IMD Updates: ఈ రాష్ట్రాల్లో భారీ వర్షాలకు ఛాన్స్! ఐఎండీ హెచ్చరికలు - ఇప్పటికే కేరళలో కుండపోత!
వచ్చే 24 గంటల్లో దక్షిణ ద్వీపకల్పం, మధ్య మహారాష్ట్ర, కొంకణ్, గోవాలోని పలు ప్రాంతాల్లో భారీ వర్షాలు పడతాయని ఐఎండీ అధికారులు అంచనా వేశారు.
రుతుపవనాల ప్రభావం ప్రస్తుతం దేశవ్యాప్తంగా కనిపిస్తోంది. దీనివల్ల దేశం మొత్తం వర్షాకాల ప్రభావం కనిపిస్తోంది. రుతుపవనాల రాకతో ఢిల్లీ, మహారాష్ట్ర, కేరళ, గుజరాత్, రాజస్థాన్ వంటి కొన్ని రాష్ట్రాల్లో బాగా వానలు పడుతున్నాయి. మధ్యప్రదేశ్ లాంటి కొన్ని రాష్ట్రాల్లో మాత్రమే వర్షాలు తక్కువగా పడుతున్నాయి. వచ్చే 24 గంటల్లో దక్షిణ ద్వీపకల్ప భారతదేశం, మధ్య మహారాష్ట్ర, కొంకణ్, గోవాలోని పలు ప్రాంతాల్లో భారీ వర్షాలు పడతాయని ఐఎండీ అధికారులు అంచనా వేశారు. గుజరాత్ రాష్ట్రంలో శుక్ర, శని వారాల్లో (జూలై 7, 8) భారీ వర్షాలు కురిసే అవకాశం ఉందని అంచనా వేశారు. ఒడిశా, చత్తీస్ గఢ్, కోస్తా కర్ణాటక, కేరళలో భారీ నుంచి అతి భారీ వర్షాలు కురిసే అవకాశం ఉందని తెలిపారు. ఉత్తరప్రదేశ్, పంజాబ్, ఢిల్లీ, రాజస్థాన్బిహార్, హిమాచల్ ప్రదేశ్, ఉత్తరాఖండ్ రాష్ట్రాల్లోని పలు ప్రాంతాల్లో భారీ వర్షాలు కురుస్తాయని అంచనా వేశారు.
Rainfall (in cm) recorded over Maharashtra during past 24 hours:
— India Meteorological Department (@Indiametdept) July 6, 2023
Heavy to very heavy rainfall observed over Konkan & Goa, Madhya Maharashtra and Marathawada.
కేరళలో కుండపోత
జూలై 4 రాత్రి నుంచి కేరళలో కురుస్తున్న భారీ వర్షాల కారణంగా రోడ్లన్నీ జలమయం అయి జన జీవనం స్తంభించిపోయింది. నదులు, డ్యామ్‌లలో నీటి మట్టాలు పెరగడం, చెట్లు నేలకూలడం వల్ల ఇళ్లు దెబ్బతిన్నాయి. తీర ప్రాంతాల్లో చాలా మంది ప్రజలు నిరాశ్రయులు అయ్యారు. బుధవారం కూడా భారీ వర్షాలు కురుస్తుండటం వల్ల ఇడుక్కి జిల్లాకు రెడ్ అలర్ట్, కొల్లాం, తిరువనంతపురం తప్ప రాష్ట్రంలోని మిగిలిన జిల్లాలకు వాతావరణ శాఖ ఆరెంజ్ అలర్ట్ ప్రకటించింది.
IMD తాజా అంచనాల ప్రకారం, రాబోయే కొద్ది రోజుల్లో వర్షాల తీవ్రత తగ్గుతుందని భావిస్తున్నారు. ఇదిలావుండగా, గురువారం కేరళలోని ఆరు జిల్లాల్లో ఐఎండీ 'ఆరెంజ్ అలర్ట్' జారీ చేసింది. పలు ప్రాంతాల్లో చెట్లు నేలకూలాయి, పలు ఇళ్లు, వాహనాలు దెబ్బతిన్నాయి. విద్యుత్ లైన్లు తెగిపోయాయి. గంటల తరబడి ట్రాఫిక్‌కు అంతరాయం ఏర్పడింది. పాతానంతిట్ట జిల్లాలోని 130 ఏళ్ల నాటి CSI చర్చి భారీ వర్షాలకు ధ్వంసమైంది. త్రిస్సూర్ జిల్లాలోని కొన్ని ప్రాంతాల్లో అకస్మాత్తుగా ఈదురుగాలులతో చెట్లు నేలకూలాయి మరియు విద్యుత్ వైర్లు తెగిపోయాయి.
Konkan & Goa:
— India Meteorological Department (@Indiametdept) July 6, 2023
Vaibhavwadi (dist Sindhudurg) 18, Canacona (dist South Goa) 17, Panjim - Imd Obsy (dist North Goa) 16, Sanguem (dist South Goa) 15, Rajapur (dist Ratnagiri) 15, Palghar_agri (dist Palghar) 15, Rameshwar_agri (dist Sindhudurg) 14, Margao (dist South Goa) 14,
కన్నూర్‌ జిల్లాలోనూ
కన్నూర్‌లో భారీ వర్షాల కారణంగా సెంట్రల్ జైలు వెనుక గోడ యొక్క 20 మీటర్ల భాగం కూలిపోయిందని జిల్లా యంత్రాంగం తెలిపింది. ప్రస్తుతం పతనంతిట్ట, అలప్పుజా, కొట్టాయం, ఎర్నాకులం, మలప్పురం, కాసర్‌గోడ్ జిల్లాల్లో మొత్తం 47 క్యాంపులు ఉన్నాయని, 879 మందిని అక్కడికి తరలించామని కేరళ ముఖ్యమంత్రి పినరయి విజయన్ తెలిపారు. ప్రభుత్వ యంత్రాంగం అప్రమత్తంగా ఉండాలని సూచించారు. రాష్ట్రంలోని పలు ప్రాంతాల్లో కురుస్తున్న వర్షాల కారణంగా నదులు ఉధృతంగా ప్రవహిస్తుండడంతో వివిధ డ్యామ్‌లలో నీటిమట్టం పెరిగింది.
రాజస్థాన్‌లో 123 ఏళ్ల రికార్డు బద్దలు
రాజస్థాన్‌లో 123 ఏళ్లలోనే జూన్‌లో అత్యధిక వర్షపాతం నమోదైంది. ఈ ఏడాది జూన్‌లో రాష్ట్రం మొత్తం 156.9 మిల్లీమీటర్ల వర్షపాతం నమోదైంది, ఇది సగటు కంటే 185 శాతం ఎక్కువ. జైపూర్ వాతావరణ కేంద్రం ఇన్‌ఛార్జ్ రాధేశ్యామ్ శర్మ మాట్లాడుతూ.. జూన్ 2023లో రాష్ట్రం మొత్తం 156.9 మిమీ (సగటు కంటే 185 శాతం ఎక్కువ) వర్షపాతం పొందిందని, ఇది 1901 నుండి ఇప్పటి వరకు ఈ నెలలో నమోదైన అత్యధిక వర్షపాతం. అంతకుముందు 1996లో జూన్ నెలలో అత్యధికంగా 122.8 మి.మీ వర్షపాతం నమోదైంది.
06 July 2023: #Weather Warning
— NDMA India | राष्ट्रीय आपदा प्रबंधन प्राधिकरण 🇮🇳 (@ndmaindia) July 6, 2023
Source: @Indiametdept
Heavy to very heavy rainfall with extremely heavy falls likely at isolated places over #Konkan & #Goa,
Madhya #Maharashtra; heavy to very heavy rainfall likely at isolated places over #Odisha, pic.twitter.com/jBx7hdvexj
ముంబయిలోనూ IMD ఆరెంజ్ అలర్ట్
బుధవారం (జూలై 5) ఉదయం ముంబయిలోని కొన్ని ప్రాంతాల్లో తేలికపాటి వర్షం కురవగా.. ఇక్కడ కూడా IMD ఆరెంజ్ అలర్ట్ జారీ చేసింది. మహానగరంలో కొన్ని చోట్ల భారీ నుండి అతి భారీ వర్షాలు కురిసే అవకాశం ఉందని అంచనా వేసింది.
టాప్ హెడ్ లైన్స్
ట్రెండింగ్ వార్తలు
