Uddhav On Sanjay Raut: ఉద్ధవ్ ఠాక్రే నోట 'పుష్ప' డైలాగ్‌ - రెట్టింపు ప్రతీకారం తప్పదని మోదీకి వార్నింగ్!

Uddhav On Sanjay Raut: భాజపాకు గట్టిగా వార్నింగ్ ఇచ్చారు మాహారాష్ట్ర మాజీ సీఎం ఉద్ధవ్ ఠాక్రే. భవిష్యత్తులో ప్రతీకారం తప్పదన్నారు.

(Image Source: PTI)

Uddhav On Sanjay Raut: మోదీ నేతృత్వంలోని కేంద్రానికి శివసేన అధినేత ఉద్ధవ్ ఠాక్రే వార్నింగ్ ఇచ్చారు. శివసేన కీలక నేత సంజయ్ రౌత్‌ను అరెస్ట్ చేయడంపై ఆగ్రహం వ్యక్తం చేశారు. ఈ సందర్భంగా 'పుష్ప' సినిమాలో డైలాగ్ చెప్పారు ఠాక్రే.

Proud of Sanjay Raut. There's a dialogue in 'Pushpa' - "jhukega nahi". But the real Shiv Sainik who won't bend is Sanjay Raut. Those who used to say they won't bend are all that side today. That's not the direction shown by Balasaheb. Raut is true Shiv Sainik: Uddhav Thackeray pic.twitter.com/Om0Q4auCVi

— ANI (@ANI) August 1, 2022

" సంజయ్‌ రౌత్‌ను చూసి గర్వపడుతున్నాను. పుష్ప సినిమాలో 'ఝూకేంగా నహీ' (తగ్గేదేలే) అని ఓ డైలాగ్ ఉంటుంది. అయితే వెనక్కి తగ్గని నిజమైన శివసైనికుడు సంజయ్ రౌత్. భాజపా ప్రలోభాలకు లొంగను అని చెప్పిన చాలా మంది ఇప్పుడు వారి వర్గంలో చేరారు. ఇది కాదు బాలాసాహెబ్ ఠాక్రే చెప్పింది. రౌత్ నిజమైన శివ సైనికుడు.  రౌత్‌ను అరెస్ట్ చేసి భాజపా విర్రవీగుతోంది. కానీ ఒకటి గుర్తుపెట్టుకోవాలి. కాలం ఎప్పుడూ ఒకేలా ఉండదు. భవిష్యత్తులో రెట్టింపు ప్రతీకారం తీర్చుకుంటాం.                                                   "

-ఉద్ధవ్ ఠాక్రే, శివసేన అధినేత

కస్టడీ

మరోవైపు పత్రాచాల్ భూ కుంభకోణం కేసులో అరెస్ట్ చేసిన ఎంపీ సంజయ్‌ రౌత్‌ను ఈడీ.. పీఎమ్ఎల్‌ఏ కోర్టులో ప్రవేశపెట్టింది. ఆగస్టు 8 వరకు ఆయన్ను కస్టడీకి ఇవ్వాలని ఈడీ కోరింది. అయితే కోర్టు మాత్రం ఆగస్టు 4 వరకు సంజయ్ రౌత్‌ను కస్టడీకి ఇస్తూ ఆదేశాలిచ్చింది.

దక్షిణ ముంబయిలోని ఈడీ జోనల్ ఆఫీసులో దాదాపు 6 గంటల పాటు రౌత్‌ను ప్రశ్నించిన అనంతరం అధికారులు.. సంజయ్ రౌత్‌ను అదుపులోకి తీసుకున్నారు.

సోమవారం అర్ధరాత్రి 12.05 నిమిషాలకు మనీ లాండరింగ్ చట్టం (PMLA) ప్రకారం సంజయ్ రౌత్‌ను ఈడీ అదుపులోకి తీసుకున్నట్లు పీటీఐ వార్తా సంస్థ పేర్కొంది. పత్రా చాల్ కేసులో దర్యాప్తునకు రౌత్ సహకరించకపోవడంతో ఈడీ ఈ నిర్ణయం తీసుకుంది.