MP Massive Fire In Hospital: ఆసుపత్రిలో అగ్నిప్రమాదం- ఎనిమిది మంది మృతి!

MP Massive Fire In Hospital: మధ్యప్రదేశ్‌లో ఓ ఆసుపత్రిలో జరిగిన అగ్నిప్రమాదంలో 8 మంది వరకు మృతి చెందారు.

ఆసుపత్రిలో అగ్నిప్రమాదం- ఎనిమిది మంది మృతి!

MP Massive Fire In Hospital: మధ్యప్రదేశ్‌లో ఘోర అగ్నిప్రమాదం జరిగింది. జబల్‌పుర్‌లోని న్యూ లైఫ్ మల్టీ స్పెషాలిటీ ఆసుపత్రిలో మంటలు చెలరేగాయి. ఈ ప్రమాదంలో 8 మంది వరకు మృతి చెందారు. 12 మందికి తీవ్రంగా గాయాలయ్యాయి. 

#WATCH | Madhya Pradesh: Fire breaks out at Jabalpur Hospital. Further details awaited pic.twitter.com/RdjjqARKIY

— ANI MP/CG/Rajasthan (@ANI_MP_CG_RJ) August 1, 2022

ఇదే కారణం

ఈ ప్రమాదంలో మృతి చెందిన వారిలో ఎక్కువ మంది ఆసుపత్రి సిబ్బందేనని అధికారులు తెలిపారు. ఆసుపత్రిలో రోగులను ఇతర హాస్పిటల్స్‌కు తరలించినట్లు వెల్లడించారు.

Four people have died and three are severely injured. It was a massive fire, and our teams rescued all the people trapped inside the hospital. A short circuit could be the reason for the fire: Akhilesh Gaur, CSP Jabalpur pic.twitter.com/3D1NvBG3vy

— ANI MP/CG/Rajasthan (@ANI_MP_CG_RJ) August 1, 2022

" ఇది చాలా పెద్ద అగ్నిప్రమాదం. సమాచారం అందిన వెంటనే మా బృందాలు అక్కడికి చేరుకున్నాయి. షార్ట్ సర్క్యూట్ వల్లే ప్రమాదం జరిగినట్లు అనుమానిస్తున్నాం.                                                         "

- అఖిలేశ్ గౌర్, జబల్‌పుర్ సీఎస్‌పీ

పరిహారం

ప్రమాదంపై మధ్యప్రదేశ్ సీఎం శివరాజ్ సింగ్ చౌహాన్ స్పందించారు. మృతుల కుటుంబాలకు సంతాపం తెలిపారు. మృతుల కుటుంబాలకు రూ.5 లక్షలు, క్షతగాత్రులకు రూ.50 వేలు పరిహారం ప్రకటించారు.

" జబల్‌పుర్ ఆసుపత్రిలో జరిగిన అగ్నిప్రమాదంలో మృతి చెందిన వారి కుటుంబాలకు నా సంతాపం వ్యక్తం చేస్తున్నాను. క్షతగాత్రులు త్వరగా కోలుకోవాలని ప్రార్థిస్తున్నాను.                                                   "

-శివరాజ్ సింగ్ చౌహాన్, మధ్యప్రదేశ్ సీఎం