Mumbai Cop Threatens Student Protesters: డ్రగ్స్ కేసు ఇరికించి జీవితాలు నాశనం చేస్తా - విద్యార్థి ఉద్యమకారులకు ముంబై పోలీసుల బెదిరింపు- వీడియో వైరల్

Mumbai Student Paper Leak Protest: విద్యార్థుల ఉద్యమాన్ని అణిచివేయడానికి పోలీసులు అనేక ప్రయత్నాలు చేస్తున్నారు. కొన్ని చోట్ల డ్రగ్స్ కేసులు పెడతామని బెదిరిస్తున్నారు.

డ్రగ్స్ కేసు ఇరికించి జీవితాలు నాశనం చేస్తా - విద్యార్థి ఉద్యమకారులకు ముంబై పోలీసుల బెదిరింపు- వీడియో వైరల్

Source : x

Student Protesters Threats Police Van:  పరీక్షా పేపర్ల లీకేజీ వ్యవహారంపై శాంతియుతంగా నిరసన తెలుపుతున్న విద్యార్థులపై ఒక పోలీస్ అత్యంత దారుణంగా ప్రవర్తించిన తీవ్ర సంచలనంగా మారింది. పేపర్ లీకేజీకి వ్యతిరేకంగా ముంబై వ్యాప్తంగా సాగుతున్న ఆందోళనల్లో భాగంగా పలువురు విద్యార్థి నాయకులను పోలీసులు అదుపులోకి తీసుకున్నారు. ఈ క్రమంలో పోలీస్ వ్యాన్‌లో నిర్బంధించిన విద్యార్థులను ఉద్దేశించి ఓ పోలీస్ ఆఫీసర్  తీవ్రమైన వ్యాఖ్యలు చేస్తూ, వారిపై అబద్ధపు కేసులు మోపుతానని బహిరంగంగా బెదిరిస్తున్న వీడియో సోషల్ మీడియాలో వైరల్‌గా మారింది.

ఈ ఆందోళనకర వీడియోను ముంబై కాంగ్రెస్ ప్రతినిధులతో పాటు ఇతర రాజకీయ పార్టీల నేతలు సోషల్ మీడియాలో పంచుకోవడంతో ఒక్కసారిగా కలకలం రేగింది. వ్యాన్ నడుపుతున్న ఆ పోలీస్ సిబ్బంది వెనుక సీట్లో ఉన్న విద్యార్థులతో తీవ్ర అభ్యంతరకర రీతిలో మాట్లాడాడు. మళ్లీ గనుక నిన్ను నిరసన వేదికల వద్ద చూస్తే నా అంత దారుణమైన వ్యక్తి మరొకరు ఉండరు. మీ జేబుల్లో 50 గ్రాముల డ్రగ్స్ పౌడర్ పెట్టి డ్రగ్స్ కేసు నమోదు చేస్తాను. దానితో మీ జీవితాలు పూర్తిగా నాశనమవుతాయి, అసలు బెయిల్ కూడా రాకుండా జైల్లోనే కుళ్ళిపోవాల్సి వస్తుంది  అని సదరు పోలీసు బహిరంగంగా బెదిరించాడు.  

Police continue to threaten students across India from participating in protests!

Mumbai Police: is the NCB now being used to plant fake drugs into pockets of students? This will not be tolerated. pic.twitter.com/uBqjht8UKh

— Cockroach is Back (@Cockroachisback) July 23, 2026

పోలీస్ అధికార దుర్వినియోగానికి, బెదిరింపు చర్యలకు అద్దం పడుతున్న ఈ వీడియో లీక్ కావడంతో విద్యార్థులు, హక్కుల సంఘాలు తీవ్ర ఆగ్రహం వ్యక్తం చేస్తున్నాయి. ఒకవైపు అబద్ధపు కేసులు బనాయిస్తానని హెచ్చరిస్తూనే, మరోవైపు ఆ పోలీసు అధికారి తన ఆవేదనను కూడా వెళ్లగక్కారు.  మీ నిరసనల వల్ల మేము ఇక్కడ తీవ్ర ఇబ్బందులు పడాల్సి వస్తోంది, నరకం చూస్తున్నాం  అని బాహాటంగా వ్యాఖ్యానించాడు. అయితే పోలీస్ అంత తీవ్ర స్థాయిలో భయపెడుతున్నప్పటికీ, వెనుక సీట్లలో ఉన్న విద్యార్థులు మాత్రం నవ్వుతూ దాన్ని తేలిగ్గా తీసుకోవడం వీడియోలో కనిపిస్తుంది.  

Mumbai Police Orders Inquiry After Viral Video Allegedly Shows Cop Threatening Student Protesters
Mumbai Police threatened young children by saying they would plant drugs in their pockets and falsely implicate them in criminal cases.
Mumbai, July 23: Mumbai Police has ordered an… pic.twitter.com/mM6iJ61igj

— The Voice of Sikkim (@tvsikkim) July 23, 2026

ఈ వీడియో కాస్తా ఇంటర్నెట్‌లో విపరీతంగా వైరల్ కావడంతో ముంబై పోలీస్ శాఖ తీవ్ర ఒత్తిడిలో పడింది. శాంతియుత నిరసనలు తెలిపే హక్కు ఉన్న విద్యార్థులపై ఇలాంటి తీవ్రమైన అక్రమ కేసులు బనాయిస్తామని బెదిరించడం పట్ల సర్వత్రా విమర్శలు వెల్లువెత్తాయి. పోలీసు వ్యవస్థ విశ్వసనీయతకే ఇది మచ్చ తెచ్చేలా ఉండటంతో ముంబై పోలీస్ ఉన్నతాధికారులు తక్షణమే స్పందించారు. సంఘటనపై సమగ్ర విచారణకు ఉత్తర్వులు జారీ చేశామని, నివేదిక ఆధారంగా సదరు సిబ్బందిపై కఠిన చర్యలు తీసుకుంటామని ప్రకటించారు.
  

మరిన్ని చదవండి

నీట్ పేపర్ లీక్‌పై మోదీ సంచలన నిర్ణయం, దోషులకు వెంటనే శిక్షలు పడేలా ఫాస్ట్ ట్రాక్ కోర్టు ఏర్పాటుకు ఆదేశం!

నీట్ పోరులో పొలిటికల్ ట్విస్ట్ - విద్యార్థుల ఆందోళన బీజేపీ vs కాంగ్రెస్ పోరుగా ఎలా మారింది?