Gautami Tadimalla : అన్నాడీఎంకేకు సినీ నటి గౌతమి రాజీనామా - విజయ్ పార్టీలో చేరుతారా?
Gautami Tadimalla Resign : తమిళనాడులో అన్నాడీఎంకేకు బిగ్ షాక్ తగిలింది. సినీ నటి గౌతమి ఆ పార్టీకి రాజీనామా చేశారు. ప్రాథమిక సభ్యత్వంతో పాటు అధికారిక పదవికి కూడా రిజైన్ చేశారు.
Actress Gautami Tadimalla Resigned To AIADMK : తమిళనాడు రాజకీయాల్లో మరో కీలక పరిణామం జరిగింది. ప్రముఖ సినీ నటి, AIADMK (ఆల్ ఇండియా అన్నా ద్రావిడ మున్నేట్ర కళగం) ప్రచార విభాగం ఉప కార్యదర్శి గౌతమి తాడిమల్ల ఆ పార్టీకి సడన్గా గుడ్బై చెప్పారు. పార్టీ ప్రాథమిక సభ్యత్వంతో పాటు తనకు అప్పగించిన అధికారిక పదవికి కూడా ఆమె రాజీనామా చేశారు. ఈ మేరకు రాజీనామా లేఖను అన్నాడీఎంకే ప్రధాన కార్యదర్శి ఎడప్పాడి కె.పళనిస్వామికి పంపించారు.
అదే రీజనా?
రాష్ట్రంలో ప్రస్తుతం నెలకొన్న రాజకీయ పరిస్థితుల నేపథ్యంలోనే తాను ఈ డెసిషన్ తీసుకోవాల్సి వచ్చిందని గౌతమి లేఖలో పేర్కొన్నారు. బరువెక్కిన హృదయంతో AIADMKను వీడుతున్నట్లు సోషల్ మీడియా వేదికల్లో పోస్ట్ చేశారు. భవిష్యత్తులో మరింత స్వతంత్రంగా, సముచిత రీతిలో సామాజిక సేవా కార్యక్రమాల్లో చురుగ్గా పాల్గొనేందుకే ఈ అడుగు వేసినట్లు ఆమె పేర్కొన్నారు. తన రాజకీయ ప్రయాణంలో సహకరించిన మాజీ మంత్రులు, జిల్లా, నియోజకవర్గ స్థాయి పార్టీ కార్యకర్తలకు, నాయకత్వానికి ఈ సందర్భంగా ఆమె ప్రత్యేక కృతజ్ఞతలు తెలిపారు.
With a heavy heart, I have resigned from the AIADMK today... pic.twitter.com/idq97IzgjQ
— Gautami Tadimalla (@gautamitads) June 14, 2026
బీజేపీని వీడి...
దాదాపు రెండు దశాబ్దాల పాటు బీజేపీలో కొనసాగిన గౌతమి... ఆ పార్టీ హై కమాండ్ నుంచి ఆశించిన స్థాయిలో సపోర్ట్ లభించడం లేదంటూ 2023, అక్టోబరులో బయటకు వచ్చారు. ఆ తర్వాత ఏడాది ఫిబ్రవరిలో పళని స్వామి సమక్షంలో అన్నాడీఎంకేలో చేరారు. రీసెంట్గా జరిగిన తమిళనాడు అసెంబ్లీ ఎన్నికల్లో ఆ పార్టీ తరఫున స్టార్ క్యాంపెయినర్గా రాష్ట్రవ్యాప్తంగా విస్తృతంగా ప్రచారం నిర్వహించారు.
ప్రస్తుతం అన్నాడీఎంకే తీవ్ర రాజకీయ ఒడిదుడుకులు ఎదుర్కొంటున్న నేపథ్యంలో గౌతమి లాంటి కీలక నేత పార్టీని వీడటం ఆ పార్టీకి పెద్ద షాకే అని చెప్పాలి. ప్రస్తుతం ఈ అంశం పొలిటికల్ వర్గాల్లో హాట్ టాపిక్గా మారింది. అయితే, గౌతమి రాజీనామా నిర్ణయంపై పార్టీ అధిష్టానం ఇంకా ఎలాంటి నిర్ణయం తీసుకోలేదు.
విజయ్ పార్టీలో చేరతారా?
ప్రస్తుతానికి నటి గౌతమి తన భవిష్యత్ కార్యాచరణ ప్రకటించకపోయినప్పటికీ ఆమె సీఎం విజయ్ TVK పార్టీలో చేరుతారనే ప్రచారం సాగుతోంది. ఒకవేళ అదే నిజమైతే ప్రజెంట్ రాజకీయ పరిణామాల నేపథ్యంలో బలమైన మహిళా నేతగా గౌతమి TVKలో ఎదుగుతారని రాజకీయ విశ్లేషకులు భావిస్తున్నారు. మరి దీనిపై త్వరలోనే క్లారిటీ రానుంది.
Also Read : Mahesh Babu : మహేశ్ బాబుతో నెక్స్ట్ మూవీ... రామ్ చరణ్తో మరో సినిమా - బుచ్చిబాబు రియాక్షన్
టాప్ హెడ్ లైన్స్
ట్రెండింగ్ వార్తలు
