![ABP Premium](https://cdn.abplive.com/imagebank/Premium-ad-Icon.png)
ముస్లిం విద్యార్థితో హిందూ విద్యార్థిని కొట్టించిన టీచర్, యూపీలోనే మరో సంచలనం
Muzaffarnagar Teacher: ముజఫర్నగర్లో ఓ టీచర్ హిందూ విద్యార్థిని ముస్లిం విద్యార్థితో కొట్టించిన ఘటన సంచలనమైంది.
![ముస్లిం విద్యార్థితో హిందూ విద్యార్థిని కొట్టించిన టీచర్, యూపీలోనే మరో సంచలనం Uttar Pradesh News Muzaffarnagar school teacher asks Muslim student to slap fellow Hindu classmate, arrested ముస్లిం విద్యార్థితో హిందూ విద్యార్థిని కొట్టించిన టీచర్, యూపీలోనే మరో సంచలనం](https://feeds.abplive.com/onecms/images/uploaded-images/2023/09/29/f09ceb4aca91bffd195b509df8882aae1695967299146517_original.jpg?impolicy=abp_cdn&imwidth=1200&height=675)
Muzaffarnagar Teacher:
ముజఫర్నగర్లోనే మరో ఘటన..
యూపీలో ముజఫర్నగర్లో నెల రోజుల క్రితం ఓ స్కూల్లో టీచర్ ముస్లిం విద్యార్థిని తోటి విద్యార్థులతో కొట్టించిన ఘటన సంచలనమైంది. ఈ ఘటనపై విచారణ కొనసాగుతుండగానే మరో సంచలనం వెలుగులోకి వచ్చింది. అదే ముజఫర్నగర్లో ఓ టీచర్ ముస్లిం విద్యార్థితో తోటి హిందూ విద్యార్థిని కొట్టించింది. దగ్గరుండి మరీ చెంపదెబ్బ కొట్టించింది. సెప్టెంబర్ 26వ తేదీన ఈ ఘటన జరిగింది. ఐదో తరగతి విద్యార్థిని టీచర్ కొన్ని ప్రశ్నలు వేసింది. కానీ ఆ ప్రశ్నలకు విద్యార్థి సమాధానాలు చెప్పలేదు. కోపంతో ఓ ముస్లి విద్యార్థిని పిలిచింది. సమాధానం చెప్పని ఆ విద్యార్థిని చెంపదెబ్బ కొట్టాలని చెప్పింది. టీచర్ చెప్పినట్టుగా చేశాడు ఆ విద్యార్థి. అయితే...దెబ్బలు తిన్న ఆ విద్యార్థి అప్పటి నుంచి డిప్రెషన్లోకి వెళ్లిపోయాడు. ఇంట్లో కూడా ఎవరితో మాట్లాడడం లేదు. అనుమానం వచ్చి తల్లిదండ్రులు ఆరా తీశారు. అప్పుడు అసలు విషయం వెలుగులోకి వచ్చింది. తండ్రి ప్రశ్నించగా ఈ విషయమంతా చెప్పాడు ఆ విద్యార్థి. వెంటనే పోలీస్ స్టేషన్కి వెళ్లి సెప్టెంబర్ 27న ఆ టీచర్పై కంప్లెయింట్ ఇచ్చారు. సెప్టెంబర్ 28న పోలీసులు విచారణ మొదలు పెట్టారు. ఆ టీచర్ని అరెస్ట్ చేశారు. స్కూల్ యాజమాన్యం ఆ టీచర్ని విధుల్లో నుంచి తొలగించింది.
యూపీలోని ముజఫర్నగర్లో ఓ ప్రైవేట్ స్కూల్లో మహిళా టీచర్ ముస్లిం విద్యార్థిని తోటి విద్యార్థులతో కొట్టించిన వీడియో సంచలనమైంది. నెల క్రితం జరిగిన ఈ ఘటనపై ఇంకా విచారణ కొసనాగుతూనే ఉంది. దీనిపై విచారణ చేపట్టిన సుప్రీంకోర్టు కీలక వ్యాఖ్యలు చేసింది. ఈ ఘటన మొత్తం రాష్ట్రాన్నే వణికించిందని, ఇది కచ్చితంగా ప్రభుత్వ వైఫల్యమే అని తేల్చి చెప్పింది. ఇదే సమయంలో యూపీ ప్రభుత్వాన్నీ మందలించింది. ఈ కేసు విచారణకు వెంటనే ఓ IPS అధికారిని ప్రత్యేకంగా నియమించాలని ఆదేశించింది. వారం రోజుల్లోగా ఆ IPS అధికారి దీనిపై నివేదిక రూపొందించి కోర్టుకి సమర్పించాలని స్పష్టం చేసింది. ఈ ఘటనలో బాధిత బాలుడికి కౌన్సిలింగ్ ఇవ్వాలని, మిగతా విద్యార్థులతోనూ మాట్లాడాలని యూపీ ప్రభుత్వాన్ని ఆదేశించింది.
"ఇది చాలా తీవ్రమైన విషయం. ఓ వర్గానికి చెందిన విద్యార్థిని టార్గెట్ చేసి తోటి విద్యార్థులతో చెంప దెబ్బ కొట్టించడం సహించరానిది. ఇదేనా చదువంటే..? ఆ బాధిత విద్యార్థి చదువు బాధ్యత అంతా ప్రభుత్వానిదే. నిజంగా ఓ వర్గానికి చెందిన విద్యార్థిని ఉద్దేశపూర్వకంగా కొట్టించారన్న ఆరోపణలు నిజమే అయితే కచ్చితంగా ఇది రాష్ట్రంలో అలజడి సృష్టిస్తుంది"
- సుప్రీంకోర్టు
గత నెలలో యూపీలోని ముజఫర్నగర్లోని ఓ స్కూల్లో జరిగిన ఈ ఘటన సంచలనమైంది. ఓ ముస్లిం విద్యార్థిని ఓ హిందూ విద్యార్థితో కొట్టించింది మహిళా టీచర్. ఇందుకు సంబంధించిన వీడియో అప్పట్లో సోషల్ మీడియాలో వైరల్ అయింది. ఖబర్పూర్ గ్రామంలోని ఓ పాఠశాలలో ఈ ఘటన జరిగినట్టు పోలీసులు వెల్లడించారు. ఇప్పటికే దీనిపై విచారణ మొదలు పెట్టారు.
Also Read: పెళ్లి కాకుండానే గర్భం దాల్చిన యువతి, పెట్రోల్ పోసి నిప్పంటించిన తల్లి, సోదరుడు
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)