Helicopter Crash: హెలికాప్టర్ క్రాష్ లో బయటపడిన ఒకే ఒక్కడు.. ఎవరీ కెప్టెన్ వరుణ్ సింగ్?

తమిళనాడులో ఆర్మీ హెలికాప్టర్ క్రాష్ లో మెుత్తం 13 మంది మరణించారు. ఒక్క వ్యక్తి ప్రాణాలతో బయటపడ్డాడు. ప్రస్తుతం చికిత్స పొందుతున్నాడు.

కెప్టెన్ వరుణ్ సింగ్(ఫైల్ ఫొటో)

చీఫ్ ఆఫ్ డిఫెన్స్ స్టాఫ్ (సీడీఎస్) బిపిన్ రావత్, ఆయన భార్య మధులికా రావత్ తోపాటు మరో 11 మంది తమిళనాడులో జరిగిన హెలికాప్టర్ ప్రమాదంలో చనిపోయారు. ప్రమాదంలో భారత వైమానిక దళం (ఐఎఎఫ్) గ్రూప్ కెప్టెన్, (డిఫెన్స్ సర్వీసెస్ స్టాఫ్ కాలేజీ) వరుణ్ సింగ్ మాత్రమే.. ప్రాణాలతో బయటపడ్డారు.

మెుత్తం 14 మంది ప్రయాణిస్తున్న భారతీయ వైమానిక దళానికి చెందిన ఎంఐ-17వి-5 హెలికాప్టర్‌ 13 మంది మృతి చెందినట్టు ఐఏఎఫ్ ధృవికరించింది. తమిళనాడులోని కూనూర్ సమీపంలో ఈ ప్రమాదం జరిగింది.  డీఎస్‌ఎస్‌సీలో డైరెక్టింగ్ స్టాఫ్, గ్రూప్ కెప్టెన్ వరుణ్ సింగ్ ఒక్కరే ప్రాణాలతో బయటపడ్డారని ఐఎఎఫ్ తెలిపింది. ఆయన గాయాలతో ప్రస్తుతం వెల్లింగ్టన్‌లోని మిలటరీ ఆసుపత్రిలో చికిత్స పొందుతున్నారు.

2020 సంవత్సరంలో ఏరియల్ ఎమర్జెన్సీ  తలెత్తిన సమయంలో ఎల్ సీఏ తేజస్ యుద్ధ విమానాన్ని వరుణ్ సింగ్ సురక్షితంగా ల్యాండ్ చేశారు. ఇందుకు గానూ.. కెప్టెన్ వరుణ్ సింగ్‌కు ఈ సంవత్సరం స్వాతంత్ర్య దినోత్సవం సందర్భంగా 'శౌర్య చక్ర' అవార్డు లభించింది.

ఈరోజు ఉదయం బిపిన్ రావత్, ఆయన సతీమణి మధులిక రావత్, ఇతర ఆర్మీ అధికారులు.. విమానంలో ఢిల్లీ నుంచి తమిళనాడుకు బయలుదేరారు. సుమారు 11.35 గంటలకు సూలూరు ఎయిర్ ఫోర్స్ కు చేరుకున్నారు. ఆ తర్వాత..  ఎంఐ-17వీఎఫ్‌ హెలికాప్టర్‌లో వెల్లింగ్టన్ లోని డిఫెన్స్ సర్వీస్ కాలేజీలో లెక్చరర్ ఇచ్చేందుకు రావత్ బృందం బయలుదేరింది. ప్రయాణిస్తుండగా.. ఒక్కసారిగా.. సుమారు 12.20 గంటల సమయంలో హెలికాప్టర్ క్రాష్ అయింది. ఈ ఘటనలో 13 మంది మృతి చెందారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి