బెంగళూరు పేలుడు కేసులో కీలక మలుపు, సీసీ కెమెరాకి చిక్కిన అనుమానితుడు

Rameshwaram Cafe Blast: రామేశ్వరం పేలుడు కేసులో అనుమానితుడి కోసం పోలీసులు గాలిస్తున్నారు.

రామేశ్వరం పేలుడు కేసులో అనుమానితుడి కోసం పోలీసులు గాలిస్తున్నారు.

Bengaluru Blast Case: బెంగళూరులోని రామేశ్వరం కేఫ్‌లో పేలుడు రాష్ట్రవ్యాప్తంగా సంచలనం సృష్టించింది. ముందు ఇది సిలిండర్ పేలుడు అని భావించినా ఆ తరవాత కీలక విషయాలు వెలుగులోకి వచ్చాయి. కేఫ్‌లో ఓ అనుమానాస్పద బ్యాగ్ కనిపించింది. అందులోనే పేలుడు పదార్థాలు పెట్టినట్టు అనుమానించారు. ఆ తరవాత ఫోరెన్సిక్ టీమ్ కూడా రంగంలోకి దిగింది. IED పేలుడు సంభవించినట్టు స్వయంగా ముఖ్యమంత్రి సిద్దరామయ్య వెల్లడించారు. దీనిపై పూర్తి స్థాయిలో దర్యాప్తు జరుగుతున్నట్టు స్పష్టం చేశారు.

VIDEO | Bengaluru cafe blast suspect caught on CCTV.

At least 10 people were injured in a low intensity bomb blast at the popular Rameshwaram Cafe in Bengaluru's Whitefield locality on Friday. Police suspect that an improvised explosive device (IED) fitted with a timer inside a… pic.twitter.com/EWGzLAmy1M

— Press Trust of India (@PTI_News) March 2, 2024

ఇప్పుడీ కేసులో కీలక సాక్ష్యాలు వెలుగులోకి వస్తున్నాయి. CC కెమెరా ఫుటేజ్‌లో ఓ వ్యక్తి బ్యాగ్‌తో కేఫ్‌లోకి వచ్చినట్టు రికార్డ్ అయింది. అతనిపైనే అనుమానాలు వ్యక్తం చేస్తున్నారు పోలీసులు. పోలీసులు చెప్పిన వివరాల ప్రకారం...ఈ వ్యక్తే కేఫ్‌లోకి వెళ్లి అక్కడ బ్యాగ్ పెట్టి అక్కడి నుంచి వెళ్లిపోయాడు. ఆ తరవాత కాసేపటికే పేలుడు సంభవించింది. సీసీ ఫుటేజ్‌లో అనుమానితుడు మాస్క్, కళ్లజోడు పెట్టుకుని ఉన్నాడు. ఈ అనుమానితుడితో పాటు ఉన్న వ్యక్తిని బెంగళూరు పోలీసులు అదుపులోకి తీసుకుని విచారిస్తున్నారు. మార్చి 1వ తేదీన మధ్యాహ్నం 12.50, ఒంటిగంట మధ్య కాలంలో ఈ పేలుడు సంభవించింది. ఈ ప్రమాదంలో దాదాపు పది మంది గాయపడ్డారు. NIA రంగంలోకి దిగి విచారణ మొదలు పెట్టింది. ఈ పేలుడులో గాయపడ్డ వారికి ప్రస్తుతం చికిత్స అందిస్తున్నారు. ఈ ఘటనను అనవసరంగా రాజకీయం చేయొద్దని సిద్దరామయ్య ఇప్పటికే వెల్లడించారు. విచారణకు అందరూ సహకరించాలని కోరారు. 

On the explosion at Bengaluru’s The Rameshwaram Cafe, Karnataka CM Siddaramaiah says "A person wearing a mask and cap came in a bus, fixed the timer and exploded it. The deputy CM and Home Minister visited the spot yesterday. I will also go to the hospital and the spot today. I… pic.twitter.com/3ZhcyULi6I

— ANI (@ANI) March 2, 2024

కర్ణాటక డిప్యుటీ సీఎం డీకే శివకుమార్‌ ఘటనా స్థలాన్ని పరిశీలించారు. పేలుడు ఎలా జరిగిందో వివరించారు. మధ్యాహ్నం ఒంటిగంటకు భారీ శబ్దంతో పేలుడు సంభవించినట్టు వెల్లడించారు. 

"మధ్యాహ్నం ఒంటిగంట సమయంలో ఈ పేలుడు సంభవించింది. ఓ 30 ఏళ్ల వ్యక్తి కేఫ్‌కి వచ్చాడు. రవ్వ ఇడ్లీ ఆర్డర్ ఇచ్చాడు. కేఫ్‌కి పక్కనే ఓ చెట్టు దగ్గర బ్యాగ్ పెట్టాడు. టిఫిన్ తిని అక్కడి నుంచి వెళ్లిపోయాడు. బ్యాగ్ మాత్రం అక్కడే ఉండిపోయింది. అతడు వెళ్లిపోయిన గంట తరవాత పేలుడు చోటు చేసుకుంది"

- డీకే శివకుమార్, కర్ణాటక డిప్యుటీ సీఎం