Extortion Case: పరంబీర్​ సింగ్‌కు ఊరట.. నాన్​ బెయిలబుల్​ వారెంట్​ రద్దు

బలవంతపు వసూళ్ల కేసులో ముంబయి మాజీ పోలీసు కమిషనర్ పరమ్‌బీర్‌ సింగ్‌పై జారీ చేసిన నాన్‌బెయిలబుల్ వారెంట్‌ను కోర్టు రద్దు చేసింది.

పరమ్‌బీర్‌ సింగ్‌కు ఊరట

ముంబయి మాజీ పోలీసు కమిషనర్‌ పరమ్‌బీర్​‌ సింగ్‌కు మహారాష్ట్ర ఠాణె కోర్టులో ఊరట లభించింది. బలవంతపు వసూళ్లకు సంబంధించి ఆరోపణలు ఎదుర్కొంటున్న కేసులో జారీ చేసిన నాన్​ బెయిలబుల్​ వారెంట్​ను కోర్టు రద్దు చేసింది.

A Thane court cancelled the non-bailable warrant against former Mumbai Police Commissioner Param Bir Singh after he appeared before them. While cancelling it, Court directed him to cooperate with Thane Police in investigation. He was asked to furnish a personal bond of Rs 15,000. pic.twitter.com/wjdFVXPbiN

— ANI (@ANI) November 26, 2021

విచారణ కోసం కోర్టు ఎదుట పరమ్​బీర్​ హాజరుకావడం వల్ల ఈ నిర్ణయం తీసుకుంది. దర్యాప్తులో పోలీసులకు సహకరించాలని ఆదేశించింది. రూ. 15వేల వ్యక్తిగత బాండు సమర్పించాలని స్పష్టం చేసింది.

ఇదీ కేసు..

మహారాష్ట్ర మాజీ హోంమంత్రి అనిల్ దేశ్‌ముఖ్‌కు సంబంధించిన బలవంతపు వసూళ్ల కేసులో ముంబయి మాజీ పోలీస్​ కమిషనర్ పరంబీర్​ సింగ్​ సహా మరికొంత మంది పోలీసులను పరారీలోని నేరస్థులుగా మెజిస్ట్రేట్​ కోర్టు ఇటీవల ప్రకటించింది. చివరిసారిగా సింగ్ మే నెలలో తన కార్యాలయంలో విధులు నిర్వహించారు. తర్వాత అజ్ఞాతంలోకి వెళ్లిపోయారు.

రూ.15 కోట్ల కోసం పరంబీర్​ సింగ్, మరో ఐదుగురు పోలీసు అధికారులు తనను వేధించారని జులైలో మెరైన్​ డ్రైవ్​ పోలీస్​ స్టేషన్​లో ఓ రియల్​ ఎస్టేట్​ వ్యాపారి ఫిర్యాదు చేశారు. విచారణ చేపట్టిన ముంబయి పోలీసులు పరంబీర్​పై నాన్​బెయిలబుల్ వారెంట్లు జారీ చేశారు. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి