Mohammed Zubair Arrested : జర్నలిస్ట్ మహ్మద్ జుబేర్ అరెస్ట్, ఓ మతాన్ని కించపరిచేలా మాట్లాడారని ఆరోపణలు
Mohammed Zubair Arrested :ఈ నెల ప్రారంభంలో హిందూ దార్శనికులను 'ద్వేషపూరిత ప్రేరేపకులు' అని పిలిచినందుకు మహ్మద్ జుబేర్‌పై ఎఫ్‌ఐఆర్ నమోదైంది.
Mohammed Zubair Arrested : ఆల్ట్‌న్యూస్ సహ వ్యవస్థాపకుడు, జర్నలిస్ట్ మహ్మద్ జుబైర్‌ను దిల్లీ పోలీసులు సోమవారం అరెస్టు చేశారు. ఓ మతానికి చెందిన వారి మనోభావాలను దెబ్బతీశారని, శత్రుత్వాన్ని ప్రేరించారని ఆరోపిస్తూ ఐపిసి సెక్షన్లు 153, 295 కింద అరెస్టు చేసినట్లు ఏఎన్‌ఐ పేర్కొంది. 2020 నాటి కేసుకు సంబంధించి జుబైర్‌ను దిల్లీ పోలీసులు ప్రశ్నించడానికి పిలిచారని... ఈ కేసు విషయంలో ఎలాంటి అరెస్టు చేయొద్దని హైకోర్టు స్టే ఇచ్చిన విషయాన్ని గుర్తు చేస్తూ ఆల్ట్‌న్యూస్ వ్యవస్థాపకుడు ప్రతీక్ సిన్హా ట్వీట్ చేశారు.
Please note. pic.twitter.com/gMmassggbx
— Pratik Sinha (@free_thinker) June 27, 2022
ముందస్తు నోటీసు లేకుండా
"అయితే, జుబైర్ వేరే ఎఫ్‌ఐఆర్‌లలో అరెస్టు చేశారు. ఆయా సెక్షన్‌ల పరిధిలో ఆయనకు ఎలాంటి ముందస్తు నోటీసు ఇవ్వలేదు. పదేపదే అభ్యర్థించినప్పటికీ మాకు ఎఫ్‌ఐఆర్ కాపీ ఇవ్వడం లేదు" అని సిన్హా ట్వీట్ చేశారు. జుబైర్ u/s 153A/295A IPC నమోదైన కేసుకు సంబంధించి దర్యాప్తునకు పిలిచామని... "తగిన సాక్ష్యాలు ఉన్నందున అతన్ని అరెస్టు చేసినట్లు పోలీసులు తెలిపారని ఏఎన్‌ఐ తెలిపింది.
టీఎంసీ ఎంపీ స్పందిస్తూ
అరెస్ట్‌పై టీఎంసీ ఎంపీ డెరెక్ ఓబ్రెయిన్ స్పందిస్తూ.. బీజేపీ ఫేక్ న్యూస్ ఫ్యాక్టరీ నుంచి ఫేక్ వార్తలను ప్రతిరోజూ బయటపెడుతున్న ప్రపంచంలోనే అత్యుత్తమ జర్నలిస్టులలో ఒకరైన మహమ్మద్ జుబైర్‌ను అరెస్టు చేయడాన్ని తీవ్రంగా ఖండిస్తున్నట్లు చెప్పారు. ప్రధాని నరేంద్ర మోదీ, అమిత్ షా అధికారులను ప్రజల కోసం ఉపయోగించండి. ఇలాంటి వాళ్లపై కాదన్నారు. నిజంగా మీరు పిరికివారని అని డెరెక్ ఒబ్రెయిన్ విమర్శించారు.
India’s few fact-checking services, especially @AltNews, perform a vital service in our post-truth political environment, rife with disinformation. They debunk falsehoods whoever perpetrates them. To arrest @zoo_bear is an assault on truth. He should be released immediately.
— Shashi Tharoor (@ShashiTharoor) June 27, 2022
ద్వేషపూరిత ప్రేరేపకులు
ఈ నెల ప్రారంభంలో ఉత్తరప్రదేశ్‌లోని ఖైరాబాద్ పోలీస్ స్టేషన్‌లో మహమ్మద్ జుబైర్‌పై ముగ్గురు హిందూ దార్శనికులైన యతి నరసింహానంద సరస్వతి, బజరంగ్ ముని, ఆనంద్ స్వరూప్‌ను "ద్వేషపూరిత ప్రేరేపకులు" అని పిలిచినందుకు ఎఫ్‌ఐఆర్ నమోదైంది. మే 27న, భారతీయ వార్తా ఛానెళ్లలో ప్రైమ్ టైమ్ చర్చలు "ఇతర మతాల గురించి చెడుగా మాట్లాడే విద్వేషపూరిత ప్రచారకులను ప్రోత్సహించడానికి ఒక వేదికగా మారాయి" అని జుబైర్ ట్వీట్ చేశాడు.
జుబైర్ ట్వీట్
"న్యూస్ స్టూడియోస్ నుంచి చాలా మంచి పని చేయగల యాంకర్లు ఇప్పటికే మనకు ఉన్నప్పుడు, ఒక సమాజానికి, మతానికి వ్యతిరేకంగా మాట్లాడటానికి ధరమ్ సన్సద్ ఏర్పాటు చేయడానికి యతి నరసింహానంద సరస్వతి లేదా మహంత్ బజరంగ్ ముని లేదా ఆనంద్ స్వరూప్ వంటి ద్వేషపూరిత వ్యక్తులు మనకు అవసరమా" అని జుబైర్ ట్వీట్ చేశారు. .
టాప్ హెడ్ లైన్స్
ట్రెండింగ్ వార్తలు
