Twitter Logo: మరోసారి ట్విటర్ లోగో మార్చిన మస్క్, కుక్క స్థానంలోకి మళ్లీ పిట్ట వచ్చేసింది

Twitter Logo Change:

మస్క్ మామ ఆటలు..

ఎలన్ మస్క్‌కు ఏమైంది? ఎందుకిలా చేస్తున్నారు? సోషల్ మీడియాలో ఇదే డిస్కషన్. ఈ మధ్యే ఆయన తీసుకున్న నిర్ణయం అలాంటిది మరి. ట్విటర్‌ను హస్తగతం చేసుకున్నప్పటి నుంచి ఏదో ఓ సెన్సేషనల్ నిర్ణయాలు తీసుకుంటున్నారు మస్క్. ఇటీవల ఏకంగా ట్విటర్‌ లోగోనే మార్చేశారు. పిట్ట స్థానంలో కుక్కను పెట్టారు. అంతర్జాతీయంగా దీనిపై పెద్ద ఎత్తున చర్చ జరిగింది. ఇదేం డీపీరా బాబు అని అందరూ ఆశ్చర్యపోయారు. మస్క్ మామకు ఏమవుతోంది..? అంటూ కామెంట్లు పెట్టారు. మస్క్‌కు మళ్లీ ఏమైందో ఏమో. ట్విటర్‌ లోగో మరోసారి మార్చారు. పాత లోగోనే మళ్లీ పెట్టారు. వెబ్‌వర్షన్‌లో కుక్క స్థానంలో పిట్ట వచ్చి చేరింది. ట్విటర్‌ మొబైల్ యాప్‌లోనూ లోగో మారిపోయింది. సోషల్ మీడియాలో కామెంట్లు వెల్లువెత్తుతున్నాయి. ట్విటర్ లోగో అప్‌డేట్ అయిందంటూ అందరూ పోస్ట్‌లు పెడుతున్నారు. కొందరు స్క్రీన్‌షాట్‌లు తీసి మరీ షేర్ చేస్తున్నారు. "లోగో మార్చి మూడు రోజులే అయింది. మళ్లీ ఎందుకు మార్చారు. అయినా నాకు డాగ్ లోగోనే నచ్చింది" అంటూ ఓ నెటిజన్ కామెంట్ చేశాడు. ఇంకొందరు మాత్రం "హమ్మయ్య మళ్లీ పాత లోగో వచ్చేసింది" అంటూ ఆనందం వ్యక్తం చేస్తున్నారు. నిజానికి...డాగ్ లోగోపై విమర్శలు వచ్చాయి. మస్క్‌ ఎందుకిలా చేస్తున్నారు అంటూ ప్రశ్నించారు. ఇదంతా కేవలం అటెన్షన్ కోసం చేస్తున్నదే, లోగో ఏదైతే ఏముంది..? అని మరి కొందరు మండి పడుతున్నారు. 

అయితే...ఎలన్ మస్క్ ట్విటర్‌లో ఓ పోస్ట్ పెట్టారు. మార్చి 26న ఓ ట్విటర్ యూజర్‌తో జరిగిన కన్వర్జేషన్‌ని షేర్ చేశారు. "ట్విటర్‌ను కొనేయండి. బర్డ్ లోగోను తీసేసి డాగ్‌ లోగో పెట్టండి" అని ఆ యూజర్‌ మస్క్‌కు సూచించాడు. అందుకు మస్క్‌ ఒప్పుకున్నాడు. అదే స్క్రీన్‌షాట్‌ని షేర్ చేసిన మస్క్ "ప్రామిస్ చేసినట్టే మార్చేశా" అని ట్వీట్ చేశారు. 

As promised pic.twitter.com/Jc1TnAqxAV

— Elon Musk (@elonmusk) April 3, 2023

డోజ్ అనేది ఓ పాపులర్ ఇంటర్నెట్ మీమ్. 2013 నుంచి బాగా పాపులర్ అయ్యింది ఈ మీమ్. జపాన్ కు చెందిన షిబా ఇను అనే డాగ్ బ్రీడ్ ని ఫన్నీగా చూపిస్తే వచ్చిందే ఈ డోజ్ మీమ్. వాస్తవానికి 2010లోనే ఎవరో ఈ మీమ్ క్రియేట్ చేశారు. కానీ 2013లో వరల్డ్ వైడ్ ఆన్ లైన్ పోల్స్ లో టాప్ మీమ్ గా నిలవటంతో పాప్ కల్చర్ లోకి డోజ్ మీమ్ దూసుకొచ్చింది. బ్రోకెన్ ఇంగ్లీష్ తో సెటైరికల్ గా కొంచెం కంజూస్డ్ గానో లేదా అత్యంత అమాయకత్వంతోనో ఏమన్నా చెప్పాలంటే డోజ్ మీమ్ ను వాడుతూ ఉంటారు. బిల్లీ మార్కస్ అండ్ జాక్సన్ పామర్ అనే ఇద్దరు సాఫ్ట్ వేర్ ఇంజినీర్లు డోజ్ పేరు మీదుగా ఓ క్రిప్టో కరెన్సీ ని తయారు చేసి దానికి డోజ్ కాయిన్ అని పేరు కూడా పెట్టారు. ఇప్పుడు ఈ డోజ్ కాయిన్ చాలా ఫేమస్ మీమ్ క్రిప్టో కరెన్సీ. ఈ డోజ్ అంటే ట్విట్టర్ అధినేత ఎలన్ మస్క్ కి చాలా క్రేజ్. అతను డోజ్ కాయిన్ ను టేకోవర్ చేసే ఉద్దేశంతో ఉన్నాడో లేదో తెలియదుకానీ...టెస్లా కార్స్ కొనుగోలుకు మాత్రం డోజ్ కాయిన్ క్రిప్టో కరెన్సీ యాక్సెప్ట్ చేస్తానని అప్పట్లో సంచలనం సృష్టించాడు. ఇప్పుడు ఏకంగా ట్విట్టర్ లోగోగా డోజ్ నే పెట్టాడు. 

Also Read: Kharge - MK Stalin: తమిళనాడు సీఎం స్టాలిన్‌కు కాల్ చేసిన ఖర్గే! కాంగ్రెస్ ఏం ప్లాన్ చేస్తోంది?