Viral News : డెత్ సర్టిఫికెట్ కోసం చనిపోయిన వ్యక్తి పేపర్ ప్రకటన - ఇది ఊహించని మిస్టరీ !

ఓ అస్సాం దినపత్రికలో నా డెత్ సర్టిఫికెట్ పోయింది.. దొరికిన వాళ్లు తెచ్చివ్వండి అంటూ ప్రకటన. అంతే.. ఇక ఇంటర్నెట్ ఊరుకుంటుందా ?

డెత్ సర్టిఫికెట్ కోసం చనిపోయిన వ్యక్తి పేపర్ ప్రకటన - ఇది ఊహించని మిస్టరీ !

 
Viral News :  " ఫలానా చోట.. నా సర్టిఫికెట్లు పోయినవి. ఎవరికైనా దొరికితే తెచ్చివ్వగలరు . దొరికిన వారికి మంచి  బహుమానం ఇవ్వబడును " అని పత్రికల్లో ప్రకటనలు చాలా మందిమి చూసి ఉంటాం. అయితే  నా డెత్ సర్టిఫికెట్ పోయింది. ఎవరికైనా దొరికితే తెచ్చివ్వండి.. కోరిన బ హుమతి ఇస్తాను అని అని ఇచ్చిన ప్రకటన ఎప్పుడూ చూసి ఉండవు. ఒక వేళ చూసినా... ఆ డెత్ సర్టిఫికెట్ దొరికినా... ఆ బ హుమతి సంగతేమో కానీ ముందు ప్రాణాలు కాపాడుకోవడానికి ఆ సర్టిఫికెట్ అక్కడే పడేసి పారిపోతారు. ఎందుకంటే.. చనిపోయిన వ్యక్తి ఎలా తన  డెత్ సర్టిఫికెట్ కోసం ప్రకటన ఇస్తారు ? ఖచ్చితంగా దెయ్యమే ఇచ్చి ఉంటుందనే డౌట్ సహజంగానే వస్తుంది కదా! 
 
అయితే  ఇదేమీ అవాస్తవం కాదు. నిజంగానే ఓ వ్యక్తి తన డెత్ సర్టిఫికెట్ కోసం పేపర్ ప్రకటన ఇచ్చాడు.  ఇది ఇంటర్నెట్‌లో వైరల్‌ అయ్యింది. అస్సాంకు చెందిన రంజిత్‌ కుమార్‌, ఈ నెల 7న ఉదయం 10 గంటలకు నాగాన్‌లోని లుమ్డింగ్ బజార్ వద్ద తన ‘మరణ ధృవీకరణ పత్రం’ పోయిందని ఒక పత్రికలో ప్రకటన ఇచ్చాడు. ఆ డెత్‌ సర్టిఫికేట్‌ నంబర్‌ కూడా అందులో పేర్కొన్నాడు. ఐపీఎస్‌ అధికారి రుపిన్ శర్మ ఈ పేపర్‌ ప్రకటన ఫొటోను ట్విట్టర్‌లో ఆదివారం పోస్ట్‌ చేశారు. దీంతో ఇది సోషల్‌ మీడియాలో వైరల్‌ అయ్యింది.

It happens only in #India😂😂😂 pic.twitter.com/eJnAtV64aX

— Rupin Sharma (@rupin1992) September 18, 2022

తన డెత్‌ సర్టిఫికేట్‌ను కోల్పోయినట్లు రంజిత్‌ కుమార్‌ పేపర్‌లో ఇచ్చిన ఈ ప్రకటనపై నెటిజన్లు కూడా చాలా ఫన్నీగా స్పందించారు. ఆ వ్యక్తి స్వర్గంలో ఉన్నాడా? లేక నరకంలో ఉన్నాడా? అని కొందరు అడిగారు. ఒకవేళ ఆ ‘మరణ ధృవీకరణ పత్రం’ ఎవరికైనా దొరికితే ఎక్కడికి పంపాలి స్వర్గానికా? లేక నరకానికా? అని మరొకరు ఫన్నీగా ప్రశ్నించారు.

sir wo MARRIAGE CERTIFICATE likhwaya hoga .... aur print karne wala patni se dukhi hoga... ho jata hai, misprint nhi hai correct hai 😂

— Avinash Singh (@creativeideasss) September 19, 2022

‘ఒక వ్యక్తి తన డెత్‌ సర్టిఫికేట్‌ పోగొట్టుకున్నాడు. ఎవరికైనా దొరికితే ఇచ్చేయండి. దీనిని అర్జెంట్‌గా పరిగణించండి. లేకపోతే ఆ దెయ్యం ఆగ్రహం చెందుతుంది’ అని ఒకరు కామెంట్‌ చేశారు. ఒక వ్యక్తి తన ‘మరణ ధృవీకరణ పత్రం’ కోల్పోవడం ఇదే తొలిసారి అని మరొకరు చమత్కరించారు.

Chhapvane vala to mahan he hi sath me chhapne wala bhi mahan hai 😅😅😂😂🤣🤣

— Ashish Kumawat 🇮🇳 (@KumawatAshishRj) September 18, 2022