Virat Kohli Records: న్యూజిలాండ్‌తో వన్డే సిరీస్‌లో విరాట్ కోహ్లీని ఊరిస్తున్న 5 రికార్డులు ఇవే

Ind vs NZ 1st ODI | భారత్ న్యూజిలాండ్ ODI సిరీస్ ఆదివారం (జనవరి 11న) ప్రారంభం కానుంది. కోహ్లీ ఈ సిరీస్ లో ఎన్ని రికార్డులు బద్దలు కొడతాడో అని ఫ్యాన్స్ ఆశగా ఎదురుచూస్తున్నారు.

విరాట్ కోహ్లీ కన్నేసిన 5 పెద్ద రికార్డులు

Source : सोशल मीडिया

ఈ ఏడాది భారత జట్టుకు మొదటి సవాలు న్యూజిలాండ్ సిరీస్. నేటి (జనవరి 11) నుండి భారత్ vs న్యూజిలాండ్ 3 ODI మ్యాచ్‌ల సిరీస్ ప్రారంభమవుతుంది. మొదటి వన్డే మ్యాచ్ వడోదరలోని BCA స్టేడియంలో జరుగుతుంది. అద్భుతమైన ఫామ్‌లో ఉన్న విరాట్ కోహ్లీ, రోహిత్ శర్మపైనే అందరి దృష్టి ఉంది.

విరాట్ కోహ్లీ గత 6 వన్డే ఇన్నింగ్స్‌లలో ఏకంగా 584 పరుగులు చేశాడు. ఈ సమయంలో కోహ్లీ 3 సెంచరీలు, 3 అర్ధ సెంచరీలు సాధించాడు. ఇదే అద్భుతమైన ఫామ్‌తో విరాట్ కోహ్లీ న్యూజిలాండ్‌తో జరిగే వన్డే సిరీస్‌లో 5 రికార్డులను బద్దలు కొట్టగలడు. అయితే ఈ రికార్డులు ఏంటో ఇక్కడ  తెలుసుకోండి.

న్యూజిలాండ్‌పై అత్యధిక ODI పరుగులు

ఇప్పటివరకు విరాట్ కోహ్లీ న్యూజిలాండ్‌పై 33 ఇన్నింగ్స్‌లలో 1657 పరుగులు చేశాడు. న్యూజిలాండ్‌పై అత్యధిక ODI పరుగులు చేసిన భారత బ్యాట్స్‌మెన్ సచిన్ టెండూల్కర్. అతను కివీస్ జట్టుపై 41 ఇన్నింగ్స్‌లలో 1750 పరుగులు చేశాడు. టెండూల్కర్‌ను అధిగమించడానికి విరాట్ కోహ్లీకి 94 పరుగులు కావాలి. కోహ్లీ ఫాం చూస్తే ఇది పెద్ద విషయం కాదు. ఒకవేళ ఈ రికార్డు చేరినా.. తక్కువ ఇన్నింగ్స్‌ల్లో ఈ ఫీట్ నమోదు చేసిన భారత ఆటగాడిగా నిలుస్తాడు.

న్యూజిలాండ్‌పై అత్యధిక ODI సెంచరీలు

న్యూజిలాండ్‌పై అత్యధిక సెంచరీల రికార్డును తన పేరిట లిఖించుకోవాలంటే విరాట్ కోహ్లీ మరో సెంచరీ చేయాలి. ఇప్పటివరకు విరాట్ కోహ్లీ, వీరేంద్ర సెహ్వాగ్, రికీ పాంటింగ్ కివీస్ జట్టుపై 6 సెంచరీలు సాధించారు.

అతి తక్కువ సమయంలో 28,000 అంతర్జాతీయ పరుగులు

విరాట్ కోహ్లీ 25 పరుగులు చేస్తే అంతర్జాతీయ క్రికెట్‌లో సచిన్ టెండూల్కర్, కుమార సంగక్కర తర్వాత 28,000 పరుగులు పూర్తి చేసిన మూడవ క్రికెటర్ అవుతాడు. సచిన్ 644 ఇన్నింగ్స్‌లలో, సంగక్కర 666 ఇన్నింగ్స్‌లలో ఈ ఘనత సాధించారు. విరాట్ కోహ్లీ తన కెరీర్‌లో 624 ఇన్నింగ్స్‌లలో ఈ ఘనత సాధించి చరిత్ర సృష్టించేందుకు సిద్ధంగా ఉన్నాడు.

న్యూజిలాండ్‌పై అత్యధిక సెంచరీలు

 సచిన్ టెండూల్కర్, జో రూట్, విరాట్ కోహ్లీ, జాక్వెస్ కలిస్ ఇప్పటివరకు అంతర్జాతీయ క్రికెట్‌లో న్యూజిలాండ్‌పై 9 సెంచరీలు సాధించారు. కోహ్లీ కనుక మరో సెంచరీ సాధిస్తే, అంతర్జాతీయ క్రికెట్‌లో న్యూజిలాండ్‌పై 10 సెంచరీలు సాధించిన మొదటి బ్యాటర్‌గా నిలుస్తాడు.

న్యూజిలాండ్‌పై అత్యధిక అంతర్జాతీయ పరుగులు

విరాట్ కోహ్లీ ప్రస్తుతం న్యూజిలాండ్‌పై అత్యధిక అంతర్జాతీయ పరుగులు చేసిన జాబితాలో రెండవ స్థానంలో నిలిచాడు. కోహ్లీ పేరిట 2,927 పరుగులు ఉన్నాయి. కివీస్ జట్టుపై అత్యధిక పరుగులు చేసిన ఆటగాడిగా సచిన్ టెండూల్కర్ 3345 పరుగులతో అగ్ర స్థానంలో ఉన్నాడు. సచిన్ రికార్డును దాటాలంటే నాలుగు వందలకు పైచిలుకు పరుగులు చేయాల్సి ఉంటుంది. 

 

మరిన్ని చదవండి

భారత్, న్యూజిలాండ్ మొదటి వన్డే ఎప్పుడు? ఎక్కడ? ఎన్ని గంటలకు? లైవ్ సహా పూర్తి వివరాలు ఇవే!

భారత్, బంగ్లాదేశ్ జట్ల మధ్య 5 పెద్ద వివాదాలు.. ఓసారి ఏకంగా కొట్టుకునే వరకు వెళ్లిన ఆటగాళ్లు