast: జమ్ముకశ్మీర్‌లో ఉగ్రవాదుల గ్రనేడ్ దాడి- ఓ పోలీసు మృతి

జమ్ముకశ్మీర్‌లో పోలీసులపై ఉగ్రవాదులు గ్రనేడ్ దాడి చేశారు. ఈ దాడిలో ఓ పోలీసు అధికారి మృతి చెందారు.

పోలీసులపై గ్రనేడ్ దాడి

జమ్ముకశ్మీర్ బందిపొరా జిల్లాలో పోలీసులపై గ్రనేడ్ దాడి చేశారు ఉగ్రవాదులు. ఈ దాడిలో ఓ పోలీసు ప్రాణాలు కోల్పోయారు. నలుగురు గాయపడ్డారు. క్షతగాత్రులను దగ్గరలోని ఆసుపత్రికి తరలించారు.

J&K | Terrorists attack a joint party of security forces in Bandipora, 5 persons injured; Details awaited: Jammu & Kashmir Police

— ANI (@ANI) February 11, 2022

#Update | One police personnel has lost his life, 4 injured after terrorists hurled grenade on a joint party of police and BSF in J&K's Bandipora

— ANI (@ANI) February 11, 2022

ఏం జరిగింది?

నిషత్ పార్క్ సమీపంలో పోలీసులు, సీఆర్​పీఎఫ్ దళాలు ఓ చోట ఉన్నాయని తెలిసి పక్కా పథకం ప్రకారమే ఈ దాడి చేసినట్లు అధికారులు తెలిపారు. ఆ సమయంలో ఉగ్రవాదులే గ్రెనేడ్ దాడి చేశారని అధికారులు తెలిపారు.

గాయపడ్డ వారిని ఆస్పత్రికి తరలించామని వారి పరిస్థితి నిలకడగా ఉన్నట్లు వెల్లడించారు. జమ్ము కశ్మీర్ పోలీసు శాఖలో డ్రైవర్​గా పనిచేసే జుబేర్ అహ్మద్ దురదృష్టవశాత్తు ప్రాణాలు కోల్పోయాడని వెల్లడించారు. ఈ ఘటనపై కేసు నమోదు చేసుకున్నట్లు పోలీసులు తెలిపారు. దర్యాప్తు కొనసాగుతోందన్నారు. దాడి చేసిన వ్యక్తిని గుర్తించేందుకు ఆ ప్రాంతాన్నంతటినీ తమ అధీనంలోకి తీసుకున్నట్లు వెల్లడించారు. 

రిపబ్లిక్ డే ముందు

గణతంత్ర వేడుకులకు ముందు రోజున కూడా జమ్ముకశ్మీర్​‌లోని శ్రీనగర్‌లో ఉగ్రవాదులు రెచ్చిపోయారు. జనవరి 25న శ్రీనగర్ పట్టణంలో గ్రనేడ్​ బాంబులతో తెగబడ్డారు. స్థానికంగా ఉన్న హైస్ట్రీట్​ వద్ద సాయంత్రం సమయంలో బాంబులతో దాడికి పాల్పడినట్టు పోలీసులు వెల్లడించారు.

భద్రతా సిబ్బందిని టార్గెట్​గా చేసుకుని ఉగ్రవాదులు ఈ గ్రనేడ్ దాడికి పాల్పడారు. ఈ బాంబు దాడిలో నలుగురు తీవ్రంగా గాయపడినట్టు పోలీసులు తెలిపారు.