Viral Video: మద్యం మత్తులో బస్ ఎక్కి యువకుల హల్‌చల్, డ్రైవర్‌పై దాడి - తరిమి కొట్టిన కండక్టర్
Vial News: భోపాల్‌లో ఇద్దరు యువకులు మద్యం మత్తులో బస్ ఎక్కి డ్రైవర్ కండక్టర్‌పై దాడి చేశారు. కండక్టర్ వాళ్లపై ఎదురు దాడి చేసి తరిమి కొట్టాడు.
Viral Video: మధ్యప్రదేశ్‌లోని భోపాల్‌లో బస్ కండక్టర్‌పై ఇద్దరు యువకులు దాడి చేశారు. బస్‌లో ఉండగానే ఉన్నట్టుండి దాడికి దిగారు. బస్‌లో ఉన్న ప్రయాణికులంతా ఒక్కసారిగా ఉలిక్కిపడ్డారు. బస్‌లో ఉన్న సీసీకెమరాలో ఈ ఘటనకు సంబంధించిన దృశ్యాలు రికార్డ్ అయ్యాయి. బస్ ఎక్కిన ఇద్దరు యువకులు ఏమీ కారణం లేకుండానే గొడవ పడ్డారు. ఎందుకిలా చేస్తున్నారని మందలించినందుకు కండక్టర్‌పై దాడి చేశారు. జులై 10వ తేదీన ఈ ఘటన జరిగినట్టు అధికారులు వెల్లడించారు. ముందు డ్రైవర్‌ని కొట్టిన దుండగులు ఆ తరవాత కండక్టర్‌పైనా చేయి చేసుకున్నారు. కానీ కండక్టర్ వెనక్కి తగ్గలేదు. ఎదురు దాడికి దిగాడు. ఈ వీడియో సోషల్ మీడియాలో వైరల్ అవుతోంది.
भोपाल सिटी बस में बदमाशों की गुंडागर्दी का वीडियो वायरल हो रहा हैं जहां 2 बदमाश बस में चढ़कर ड्राइवर-कंडक्टर के साथ मारपीट करने कर रहे हैं !#viralvideos pic.twitter.com/2xJdhbM0c5
— झगड़ा (@Jhagdaa) July 11, 2024
ఈ వీడియో చూసిన నెటిజన్‌లు కండక్టర్ ధైర్యాన్ని మెచ్చుకుంటూ కామెంట్స్ పెడుతున్నారు. ఆ ఇద్దరు యువకులపైనా కఠిన చర్యలు తీసుకోవాలని డిమాండ్ చేస్తున్నారు. అసలు ఏ కారణమూ లేకుండా ఎందుకు దాడి చేశారని మరి కొందరు ప్రశ్నిస్తున్నారు. బస్ కదులుతుండగా ఈ ఘటన జరిగి ఉంటే పెద్ద ప్రమాదమే జరిగి ఉండేదని మరి కొందరు ఆందోళన వ్యక్తం చేశారు. వాళ్లు ఫుల్లుగా తాగి ఈ గొడవ చేశారనీ కామెంట్స్ పెడుతున్నారు. అధికారులు వీలైనంత త్వరగా స్పందించి వాళ్లను కఠినంగా శిక్షించాలని అడుగుతున్నారు.
టాప్ హెడ్ లైన్స్
ట్రెండింగ్ వార్తలు
