Madhya Pradesh News: ఆలయ గోపురాన్ని ఢీకొట్టి కుప్ప కూలిన విమానం, పైలట్ మృతి

Madhya Pradesh: మధ్యప్రదేశ్‌లో ఓ విమానం ఆలయ గోపురాన్ని ఢీకొట్టి కుప్పకూలింది.

మధ్యప్రదేశ్‌లో ఓ విమానం ఆలయ గోపురాన్ని ఢీకొట్టి కుప్పకూలింది. (Image Credits: ANI)

Madhya Pradesh Plane Crash:

మధ్యప్రదేశ్‌లోని రెవా జిల్లాలో  విమానం ఓ ఆలయంలో కుప్ప కూలింది. ఈ ఘటనలో పైలట్ అక్కడికక్కడే మృతి చెందగా...మరొకరు తీవ్రంగా గాయపడ్డారు. ట్రైనింగ్‌లో భాగంగా ప్లేన్ నడుపుతుండగా...ఈ ప్రమాదం జరిగింది. గురువారం అర్ధరాత్రి ఈ ఘటన జరిగినట్టు పోలీసులు వెల్లడించారు. ఓ పైలట్ ప్రాణాలు కోల్పోగా...మరో ట్రైనీ పైలట్ తీవ్ర గాయాల పాలయ్యాడు. ఉమ్రి గ్రామంలో ఓ ఆలయ గోపురాన్ని ఢీకొట్టి విమానం కుప్ప కూలింది. Falcon Aviation Academyకి చెందిన విమానంగా గుర్తించారు. ఎన్నో ఏళ్లుగా అక్కడ పైలట్‌లకు ట్రైనింగ్ ఇస్తోంది ఈ అకాడమీ. స్థానికులు ఇచ్చిన సమాచారం ప్రకారం...అర్ధరాత్రి 11.30 గంటలకు ఈ ప్రమాదం జరిగింది. ఈ ఘటనలో మృతి చెందిన పైలట్‌ను కేప్టెన్ విమల్ కుమార్‌గా గుర్తించారు. గాయపడ్డ ట్రైనీ పైలట్ సోను యాదవ్‌గా నిర్ధరించారు. మంచు కురుస్తున్న కారణంగా...ఆలయ గోపురం కనిపించలేదని అందుకే ప్రమాదం జరిగిందని తెలిపారు. గాయపడిన పైటల్‌ను స్థానిక ఆసుపత్రికి తరలించి చికిత్స అందిస్తున్నారు. 

Madhya Pradesh | A pilot died while another was injured after a plane crashed into a temple in Rewa district during the training: Rewa SP Navneet Bhasin pic.twitter.com/KumJTAlALs

— ANI (@ANI) January 6, 2023

తరచూ ప్రమాదాలు..

గతేడాది అక్టోబర్‌లో అరుణాచల్‌ ప్రదేశ్‌లో ఓ సైనిక హెలికాప్టర్ క్రాష్ అయింది. అప్పర్ సియాంగ్ జిల్లాలోని ట్యూటింగ్ ప్రధాన కార్యాలయానికి 25 కిలోమీటర్ల దూరంలో ఉన్న సింగింగ్ గ్రామ సమీపంలో ఈ ఘటన జరిగింది. ఈ హెలికాప్టర్ కూలే ముందు పైలట్ "Mayday" కాల్ ఇచ్చినట్టు తేలింది. మేడే కాల్ అంటే...ఏదైనా ప్రమాదం జరిగే సూచన ఉన్నప్పుడు రేడియో ద్వారా పైలట్ సమాచారం అందించటం. ఎయిర్‌క్రాఫ్ట్‌లో ఏదైనా టెక్నికల్ ప్రాబ్లమ్ ఉన్నా..వెంటనే ఆ రేడియో ద్వారా పైలట్ అలర్ట్ చేస్తాడు. ఈ ప్రమాదం జరిగే ముందు Air Traffic Control (ATC)కి కాల్ చేశాడు పైలట్. టెక్నికల్ లేదా మెకానికల్ ఫెయిల్యూర్ అయి ఉండొచ్చని చెప్పాడు. అంతలోనే హెలికాప్టర్ కుప్ప కూలింది. దీనిపై పూర్తి స్థాయి విచారణకు ఉన్నతాధికారులు ఆదేశించారు. నిజానికి వాతావరణ పరిస్థితులు హెలికాప్టర్ఎగరటానికి అనకూలంగానే ఉంది. పైగా...ఆ పైలట్‌కు ఎంతో అనుభవం కూడా ఉంది. అయినా...ఈ ప్రమాదం జరిగింది. ఇటీవల హెలికాప్టర్‌ కూలిన ఘటనలు ఎక్కువ అవుతున్నాయి. అక్టోబర్‌ 18న ఉత్తరాఖండ్‌లో ఇలాంటి ఘోర ప్రమాదమే జరిగింది. ఫాటా నుంచి కేదార్‌నాథ్ యాత్రికులను తీసుకువెళుతున్న ఓ హెలికాప్టర్ కుప్పకూలింది. ఈ ప్రమాదంలో ఏడుగురు మృతి చెందారు.