Aryan Khan Bail: ఆర్యన్ ఖాన్‌ విడుదలపై మంత్రి ఆసక్తికర ట్వీట్.. 'పిక్చర్ అబీ బాకీ హై మేరా దోస్త్'!

మహారాష్ట్ర మంత్రి నవాబ్ మాలిక్ మరోసారి కీలక వ్యాఖ్యలు చేశారు. ఆర్యన్ ఖాన్‌కు బెయిల్ మంజూరైన కాసేపటికే ఓ ట్వీట్ చేశారు.

నవాబ్ మాలిక్ ట్వీట్

ముంబయి డ్రగ్స్ కేసులో మొదటి నుంచి సంచలన ఆరోపణలు చేస్తేన్న మహారాష్ట్ర మంత్రి నవాబ్ మాలిక్ మరో ఆసక్తికర ట్వీట్ చేశారు. ఆర్యన్ ఖాన్‌కు బెయిల్ మంజూరు అయిన కాసేపటికే 'పిక్చర్ అబీ బాకీ హై మేరే దోస్త్' అని ట్వీట్ చేశారు. అయితే ఇది ఆర్యన్ ఖాన్‌ను ఉద్దేశించి చేసిన వ్యాఖ్యలా లేక ఎన్‌సీబీ సీనియర్ అధికారి సమీర్ వాంఖడేను ఉద్దేశించినవా తెలియాలి.

पिक्चर अभी बाकी है मेरे दोस्त

— Nawab Malik نواب ملک नवाब मलिक (@nawabmalikncp) October 28, 2021

ఆర్యన్‌కు బెయిల్..

అయితే డ్రగ్స్ కేసులో ఎట్టకేలకు ఆర్యన్ ఖాన్‌కు బెయిల్ లభించింది. బాంబే హైకోర్టు ఆర్యన్ ఖాన్‌తో పాటు అర్బాజ్ మర్చంట్, మున్‌మున్ ధామేచాకు బెయిల్ మంజూరు చేస్తూ ఉత్తర్వులు ఇచ్చింది.

వాంఖడే పిటిషన్ రద్దు..

మరోవైపు ముంబయి డ్రగ్స్​ కేసులో తనపై వచ్చిన ఆరోపణలపై మహారాష్ట్ర ప్రభుత్వం చేపట్టిన దర్యాప్తునకు వ్యతిరేకంగా బాంబే హైకోర్టును ఆశ్రయించారు ఎన్​సీబీ జోనల్​ అధికారి సమీర్​ వాంఖడే. తనకు అరెస్ట్​ నుంచి రక్షణ కల్పించాలని కోరారు. అయితే ఈ పిటిషన్‌పై ప్రభుత్వం తరఫున వాదనలు వినిపించిన న్యాయవాది కీలక వ్యాఖ్యలు చేశారు.

" సమీర్​ వాంఖడేపై నాలుగు భిన్న ఫిర్యాదులు అందాయి. ఏసీపీ స్థాయి అధికారి చేపట్టిన ఈ దర్యాప్తు ప్రస్తుతానికి ప్రారంభ దశలోనే ఉంది. ఇప్పటి వరకు ఎలాంటి ఎఫ్​ఐఆర్​ నమోదు చేయలేదు. అవినీతి నిరోధక చట్టం కింద కేసు నమోదు చేస్తే 72 గంటల ముందే నోటీసులు ఇస్తారు. అరెస్ట్​ చేయటానికి 3 రోజుల ముందే నోటీసులు ఇస్తారు.                                         "

- మహారాష్ట్ర ప్రభుత్వం తరఫు న్యాయవాది

అరెస్ట్‌కు ముందే నోటీసులు ఇస్తామని మహారాష్ట్ర సర్కార్ చెప్పడంతో ఈ పిటిషన్‌ను న్యాయస్థానం కొట్టివేసింది.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channelసబ్‌స్క్రైబ్‌ చేయండి